വ്യാജ സമൂഹമാധ്യമ അക്കൗണ്ടുകൾ 24 മണിക്കൂറിനകം നീക്കം ചെയ്യണമെന്ന്​ കേന്ദ്രം

ന്യൂഡൽഹി: പരാതി കിട്ടി 24 മണിക്കൂറിനകം വ്യാജ അക്കൗണ്ടുകൾ നീക്കം ചെയ്യണമെന്ന്​ കേന്ദ്ര സർക്കാർ സമൂഹമാധ്യമങ്ങളായ ട്വിറ്റർ, ഫേസ്​ബുക്ക്​, ഇൻസ്​റ്റഗ്രാം, യൂട്യൂബ്​ എന്നിവക്ക്​ നിർദേശം നൽകി. പുതിയ ഐ.ടി നയത്തി​​​െന്‍ റ ഭാഗമായാണ്​ സർക്കാർ നിർദേശം. പ്രശസ്​തരായവരുടെയും അല്ലാത്തവരുടെയും പേരിലെ വ്യാജ അക്കൗണ്ടുകൾ വ്യാപകമാണ്​. സ്വയം പ്രശസ്​തരാവാനാണ്​ ചിലർ വ്യാജ പ്രൊ​ൈഫൽ സൃഷ്​ടിക്കുന്നത്​. ഇതി​ൻെ റ പേരിൽ സമൂഹമാധ്യമ അനുയായികളുടെ എണ്ണം കൂട്ടുകയാണ്​ ലക്ഷ്യം. ​സെലിബ്രിറ്റികളുടെ വിശ്വാസ്യത ചൂഷണം ചെയ്​ത്​ തട്ടിപ്പ്​ നടത്തുകയാണ്​ മറ്റു​ ചിലരുടെ ലക്ഷ്യം. സൈബർ ആക്രമണങ്ങൾക്കുവേണ്ടി വ്യാജ പ്രൊ​ൈഫൽ ഉണ്ടാക്കുന്നവരുമുണ്ട്​. വ്യാജ അക്കൗണ്ടുകൾ ലോക വ്യാപകമാണ്​.

അശ്ലീലത, നഗ്നത പ്രദർശനം, ലൈംഗിക ചേഷ്​ടകൾ എന്നിവ സംബന്ധിച്ച പരാതി ലഭിച്ചാലും നടപടി സ്വീകരിക്കണമെന്ന്​ സമൂഹമാധ്യമങ്ങളോട്​ സർക്കാർ ആവശ്യപ്പെട്ടു. ചിത്രങ്ങൾ മോർഫ്​ ചെയ്​തും അല്ലാതെയും വ്യാജ അക്കൗണ്ടുകളുണ്ടാക്കുന്നുണ്ട്​. അക്കൗണ്ടുകളുടെ ആധികാരികത ഉറപ്പുവരുത്തുന്നതിനാണ്​ ബ്ലൂ ടിക്​ നൽകുന്നത്​. എന്നാലിത്​ ചില സെലിബ്രിറ്റികൾക്ക്​ മാത്രമാണ്​ നൽകുന്നത്​.