![പോകോ എക്സ് 4 പ്രോ 5ജി-യുടെ ചിത്രങ്ങളും സവിശേഷതകളും ലീക്കായി; കിടിലൻ മിഡ്-റേഞ്ച് ഫോണിനായി കാത്തിരിക്കുക പോകോ എക്സ് 4 പ്രോ 5ജി-യുടെ ചിത്രങ്ങളും സവിശേഷതകളും ലീക്കായി; കിടിലൻ മിഡ്-റേഞ്ച് ഫോണിനായി കാത്തിരിക്കുക](https://www.madhyamam.com/h-upload/2022/02/19/1430375-poco-x4-pro.webp)
പോകോ എക്സ് 4 പ്രോ 5ജി-യുടെ ചിത്രങ്ങളും സവിശേഷതകളും ലീക്കായി; കിടിലൻ മിഡ്-റേഞ്ച് ഫോണിനായി കാത്തിരിക്കുക
text_fieldsഷവോമിയുടെ സബ്-ബ്രാൻഡായ പോകോ അവരുടെ ഏറ്റവും പുതിയ മിഡ്-റേഞ്ച് മോഡലായ പോകോ എക്സ് 4 പ്രോ 5ജി (Poco X4 Pro 5G)യുമായി എത്തുന്നു. ഫോണിന്റെ ഫസ്റ്റ്ലുക് അടക്കമുള്ള ചിത്രങ്ങളും സവിശേഷതകളും ഇന്റർനെറ്റിൽ ഇപ്പോൾ പ്രചരിക്കുകയാണ്.
പോകോ എക്സ് 4 പ്രോ 5ജി പുതിയ ഡിസൈനിലാണ് ഷവോമി നിർമിച്ചിരിക്കുന്നത്. മുൻ മോഡലായ എക്സ് 3 പ്രോയിൽ കാമറ മൊഡ്യൂൾ വൃത്തകൃതിയിലാണെങ്കിൽ വലിയൊരു ദീർഘ ചതുരത്തിനകത്തായിട്ടാണ് എക്സ് 4-ൽ പിൻകാമറകൾ സജ്ജീകരിച്ചിരിച്ചിരിക്കുന്നത്. അതൊരു കാമറ ഹംപായി എടുത്തു നിൽക്കുന്നുണ്ട്. അതേസമയം, മുൻ കാമറ പഴയ മോഡലിന് സമാനമായി സെൻട്രൽ പഞ്ച്-ഹോളിനുള്ളിലാണ്.
6.67 ഇഞ്ച് വലിപ്പമുള്ള ഫുൾ എച്ച്.ഡി പ്ലസ് അമോലെഡ് ഡിസ്പ്ലേയാണ് എക്സ് 4 പ്രോയിലുള്ളത്. 120Hz റിഫ്രഷ് റേറ്റുമുണ്ട്. അഡ്രിനോ 691 GPU അടങ്ങുന്ന ക്വാൽകോം സ്നാപ്ഡ്രാഗൾ 695 ചിപ്സെറ്റായിരിക്കും ഫോണിന് കരുത്തേകുകയെന്നും സൂചനയുണ്ട്. 8 ജിബി വരെ റാമും 256 ജിബി സ്റ്റോറേജും ഫോണിൽ സജ്ജീകരിച്ചേക്കാം.
OIS- പിന്തുണയുള്ള 108MP പ്രധാന കാമറയും കൂടെ അൾട്രാ-വൈഡ് ക്യാമറയും ഒരു മാക്രോ സെൻസറുമാണ് കാമറാ സവിശേഷതകൾ. 5,000mAh ബാറ്ററി, 67 വാട്ട് അതിവേഗ ചാർജിങ് പിന്തുണ, എം.ഐ.യു.ഐ 13, എന്നിവയാണ് മറ്റ് പ്രത്യേകതകൾ. ഫോണിന് 20000 മുതൽ 25000 രൂപ വരെ വില പ്രതീക്ഷിക്കാമെന്നും റിപ്പോർട്ടുകൾ പറയുന്നുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.