അവളെ രക്ഷിക്കാൻ ജെറ്റ്​ പാക്കിൽ പറന്നെത്തി രക്ഷാ പ്രവർത്തകൻ

ആർക്കെങ്കിലും അപകടം സംഭവിച്ചാൽ അതിവേഗം സ്ഥലത്തെത്തി പ്രാഥമിക വൈദ്യ സഹായം നൽകുന്നവരാണ്​ പാരമെഡിക്​സ്​​. ജീവൻ രക്ഷിക്കാൻ പോലും പരിശീലനം സിദ്ധിച്ച പാരാമെഡിക്​സിന്​ പക്ഷെ, എല്ലായ്​പ്പോഴും ആവശ്യമുള്ളവരിലേക്ക്​ സമയത്ത്​ എത്തിച്ചേരാൻ കഴിയാറില്ല. മലമുകളിൽ ട്രക്കിങ്​ നടത്തുന്ന ഒരാൾക്ക്​ അപകടം പറ്റിയാൽ ആംബുലൻസിന്​ സമയത്ത്​ പാഞ്ഞെത്തുക എന്നത്​ ഹിമാലയൻ ടാസ്​കാണ്​.

എന്നാൽ യു.കെ അടിസ്ഥാനമാക്കിയുള്ള എമർജൻസി ആംബുലൻസ്​ സർവീസ്​ യാത്രാ സമയം കുറക്കാനായി പുതിയ മാർഗം കണ്ടെത്തിയിരിക്കുകയാണ്​. തീർത്തും വിദൂവും എത്തിപ്പെടാൻ കഴിയാത്തതുമായ പ്രദേശങ്ങളിലേക്ക്​ രക്ഷാ പ്രവർത്തകരെ എത്തിക്കാൻ സഹായിക്കുന്നതിനായി ജെറ്റ്​ സ്യൂട്ടാണ് അവർ​ പരീക്ഷിച്ചത്​​.

ബ്രിട്ടീഷുകാരനായ റിച്ചാർഡ്​ ബ്രൗണിങ്​ 2017ലായിരുന്നു ഗ്രാവിറ്റി ഇൻഡസ്​ട്രീസ്​ എന്ന പേരിൽ ഒരു ജെറ്റ്​പാക്ക്​ നിർമാണ കമ്പനിയാരംഭിക്കുന്നത്​. അന്നുമുതൽ മനുഷ്യർക്ക്​ ആകാശത്തിലൂടെ പറന്നുനടക്കാൻ തക്കവണ്ണമുള്ള ഒരു ജെറ്റ്​ സ്യൂട്ട്​ നിർമിക്കാനുള്ള അഹോരാത്ര പരിശ്രമത്തിലായിരുന്നു അദ്ദേഹവും ടീമും. ഇപ്പോൾ യു.കെയിലെ ഗ്രേറ്റ്​ നോർത്ത്​ എയർ ആംബുലൻസ്​ സർവീസുമായി സഹകരിച്ച്​ തങ്ങളുടെ ജെറ്റ്​ സ്യൂട്ട്​ അടിയന്തര രക്ഷാപ്രവർത്തനങ്ങൾക്ക്​ അനുയോജ്യമാണോ എന്ന്​ പരീക്ഷിക്കുകയാണ്​ കമ്പനി.

പറന്നെത്തിയ സഹായം

ബ്രൗണിങ്ങും സംഘവും അവരുടെ ജെറ്റ്​ സ്യൂട്ട്​ എത്രത്തോളം ഉപകാരപ്രദമാണെന്ന്​​ തെളിയിക്കാൻ തന്നെ തീരുമാനിച്ചു. അതിനായി അവർ യു.കെയിലെ, ലേക്ക്​ ഡിസ്​ട്രിക്​ടിലുള്ള മലയോര പ്രദേശത്ത്​ ഒരു പരീക്ഷണ രക്ഷാപ്രവർത്തനം നടത്തി. മലമുകളിലായി ഒരു പെൺകുട്ടിയ അപകടം പറ്റിയ രീതിയിൽ കിടത്തിയതിന്​ ശേഷം ജെറ്റ്​ സ്യൂട്ടിൽ പറന്ന്​ അവളെ രക്ഷിക്കുകയായിരുന്നു ലക്ഷ്യം.

ഒരു കാറിൽ വന്നിറങ്ങിയ രക്ഷാപ്രവർത്തകൻ ജെറ്റ്​ സ്യൂട്ട്​ ധരിച്ച്​ മലയുടെ മുകളിലേക്ക്​ ലക്ഷ്യമാക്കി പറന്നു. 90 സെക്കൻറുകൾക്കുള്ളിൽ അയാൾ പെൺകുട്ടിയുടെ അടുത്തെത്തി. പ്രാഥമിക ചികിത്സയും നൽകി. നടന്നുപോവുകയാണെങ്കിൽ 25 മിനിറ്റുകൾ എടുക്കുമായിരുന്ന രക്ഷാപ്രവർത്തനം വെറും ഒന്നര മിനിറ്റിൽ ചെയ്യാൻ സാധിച്ചു. എന്തായാലും തങ്ങളുടെ പറന്നുള്ള ഹീറോയിസം അതിമനോഹരമായി പകർത്തി യൂട്യൂബിലും അവർ പങ്കുവെച്ചിട്ടുണ്ട്​.

''നമ്മുടെ ടീമിന്​​ രോഗികളുടെ അടുത്തേക്ക്​ പതിവിലും ഒരുപാട്​ നേരത്തെ എത്താൻ പുതിയ സാ​േങ്കതിക വിദ്യ സഹായിക്കും. പല കേസുകളിലും അപകടം പറ്റിയവരുടെ കഷ്​ടപ്പാടുകൾ കുറക്കാനും കഴിയും. പലരുടേയും ജീവനും നമുക്ക്​ രക്ഷിക്കാൻ സാധിച്ചേക്കമെന്നും'' ഗ്രേറ്റ്​ നോർത്ത്​ എയർ ആംബുലൻസ്​ സർവീസ്​ ഒാപറേഷനസ്​ ഡയറക്​ടറായ ആൻഡി മൗസൺ​ പറഞ്ഞു.

എങ്ങനെയാണ്​ ജെറ്റ്​ പാക്ക്​ പ്രവർത്തിക്കുന്നത്​ എന്നറിയണോ..??

ജെറ്റ്​ പാക്ക്​ പറത്തുന്നയാളുടെ പുറകിലും ഇരു കൈകളിലുമായി നാല്​ മൈക്രോ ജെറ്റുകൾ സജ്ജീകരിച്ചിട്ടുണ്ട്​. ഡീസലോ ജെറ്റ്​ ഫ്യുവലോ ആണ്​ മൈക്രോ ജെറ്റ്​ എൻജിന്​ ഇന്ധനം. അതുകൊണ്ടു തന്നെ പൊട്ടിത്തെറിക്കും തീപിടുത്തത്തിനും വളരെ കുറഞ്ഞ സാധ്യത മാത്രമാണുള്ളതെന്നും ബ്രൗണിങ്​ ഉറപ്പു നൽകുന്നു.

ഒരു ജെറ്റ്​ സ്യൂട്ടിന്​ ഫുൾ ടാങ്ക്​ എണ്ണയിൽ അഞ്ച്​ മുതൽ 10 മിനിറ്റ്​ വരെ മാത്രമാണ്​ പറക്കാൻ സാധിക്കുക. വില 438,000 ഡോളർ (3.3 കോടി രൂപ) വരും എന്നതും പ്രത്യേകം ഒാർക്കണം. അതോടൊപ്പം ജെറ്റ്​ പാക്ക്​ പറത്താൻ ഒരു വ്യക്​തിക്ക്​ വളരെ വിദഗ്​ധമായ ഫീറ്റ്​നസ്​ ​ട്രെയിനിങ്ങിനും വിധേയനാവേണ്ടി വരും. കാരണം, ഒരു മനുഷ്യ ശരീരത്തി​െൻറ മുഴുവൻ ഭാരവും രണ്ട്​ കൈകൾ കൊണ്ടാണ്​ ജെറ്റ്​ പാക്കിലൂടെ പറക്കു​േമ്പാൾ സപ്പോർട്ട്​ ചെയ്യുന്നത്​.

ഗ്രാവിറ്റി ഇൻഡസ്​ട്രീസ്​ ജെറ്റ്​ സ്യൂട്ട് വില കുറഞ്ഞതും എളുപ്പം ഉപയോഗിക്കാൻ കഴിയുന്നതുമാക്കാനുള്ള കഠിന പരിശ്രമത്തിലാണെന്ന്​ ഉടമ ബ്രൗണിങ്​ വ്യക്​തമാക്കുന്നു. എന്തായാലും വിദൂര പ്രദേശങ്ങളിൽ അപകടം പറ്റിയവരെ രക്ഷിക്കാൻ പറന്നെത്തുന്ന പാരാമെഡിക്കുകളുള്ള ലോകം വിദൂരമല്ല എന്ന്​ വിശ്വസിച്ചോളൂൂ.