14 കോടി വർഷം പഴക്കമുളള ദിനോസർ ഫോസിൽ അർജന്‍റീനയിൽ കണ്ടെത്തി

ബ്യൂണസ്​ ഐറിസ്​: ദിനോസർ വിഭാഗത്തിൽ ഏറ്റവും പൗരാണികമെന്നു കരുതുന്ന ഫോസിലുകൾ അർജന്‍റീനയിൽ കണ്ടെത്തി. പാറ്റഗോണിയ വന​േ​മഖലയിലാണ്​ 14 കോടി വർഷംമുമ്പുള്ളവയെന്നു കരുതുന്ന ഫോസിലുകൾ ഗവേഷകർ തിരിച്ചറിഞ്ഞത്​. ഭൂമിയിൽ ജീവിച്ച ഏറ്റവും വലിയ ജീവി വർഗമെന്നു കരുതുന്ന ടിറ്റനോസറുകളിൽ പെട്ട 'നിൻജാറ്റിറ്റാൻ സപറ്റായി' വിഭാഗത്തിലെ ദിനോസറിന്‍റെ ഫോസിലാണിതെന്ന്​ ഗവേഷകർ വ്യക്​തമാക്കി. 14.5 കോടി മുതൽ 6.5 കോടി വരെ വർഷത്തിനിടയിലുള്ള ​െക്രറ്റാഷ്യസ്​ കാലത്താണ്​ ഇവ ജീവിച്ചത്​. കഴുത്തുനീണ്ട മരങ്ങൾ ഭക്ഷിക്കുന്ന വിഭാഗമായിരുന്നു നിൻജാറ്റിറ്റനുകൾ.

അർജന്‍റീനയിലെ ന്യൂക്യൂൻ പട്ടണത്തിനു തെക്കാണ്​ ഗവേഷണം നടന്ന ​പ്രദേശം. അപൂർണമായ അസ്​തികൂടമാണ്​ ലഭിച്ചത്​. 20 മീറ്ററാണ്​ ഇൗ വിഭാഗത്തിലെ ദിനോസറുകൾക്ക്​ ശരാശരി വലിപ്പം. എന്നാൽ, 35 മീറ്ററുകൾ വരെ നീളമുള്ള ദിനോസറുകളും ജീവിച്ചിരുന്നുവെന്നാണ്​ നിഗമനം. അർജന്‍റീനയിൽ ഈ ഫോസിൽ കണ്ടെത്തി​യതോടെ ആദ്യ കാല ടിറ്റനോസറുകൾ ദക്ഷിണാർധ ഗോളത്തിലാകാം കൂടുതലായി ജീവിച്ചതെന്നും ഗവേഷകർ കരുതുന്നുണ്ട്​.