രക്ഷകനാകുമോ, ‘ചക്ഷു’
text_fieldsഓൺലൈൻ തട്ടിപ്പിൽപെട്ട് ലക്ഷങ്ങൾ കബളിപ്പിക്കപ്പെടുന്നവരുടെ വാർത്തകൾ ദിനേനെ കൂടിക്കൂടി വരികയാണ്. ആളുകൾക്ക് പണം നഷ്ടപ്പെടുന്നുവെന്നു മാത്രമല്ല, വലിയതോതിൽ ഡാറ്റാ ചോരണവും നടക്കുന്നുവെന്നതാണ് ഇതുകൊണ്ടുള്ള ഏറ്റവും വലിയ ദോഷം. ഈ പ്രശ്നത്തിന് പരിഹാരവുമായി രംഗപ്രവേശം ചെയ്തിരിക്കുകയാണ് ട്രായ് (ടെലികോം റെഗുലേറ്ററി അതോറിറ്റി ഓഫ് ഇന്ത്യ). ‘ചക്ഷു’ എന്ന പേരിൽ പുതിയൊരു പോർട്ടൽ സ്ഥാപിച്ചിരിക്കുകയാണ് ട്രായ്.
ഓൺലൈൻ തട്ടിപ്പുകൾ കൃത്യമായി റിപ്പോർട്ട് ചെയ്യാനാണ് ഈ പോർട്ടൽ. ‘ചക്ഷു’ എന്നാൽ ഹിന്ദിയിൽ കണ്ണ് എന്നാണ് അർഥം. ഒരു നമ്പർ പരാതിയായി രജിസ്റ്റർ ചെയ്യപ്പെട്ടുകഴിഞ്ഞാൽ, ട്രായ് പിന്നീട് അത് ട്രാക്ക് ചെയ്യും. ഈ നമ്പർ ഉപയോഗിച്ച് ചെയ്യുന്ന ഓൺലൈൻ കള്ളത്തരങ്ങൾ പിടികൂടുകയും ചെയ്യും. പോർട്ടലിൽ സംശയം തോന്നുന്ന ഫോൺ കാളുകൾ, വാട്സ്ആപ് സന്ദേശങ്ങൾ തുടങ്ങിയവയും പരാതിയായി രജിസ്റ്റർ ചെയ്യാനാകും. സ്ക്രീൻ ഷോട്ടുകളടക്കമുള്ള ചിത്രങ്ങൾ പരാതിക്ക് പിൻബലമേകുന്ന തെളിവുകളായി സമർപ്പിക്കാനും സാധിക്കും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.