ടിക്-ടോക് തിരികെയെത്തുമോ; ഇന്ത്യയില് രണ്ടാംവരവിന് ഒരുങ്ങുന്നതായി റിപ്പോര്ട്ടുകള്
text_fieldsന്യൂഡല്ഹി: ഇന്ത്യയില് നിരോധനം നേരിട്ട ചൈനീസ് ഉടമസ്ഥതയിലുള്ള വിഡിയോ ഷെയറിങ് ആപ്പായ ടിക്-ടോക് തിരിച്ചുവരവിന് ഒരുങ്ങുന്നതായി റിപ്പോര്ട്ട്. ഇന്ത്യയിലെ പുതിയ ഐ.ടി നിയമങ്ങള്ക്കനുസൃതമായ മാറ്റങ്ങളോടെയാണ് വീണ്ടും ഇന്ത്യന് ഉപഭോക്താക്കളിലേക്ക് എത്താന് ശ്രമിക്കുന്നത്. യു.എസില് മുന് പ്രസിഡന്റ് ഡോണള്ഡ് ട്രംപ് ഏര്പ്പെടുത്തിയ നിരോധനം ഒഴിവാക്കാനുള്ള ജോ ബൈഡന്റെ തീരുമാനവും ഇന്ത്യന് മാര്ക്കറ്റിലേക്ക് വീണ്ടുമെത്താന് ടിക്-ടോകിന് പ്രോത്സാഹനമാകുന്നുണ്ട്.
ഐ.ടി നിയമങ്ങള്ക്ക് അനുസൃതമായ മാറ്റങ്ങള് വരുത്തിയതായി കാണിച്ച് കേന്ദ്ര ഐ.ടി മന്ത്രാലയത്തിന് ഈ മാസം ആദ്യം ടിക്-ടോക് കത്തു നല്കിയതായി ദി ഇക്കണോമിക് ടൈംസ് റിപ്പോര്ട്ട് ചെയ്യുന്നു.
ഇന്ത്യയും ചൈനയും തമ്മിലുള്ള വ്യാപാരബന്ധം മെച്ചപ്പെട്ടതായും അതിര്ത്തിവിഷയങ്ങള് ബിസിനസിനെ ബാധിക്കുന്നതാകരുതെന്നും കമ്പനിയുമായി ബന്ധപ്പെട്ട വൃത്തങ്ങള് പറയുന്നു.
2020 ജൂണിലാണ് ടിക്-ടോക് ഉള്പ്പെടെ 59 ചൈനീസ് ആപ്പുകള്ക്ക് കേന്ദ്ര സര്ക്കാര് വിലക്കേര്പ്പെടുത്തിയത്. രാജ്യസുരക്ഷയും വിവരസംരക്ഷണവും മുന്നിര്ത്തിയാണ് ചൈനീസ് ആപ്പുകള് വിലക്കിയതെന്നായിരുന്നു വിശദീകരണം. ലഡാക്കില് ഇന്ത്യയും ചൈനയും യുദ്ധമുഖം തുറന്ന സാഹചര്യത്തില് കൂടിയായിരുന്നു നിരോധനമേര്പ്പെടുത്തിയത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.