ട്രംപി​െൻറ 33 മില്യൺ പിന്തുടർച്ചക്കാരെ നീക്കം ചെയ്​ത്​ ​@POTUS അക്കൗണ്ട്​ ബൈഡന് നൽകി ട്വിറ്റർ

വാഷിങ്​ടൺ: അമേരിക്കയുടെ 46-ആമത്​ പ്രസിഡൻറായി ജോ ബൈഡൻ തെരഞ്ഞെടുക്കപ്പെട്ടതോടെ ​പ്രസിഡൻറുമാർക്ക്​ ട്വിറ്റർ നൽകാറുള്ള ഒൗദ്യോഗിക ട്വിറ്റർ അക്കൗണ്ടായ @POTUS (പ്രസിഡൻറ്​ ഒാഫ്​ ദ യുണൈറ്റഡ്​ സ്​റ്റേറ്റ്​സ്​) ട്രംപിൽ നിന്നും ബൈഡനിലേക്ക്​. 33.5 മില്യൺ വരുന്ന ട്രംപി​െൻറ പിന്തുടർച്ചക്കാരെ ട്വിറ്റർ നീക്കം ചെയ്​ത്​ സംപൂജ്യമാക്കിയാണ്​ ബൈഡന്​ അക്കൗണ്ട്​ നൽകിയത്​.

ഇപ്പോൾ രണ്ട്​ മില്യണിലധികം ആളുകൾ ബൈഡനെ ട്വിറ്ററിൽ പിന്തുടരുന്നുണ്ട്​. വൈറ്റ്​ ഹൗസി​െൻറ അക്കൗണ്ടായ @WhiteHouse, പ്രഥമ വനിതയുടെ @FLOTUS, വൈസ്​ പ്രസിഡൻറി​െൻറ @VP തുടങ്ങിയ അക്കൗണ്ടുകളും ട്വിറ്റർ പുതിയ ആളുകളിലേക്ക്​ ട്രാൻസ്​ഫർ ചെയ്​തിട്ടുണ്ട്​.

അതേസമയം, അധികാരമേറ്റതിന്​ പിന്നാലെ ഇന്ന്​ ബൈഡൻ ഒരു ട്വീറ്റും ഇട്ടിട്ടുണ്ട്​. 'നാം ഇപ്പോൾ അഭിമുഖീകരിക്കുന്ന പ്രതിസന്ധികളെ നേരിടുന്ന കാര്യത്തിൽ ഇനി പാഴാക്കാൻ സമയമില്ലെന്നും ജോലി ചെയ്യാനുള്ള അവകാശത്തിനും അമേരിക്കയിലെ കുടുംബങ്ങൾക്ക് അടിയന്തിര​ ആശ്വാസം പകരാനുമായാണ്​ ഞാൻ ഒാവൽ ഒാഫീസിലേക്ക്​ പോകുന്നതെന്നും' അദ്ദേഹം പറഞ്ഞു.

There is no time to waste when it comes to tackling the crises we face. That's why today, I am heading to the Oval Office to get right to work delivering bold action and immediate relief for American families.

— President Biden (@POTUS) January 20, 2021