വോയിസ്​ മെസ്സേജിൽ കിടിലൻ ഫീച്ചറുമായി വാട്​സ്​ആപ്പ്​

വോയ്‌സ് സന്ദേശങ്ങൾക്കായി നിരവധി മികച്ച സവിശേഷതകളാണ്​​ വാട്ട്‌സ്ആപ്പ് സമീപകാലത്തായി​ കൊണ്ടുവന്നത്​. പുതിയ പ്ലേബാക്ക് നിയന്ത്രണ സവിശേഷതകൾ അതിൽ എടുത്തുപറയേണ്ടതാണ്​. എന്നാൽ, വോയിസ്​ മെസ്സേജകളിൽ ഉപയോക്​താക്കൾ ഏറെക്കാലമായി ആവശ്യപ്പെടുന്ന ഫീച്ചർ കൂടി ചേർത്തിരിക്കുകയാണ്​ വാട്​സ്​ആപ്പ്​.

അയയ്‌ക്കുന്നതിന് മുമ്പ് യൂസർമാരെ​ വോയ്‌സ് സന്ദേശങ്ങളുടെ പ്രിവ്യൂ കേൾക്കാൻ അനുവദിക്കുന്നതാണ്​ പുതിയ സവിശേഷത. പുതിയ പ്രിവ്യൂ ഫീച്ചർ ട്വിറ്ററിലൂടെയാണ്​ വാട്​സ്​ആപ്പ്​ പ്രഖ്യാപിച്ചത്​. ഒരു വോയ്‌സ് സന്ദേശം തെറ്റായി റെക്കോർഡുചെയ്യുന്നതി​െൻറയും അത് ശരിയാക്കുന്നതിന് മുമ്പ് ഒന്നിലധികം തവണ വീണ്ടും റെക്കോർഡുചെയ്യുന്നതിന്റെയും ബുദ്ധിമുട്ട്​ പ്രകടിപ്പിക്കുന്ന ഒരു രസകരമായ ആനിമേറ്റഡ് വീഡിയോയും ട്വീറ്റിൽ വാട്​സ്​ആപ്പ്​ ഉൾപ്പെടുത്തിയിട്ടുണ്ട്.

They're not mistakes, they're rehearsals. Now you can preview your voice messages before you hit send. pic.twitter.com/ohnEVrGTvD

— WhatsApp (@WhatsApp) December 14, 2021

പുതിയ 'പ്രിവ്യൂ ഫീച്ചർ' എങ്ങനെ ഉപയോഗിക്കാം...?

• വാട്​സ്​ആപ്പിൽ വോയിസ്​ സന്ദേശങ്ങൾ 'ഹാൻഡ്​സ്​ ഫ്രീ' മോഡിൽ റെക്കോർഡ്​ ചെയ്യു​േമ്പാൾ മാത്രമാണ്​ പുതിയ 'പ്രിവ്യൂ' ഫീച്ചർ ഉപയോഗിക്കാൻ കഴിയുക. 'മൈക്ക്​ ഐക്കണി'ൽ ക്ലിക്ക്​ ചെയ്​ത്​ വിരലുകൾ മുകളിലേക്ക് സ്ലൈഡ്​ ചെയ്​താൽ 'ഹാൻഡ്​സ്​ ഫ്രീ' മോഡിലേക്ക്​ പോകാം. (മൈക്ക്​ ഐക്കൺ ഹോൾഡ്​ ചെയ്​ത്​ പിടിക്കാതെ ശബ്​ദം റെക്കോർഡ്​ ചെയ്യാൻ അനുവദിക്കുന്ന സവിശേഷതയാണിത്​)​ ​
• ശബ്​ദം റെക്കോർഡ്​ ചെയ്യാൻ തുടങ്ങു​േമ്പാൾ തന്നെ ഒരു ചുവന്ന 'സ്​റ്റോപ്​ ബട്ടൺ' കാണാൻ സാധിക്കും. അതിൽ ടാപ്​ ചെയ്​താൽ, റെക്കോർഡിങ്​ നിർത്തുകയും അതുവരെയുള്ള വോയിസ്​ കേൾക്കാനുള്ള പ്ലേ ബട്ടൺ ദൃശ്യമാവുകയും ചെയ്യും. അത്​ കേട്ടതിന്​ ശേഷം ശബ്​ദം സെൻറ്​ ചെയ്യാനും ആവശ്യമെങ്കിൽ ഡിലീറ്റ്​ ചെയ്യാനുമുള്ള ഓപ്​ഷനുമുണ്ട്​..
• നിലവിൽ എല്ലാ വാട്​സ്​ആപ്പ്​ യൂസർമാരിലേക്കും ഈ സവിശേഷത എത്തിയിട്ടുണ്ട്​. ഏറ്റവും പുതിയ വേർഷനിലേക്ക്​ അപ്​ഡേറ്റ്​ ചെയ്​ത്​ ഇത്​ പരീക്ഷിക്കാവുന്നതാണ്​.