ഓപറേഷൻ ട്വിൻസ്​: ചെന്നിത്തലയുടെ വെബ്​സൈറ്റിലുള്ളത്​ ഇരട്ട വോട്ടിന്‍റെ വിശദാംശങ്ങൾ

തി​രു​വ​ന​ന്ത​പു​രം: ദിവസങ്ങളായി പുകയുന്ന ഇരട്ടവോട്ട്​ വിവാദത്തിൽ പുതിയ 'ട്വിസ്റ്റ്​' ആയി മാറി പ്രതിപക്ഷ നേതാവ്​ രമേശ്​ ചെന്നിത്തല പുറത്തുവിട്ട വെബ്​ സൈറ്റ്​. 140 മ​ണ്ഡ​ല​ങ്ങ​ളി​ലെ​യും 4.34 ല​ക്ഷം ഇ​ര​ട്ട വോ​ട്ട​ര്‍മാ​രു​ടെ പ​ട്ടി​ക www.operationtwins.com എ​ന്ന വെ​ബ്സൈ​റ്റി​ലൂ​ടെ​യാ​ണ്​ പു​റ​ത്തു​വി​ട്ട​ത്.

ഓരോ മ​ണ്ഡ​ല​ത്തി​ലു​മു​ള്ള വി​വി​ധ ബൂ​ത്തു​ക​ളി​ല്‍ ചേ​ര്‍ത്ത ഇ​ര​ട്ട വോ​ട്ട​ര്‍മാ​രു​ടെ വി​വ​ര​ങ്ങ​ളും അ​തേ വോ​ട്ട​ര്‍മാ​രു​ടെ ഫോ​ട്ടോ ഉ​പ​യോ​ഗി​ച്ച് സ​മീ​പ നി​യോ​ജ​ക മ​ണ്ഡ​ല​ങ്ങ​ളി​ലെ ബൂ​ത്തു​ക​ളി​ല്‍ വ്യ​ത്യ​സ്ത പേ​രു​ക​ളി​ലും വി​ലാ​സ​ങ്ങ​ളി​ലും വോ​ട്ട​ര്‍ ഐ.​ഡി​യി​ലും ചേ​ര്‍ത്ത വോ​ട്ട​ര്‍മാ​രു​ടെ പേ​ര് വി​വ​ര​ങ്ങ​ളു​മാ​ണ് വെ​ബ്‌​സൈ​റ്റി​ലു​ള്ള​ത്.

38,586 പേ​രു​ടെ ഇ​ര​ട്ട വോ​ട്ട്​ മാ​ത്ര​മാ​ണ്​ തെ​ര​ഞ്ഞെ​ടു​പ്പ്​ ക​മീ​ഷ​ൻ സ്ഥി​രീ​ക​രി​ച്ച​ത്. നി​യോ​ജ​ക മ​ണ്ഡ​ല ന​മ്പ​ര്‍, ബൂ​ത്ത് ന​മ്പ​ര്‍, വോ​ട്ട​റു​ടെ പേ​ര്, വോ​ട്ട​ര്‍ ഐ.​ഡി ന​മ്പ​ര്‍, അ​തേ വ്യ​ക്തി​ക്ക് മ​റ്റ് ബൂ​ത്തു​ക​ളി​ലു​ള്ള വോ​ട്ട്​ ഐ.​ഡി ന​മ്പ​ര്‍, അ​വി​ട​ത്തെ പേ​ര്, വി​ലാ​സം, അ​തേ വ്യ​ക്തി​ക്ക് തൊ​ട്ട​ടു​ത്ത നി​യോ​ജ​ക മ​ണ്ഡ​ല​ങ്ങ​ളി​ലു​ള്ള വോ​ട്ടി​െൻറ ഐ.​ഡി ന​മ്പ​ർ, വി​ലാ​സം എ​ന്നി​വ പ​ട്ടി​ക​യി​ലു​ണ്ട്. വെ​ബ്‌​സൈ​റ്റി​ലെ വി​വ​ര​ങ്ങ​ള്‍ അ​പ്‌​ഡേ​റ്റ് ചെ​യ്യു​മെ​ന്ന്​ പ്ര​തി​പ​ക്ഷ നേ​താ​വി​െൻറ ഒാ​ഫി​സ്​ അ​റി​യി​ച്ചു. ഫോ​ട്ടോ ഉ​ള്‍പ്പെ​ടെ വി​വ​ര​ങ്ങ​ള്‍ പു​തി​യ അ​പ്‌​ഡേ​ഷ​നു​ക​ളി​ലു​ണ്ടാ​കും. തെ​ര​ഞ്ഞെ​ടു​പ്പ് ക​ഴി​യും​വ​രെ സൈ​റ്റി​ല്‍ ഈ ​വി​വ​ര​ങ്ങ​ളുണ്ടാകുമെന്ന്​ പ്ര​തി​പ​ക്ഷ നേ​താ​വി​െൻറ ഓ​ഫി​സ് അ​റി​യി​ച്ചു.

വോ​ട്ട​ർ​പ​ട്ടി​ക അ​ബ​ദ്ധ പ​ഞ്ചാം​ഗം

തെ​ര​ഞ്ഞെ​ടു​പ്പ് ക​മീ​ഷ​ന്‍ പ്ര​സി​ദ്ധീ​ക​രി​ച്ച വോ​ട്ട​ര്‍പ​ട്ടി​ക അ​ബ​ദ്ധ​പ​ഞ്ചാം​ഗ​മാ​ണെ​ന്ന്​ ഹൈ​കോ​ട​തി വി​ധി​യോ​ടെ വ്യ​ക്ത​മാ​യെ​ന്ന്​ പ്ര​തി​പ​ക്ഷ നേ​താ​വ്​ ര​മേ​ശ് ചെ​ന്നി​ത്ത​ല ഹ​രി​പ്പാ​ട് ക​രു​വാ​റ്റ​യി​ൽ മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു.

38,000 ഇ​ര​ട്ട​വോ​ട്ട​ര്‍മാ​രേ ഉ​ള്ളൂ​വെ​ന്ന് ക​മീ​ഷ​ന്‍ പ​റ​ഞ്ഞ​ത് ശ​രി​യി​ല്ല. വ്യാ​ജ വോ​ട്ട​ര്‍മാ​രെ ക​ണ്ടെ​ത്താ​ൻ ക​മീ​ഷ​ന് പ​രി​ശോ​ധ​ന ന​ട​ത്താ​ന്‍ ക​ഴി​ഞ്ഞി​ട്ടി​ല്ല. ബി.​എ​ല്‍.​ഒ​മാ​ര്‍ക്ക് അ​ത​ത് ബൂ​ത്തി​ലെ ഇ​ര​ട്ടി​പ്പ് മാ​ത്ര​മേ രേ​ഖ​പ്പെ​ടു​ത്താ​ന്‍ ക​ഴി​യൂ.

ദി​വ​സ​ങ്ങ​ളെ​ടു​ത്ത് താ​നും സ​ഹ​പ്ര​വ​ര്‍ത്ത​ക​രും ക​ഠി​ന​മാ​യി പ​രി​ശ്ര​മി​ച്ചാ​ണ് വ്യാ​ജ​വോ​ട്ട​ര്‍മാ​രെ ക​ണ്ടെ​ത്തി​യ​ത്. ക​ള്ള​വോ​ട്ട് ചെ​യ്യാ​ന്‍ പോ​കു​ന്ന​വ​ര്‍ സ​ത്യ​വാ​ങ്​​മൂ​ലം ന​ല്‍കു​മോയെന്നും ചെ​ന്നി​ത്ത​ല ചോദിച്ചു.