സംഭവം നടക്കുന്നത്​ 2051ൽ; 'പബ്​ജി: ന്യൂ സ്​റ്റേറ്റ്​' ഇന്ത്യാ ലോഞ്ച്​ ഡേറ്റ്​ പുറത്ത്​, ട്രെയിലർ കാണാം

പബ്​ജിയുടെ ചൈനീസ്​ വേരുകൾ പിഴുതെറിഞ്ഞുകൊണ്ട്​ ദക്ഷിണ കൊറിയൻ കമ്പനിയായ ക്രാഫ്​റ്റൺ ഏതാനും മാസങ്ങൾക്ക്​ മുമ്പാണ്​ ഇന്ത്യയിൽ​ ബാറ്റിൽഗ്രൗണ്ട്​സ്​ മൊബൈൽ ഇന്ത്യ (ബി.ജി.എം.​െഎ) എന്ന ഗെയിം അവതരിപ്പിച്ചത്​. പബ്​ജി മൊബൈലിനെ പേര്​ മാറ്റിയിറക്കി എന്നല്ലാതെ, ബി.ജി.എം.​െഎ-യിൽ കാര്യമായ മാറ്റമൊന്നുമില്ലായിരുന്നു. എന്നാൽ, ഇന്ത്യയിൽ പബ്​ജി ബ്രാൻഡിങ്ങിൽ പുതിയ ഗെയിമുമായി എത്തുകയാണ്​ ക്രാഫ്​റ്റൺ.

പബ്​ജി: ന്യൂ സ്​റ്റേറ്റ്​ എന്ന പേരിൽ ലോഞ്ച്​ ചെയ്യാൻ പോകുന്ന ഗെയിമി​െൻറ പ്രീ-രജിസ്​ട്രേഷൻ ഗൂഗിളി​െൻറ പ്ലേസ്​റ്റോറിലും ആപ്പിൾ ആപ്പ്​ സ്​റ്റോറിലും ആരംഭിച്ചുകഴിഞ്ഞു. ഇൗ വർഷം ഫെബ്രുവരിയിൽ തന്നെ അമേരിക്കയിലും മറ്റ്​ രാജ്യങ്ങളിലും ഗെയിമി​െൻറ മുൻകൂർ രജിസ്​ട്രേഷൻ തുടങ്ങിയിരുന്നു. ഒക്​ടോബറിൽ ലോകമെമ്പാടുമായി ഗെയിം അവതരിപ്പിക്കുമെന്നും റിപ്പോർട്ടുകളുണ്ട്​.

പബ്​ജി മൊബൈൽ, ബി.ജി.എം.​െഎ, കോൾ ഒാഫ്​ ഡ്യൂട്ടി തുടങ്ങിയ ഗെയിമുകൾ പിന്തുടർന്നുപോരുന്ന ബാറ്റിൽ റോയൽ ഫോർമാറ്റിലുള്ള ഗെയിമാണ്​ പബ്​ജി ന്യൂ സ്​റ്റേറ്റും. എന്നാൽ, പുതിയ ലൊക്കേഷനും ആയുധങ്ങളും ഗെയിം പ്ലേ രീതികളും എലമെൻറുകളുമാണ്​ മറ്റ്​ ഗെയിമുകളുമായി ക്രാഫ്​റ്റൺ നിർമിച്ച ന്യൂ സ്​റ്റേറ്റിനെ വ്യത്യസ്തമാക്കുന്നത്​.

2051-ലാണ്​ ഗെയിം സജ്ജീകരിച്ചിരിക്കുന്നത്​. ഗെയിമേഴ്​സിന്​ ആസ്വദിക്കാനായി മൂന്ന്​ പതിറ്റാണ്ടിന്​ ശേഷമുള്ളതായി തോന്നിക്കുന്ന ഗെയിം ലൊക്കേഷനും നൽകിയിട്ടുണ്ട്​. പബ്​ജി ​മൊബൈലിൽ നേരത്തെയുണ്ടായിരുന്ന എറാങ്കൽ (Erangel) എന്ന മാപ്പിനോട്​ സാമ്യതകളുണ്ടെങ്കിലും പുതിയ ഏരിയകളും അതിനൂതനമായ കെട്ടിടങ്ങളും വാഹനങ്ങളും മറ്റ്​ സൗകര്യങ്ങളും നിറച്ച്​ ഭാവിയിലെ ലോകത്തെ വരച്ചുകാട്ടാനും ഗെയിം ഡെവലപ്പർമാർ ശ്രമിച്ചിട്ടുണ്ട്​.

പ്രീ രജിസ്റ്റർ ചെയ്യുന്നവർക്ക്​ സമ്മാനം

പബ്​ജി ന്യൂ സ്​റ്റേറ്റി​െൻറ ആപ്പ്​ സ്​റ്റോർ ലിസ്റ്റിങ്ങിൽ പരാമർശിക്കുന്നത്​ പ്രകാരം ഒക്​ടോബർ 8ന്​ ഇന്ത്യയിൽ ഗെയിം ലോഞ്ച്​ ചെയ്​തേക്കും. പ്രീ-രജിസ്റ്റർ ചെയ്യുന്നവർക്ക്​ വാഹനങ്ങൾക്കും ആയുധങ്ങൾക്കുമുള്ള സ്​കിന്നുകൾ അടക്കം നിരവധി ഇൻ-ഗെയിം സാധനങ്ങൾ സമ്മാനങ്ങളും ലഭിക്കും. ആൻഡ്രോയ്​ഡ്​ യൂസർമാർ ഈ ലിങ്കിൽ പോയി പ്രീ-രജിസ്റ്റർ ചെയ്യുക.. ഐഫോൺ-ഐപാഡ്​ യൂസർമാർ ഈ ലിങ്ക്​ ഉപയോഗിക്കുക.