ലോകത്തെ ഏറ്റവും മൂല്യമേറിയ കമ്പനി; ആപ്പിളിനെ ഞെട്ടിച്ച്​ മൈക്രോസോഫ്​റ്റ്​

കഴിഞ്ഞ ഏതാനും വർഷങ്ങളായി അമേരിക്കൻ ടെക്​ ഭീമനായ ആപ്പിൾ ലോകത്തെ ഏറ്റവും മൂല്യമേറിയ കമ്പനിയായി രാജവാഴ്​ച്ച തുടരുകയാണ്​. എന്നാൽ, ഒക്​ടോബർ 27-ാം തീയതി ബുധനാഴ്​ച്ച മറ്റൊരു അമേരിക്കൻ കമ്പനിയായ മൈക്രോസോഫ്​റ്റ്​ ആപ്പിളിനെ ചെറുതായെന്ന്​ ഞെട്ടിച്ചു.

ഓഹരികളിലുണ്ടായ കുതിപ്പാണ്​ സോഫ്റ്റ്​വെയർ ഭീമനായ മൈക്രോസോഫ്​റ്റിന്​ നേട്ടമായത്​. ഓഹരി വില 4.2 ശതമാനം കുതിച്ച് ​ 323.17 ഡോളർ എന്ന റെക്കോർഡ്​ നിലവാരത്തിലാണ്​ അവസാനിച്ചത്​. അത്​ കമ്പനിയുടെ മാർക്കറ്റ് ക്യാപിറ്റലൈസേഷൻ 2.426 ട്രില്യൺ ഡോളറായി ആയി ഉയർത്തി. ആപ്പിളി​േൻറത്​ 2.461 ട്രില്യൺ ഡോളറാണ്​.

ഐഫോൺ നിർമാതാക്കൾ അവരുടെ ത്രൈമാസ ഫലങ്ങൾ പുറത്തുവിടുന്നതിന്​ ഒരു ദിവസം മുമ്പാണ്​ ​മൈക്രോസോഫ്​റ്റ്​ കുതിപ്പ്​ നടത്തിയത്​. കമ്പനിയുടെ കീഴിലുള്ള അസൂർ ക്ലൗഡ്-കമ്പ്യൂട്ടിംഗ് ബിസിനസ് മൂന്നാം പാദത്തിൽ നേടിയ​ ശക്തമായ വളർച്ച​ കുതിപ്പിന്​ ഇന്ധനമായി മാറി. അതേസമയം, ആപ്പിളി​െൻറ ഓഹരികൾ 0.3% ഇടിഞ്ഞിരുന്നു. ആഗോള വിതരണ ശൃംഖല നേരിടുന്ന പ്രതിസന്ധി ഐഫോൺ നിർമാതാക്കളെ ബാധിക്കുന്നതിലാണ്​ നിക്ഷേപകർ ശ്രദ്ധകേന്ദ്രീകരിച്ചത്​.

മൈക്രോസോഫ്റ്റിന്റെ ഒാഹരി ഈ വർഷം 45 ശതമാനമാണ്​ ഉയർന്നത്​. ബിൽ ഗേറ്റ്​സി​െൻറ കമ്പനിയുടെ കീഴിലുള്ള ക്ലൗഡ് അധിഷ്‌ഠിത സേവനങ്ങൾ മഹാമാരിക്കാലത്ത്​ ഡിമാൻറ്​ വർധിക്കുകയായിരുന്നു. 2021ൽ ആപ്പിളിന്റെ ഓഹരികൾ 12 ശതമാനമാണ്​ ഉയർന്നത്​.