'ലോക ഇമോജി ദിന സമ്മാനം'; മെസ്സൻജറിൽ ശബ്​ദമുണ്ടാക്കുന്ന 'സൗണ്ട്​മോജി' അവതരിപ്പിച്ച്​ ഫേസ്​ബുക്ക്​

വാട്​സ്​ആപ്പും ടെലിഗ്രാമും ഫേസ്​ബുക്ക്​ മെസ്സൻജറും പോലുള്ള മെസ്സേജിങ്​ ആപ്പുകൾ ഉപയോഗിക്കുന്നവർക്ക്​ ഇമോജികൾ ഇല്ലാത്ത ചാറ്റിങ്ങിനെ കുറിച്ച്​ ചിന്തിക്കാൻ കഴിയുമോ... വാക്കുകൾ കൊണ്ട്​ പറഞ്ഞ്​ മനസിലാക്കാൻ സാധിക്കാത്ത പല കാര്യങ്ങളും ഒറ്റക്ലിക്കിൽ അവതരിപ്പിക്കാൻ നമ്മെ സഹായിക്കുന്നത്​ ഇമോജികൾ തന്നെയാണ്​. ലോക ഇമോജി ദിനമാണ്​ ഇന്ന്​. ചാറ്റിങ്​ ലോകത്തുള്ളവർക്ക്​ ഇൗ ദിനം ഏറ്റവും പ്രധാനപ്പെട്ടതാണ്​.

തങ്ങളുടെ മെസ്സൻജർ ആപ്പിൽ ഇതുവരെ 2.4 ബില്യൺ ഇമോജികൾ യൂസർമാർ പരസ്​പരം അയച്ചതായി ഫേസ്​ബുക്ക്​ അവകാശപ്പെടുന്നുണ്ട്​. അതുകൊണ്ട്​ തന്നെ ലോക ഇമോജി ഡേയുടെ ഭാഗമായി അവർ പുതിയ 'സൗണ്ട്​മോജി' അവതരിപ്പിച്ചിരിക്കുകയാണ്​. സാധാരണ ഇമോജികളും ചലിക്കുന്ന ഇമോജികളും മാത്രം കണ്ട്​ പരിചയിച്ച യൂസർമാർക്കായി​ ശബ്​ദമുണ്ടാക്കുന്ന ഇമോജികളുമായാണ്​ ഫേസ്​ബുക്ക്​ എത്തിയിരിക്കുന്നത്​.

ഫേസ്​ബുക്ക്​ സി.ഇ.ഒ മാർക്ക്​ സുക്കർബർഗ്​ തന്നെയാണ്​ സൗണ്ട്​മോജി എന്ന്​ വിളിക്കപ്പെടുന്ന പുതിയതരം ഇമോജികൾ മെസ്സൻജറിൽ റിലീസ്​ ചെയ്​തത്​. കൈയ്യടിയുടെയും ഡ്രം റോളി​െൻറയും പാറ്റകളുടെയും ശബ്​ദമുള്ള സൗണ്ട്​മോജികളാണ്​ ഇപ്പോൾ ലഭ്യമായിട്ടുള്ളത്​. അതുപോലെ നെറ്റ്​ഫ്ലിക്​സിലെയും മറ്റും സീരീസിലെയും സിനിമകളിലെയും കഥാപാത്രങ്ങളുടെ സൗണ്ട്​മോജികളുമുണ്ട്​.

ഇനി സൗണ്ട്​മോജികൾ പരീക്ഷിക്കാൻ താൽപര്യമുള്ളവർ എത്രയും പെട്ടന്ന്​ തന്നെ മെസ്സൻജറിലേക്ക്​ വി​േട്ടാളൂ. അതിലുള്ള ഏതെങ്കിലും ചാറ്റ്​ ബോക്​സ്​ തുറന്ന്​ ഇമോജികൾക്കായുള്ള എക്​സ്​പ്രസഷൻസ്​ മെനുവിൽ ക്ലിക്ക്​ ചെയ്യുക. അതിലുള്ള ലൗഡസ്​പീക്കർ ​െഎക്കണ്ണിൽ ക്ലിക്ക്​ ചെയ്​താൽ സൗണ്ട്​മോജികളുടെ ശേഖരം കാണാൻ സാധിക്കും. വൈകാതെ തന്നെ കൂടുതൽ സൗണ്ട്​മോജികൾ ലിസ്റ്റിൽ ഉൾപ്പെടുത്തുമെന്നും ഫേസ്​ബുക്ക്​ ഉറപ്പുനൽകിയിട്ടുണ്ട്​.