ഒരൊറ്റ നയം കാരണം ടെക്​ കമ്പനിയിലെ 'ജോലീം ശമ്പളോം' ഉപേക്ഷിച്ച്​ പോയത്​ 30 ശതമാനം ജീവനക്കാർ

അമേരിക്കൻ ടെക്നോളജി കമ്പനിയായ ബേസ്‌ക്യാമ്പിലെ 30 ശതമാനം ജീവനക്കാരും കഴിഞ്ഞ ആഴ്​ച്ച രാജിവെച്ചു. 22 വർഷം പാരമ്പര്യമുള്ള കമ്പനിയിൽ നിന്നും അത്രയും പേർ രാജിവെച്ച്​ പോകുന്നതിന്​ ചില്ലറ കാരണമൊന്നും പോരല്ലോ... കാര്യം ജോലിസ്ഥലത്ത് ജീവനക്കാരെ അവരുടെ സാമൂഹികവും രാഷ്ട്രീയവുമായ ചർച്ചകൾ പരസ്യമായി പങ്കിടാൻ അനുവദിക്കില്ലെന്ന് കമ്പനി അറിയിച്ചതിനെത്തുടർന്നാണ്​. പുതിയ നയം അബദ്ധമായി എന്ന്​ ബോധ്യപ്പെട്ടതോടെ കമ്പനിയുടെ സി.ഇ.ഒ ജേസൺ ഫ്രൈഡ്​ മാപ്പ്​ പറയുകയും ചെയ്​തു.

'കഴിഞ്ഞയാഴ്​ച്ച അതിദാരുണമായിരുന്നു. ലളിതവും ന്യായയുക്തവും തത്ത്വപരവുമാണെന്ന്​ കരുതിയാണ്​ ഞങ്ങൾ പുതിയ നയവുമായി മുന്നോട്ടുപോയത്​. എന്നാൽ, ഞങ്ങൾ ഒരിക്കലും പ്രതീക്ഷിക്കാത്ത വിധത്തിൽ അത്​ വലിയ പ്രതിസന്ധിയായി ഭവിച്ചു. ഡേവിഡും (ബേസ്​ക്യാമ്പി​െൻറ മറ്റൊരു പാർട്​ണർ) ഞാനും അതി​െൻറ എല്ലാ പരിണിത ഫലങ്ങളും ഏറ്റെടുക്കുന്നു. ഞങ്ങളോട്​ ക്ഷമിക്കണം... ഞങ്ങൾക്ക്​ ഒരുപാട്​ പഠിക്കാനുണ്ട്​. -ജേസൺ ഫ്രൈഡ് ഒരു പ്രസ്​താവനയിൽ​ വ്യക്​തമാക്കി.

ആദ്യം, ഞങ്ങളുടെ മുൻ സഹപ്രവർത്തകരോട്: നിങ്ങൾ മുന്നോട്ടുള്ള പാതയിൽ വലിയ കാര്യങ്ങൾ ചെയ്യുമെന്ന്​ ഞങ്ങൾക്കറിയാം. നിങ്ങൾക്ക് എല്ലാ ഭാവുകങ്ങളും നേരുന്നു. വർഷങ്ങളായി നിങ്ങളുടെ കഠിനാധ്വാനവും അർപ്പണബോധവും ബേസ്‌ക്യാമ്പിനെ മികച്ചയിടമാക്കി മാറ്റി. നന്ദി. ഞങ്ങൾ‌ നിങ്ങളെ മിസ്​ ചെയ്യും, ഞങ്ങൾ‌ നിങ്ങൾ‌ക്ക്​ വേണ്ടി നിലകൊള്ളുന്നതായിരിക്കും.

രണ്ടാമതായി, ഞങ്ങളോടൊപ്പം തുടരുന്ന ഞങ്ങളുടെ ജീവനക്കാരോട്​: സഹപ്രവർത്തകർ രാജിവെച്ചുപോകുന്നത് കാ​ണേണ്ടി വന്നത്​ പ്രയാസമാണെന്ന് ഞങ്ങൾക്കറിയാം, ക്ഷമിക്കണം, ആ അനുഭവത്തിലൂടെ നിങ്ങളെ കൊണ്ടുപോയതിന്​..., പക്ഷേ നിങ്ങൾ ഞങ്ങളോടൊപ്പം നിൽക്കുന്നുവെന്നത്​ ഞങ്ങൾ അതീവ കൃതജ്ഞത രേഖപ്പെടുത്തുന്നു. ഞങ്ങൾക്ക് ഇപ്പോൾ ഒരു മികച്ച ടീം ഉണ്ട്, എല്ലാവരും പരസ്പരം സഹായിക്കുന്നതും പരസ്പരം ആശ്രയിച്ച് മുന്നോട്ടുപോകുന്നത്​ കാണുന്നത് അതിശയകരവും പ്രചോദനകരവുമാണ്​. -സി.ഇ.ഒ കൂട്ടിച്ചേർത്തു.