വെടിയുണ്ട തടഞ്ഞ് മൊബൈൽ ഫോൺ!; സൈനികന് 'രണ്ടാം ജന്മം'

റഷ്യയുമായുള്ള യുദ്ധത്തിനിടെ വെടിയുണ്ട തടഞ്ഞ് യു​ക്രെയ്ൻ സൈനികന്റെ ജീവൻ രക്ഷിച്ച് ​സമൂഹ മാധ്യമങ്ങളിൽ താരമായിരിക്കുകയാണ് ഒരു മൊബൈൽ ഫോൺ. തന്റെ ബാക്ക്പാക്കിൽ വെച്ച ഐഫോൺ 11 പ്രോയാണ് ബുള്ളറ്റിൽനിന്ന് സൈനികന് രക്ഷയായത്.

സമൂഹ മാധ്യമങ്ങളിൽ ​തരംഗമായ വിഡിയോയിൽ സൈനികൻ തന്റെ ബാക്ക്പാക്കിൽനിന്ന് ഐഫോൺ പുറത്തെടുക്കുന്നത് കാണിക്കുന്നു. ബുള്ളറ്റ് തുളച്ചുകയറിയ അടയാളമുള്ള ഫോൺ പൂർണമായി തകർന്ന നിലയിലാണ്. എന്നാൽ, 2019 മോഡൽ ഫോൺ ഇല്ലായിരുന്നെങ്കിൽ ബുള്ളറ്റ് ശരീരത്തിൽ തുളച്ചുകയറുമായിരുന്നെന്നാണ് സൈനികൻ പറയുന്നത്.

ഫെബ്രുവരി 24നാണ് റഷ്യ യു​ക്രെയ്നെതിരെ സൈനിക നടപടി ആരംഭിച്ചത്. ആയിരക്കണക്കിനാളുകളാണ് ഇതുവരെ കൊല്ലപ്പെട്ടത്.