ജിറാഫിനെ കൊന്ന്​, ഹൃദയം കൈയ്യിലേന്തി വേട്ടക്കാരിയുടെ പോസിങ്​; 'പ്രണയദിന സമ്മാനമെന്ന്', വിവാദം​

ദക്ഷിണാഫ്രിക്കയിലെ ട്രോഫി ഹണ്ടറായ മെരിലിസ്​ ഫാൻഡെർ മെർവെ വലിയ വിവാദത്തിലകപ്പെട്ടിരിക്കുകയാണ്​. 32 കാരിയായ അവർ ഫേസ്​ബുക്കിൽ ഒരു ചിത്രം പോസ്റ്റ്​ ചെയ്​തു. ജിറാഫി​െൻറ ഭീമൻ ഹൃദയം കൈയ്യിലേന്തിയുള്ള ചിത്രത്തിന്​ അവർ അടിക്കുറിപ്പായി എഴുതിയതാക​െട്ട 'പ്രണയ ദിന സമ്മാനം' എന്നും. ഗെയിം പാർക്കിൽ വെച്ച്​ ജിറാഫിനെ വേട്ടയാടി വീഴ്​ത്തി അതി​െൻറ ശരീരം തുരന്ന്​ ഹൃദയം പുറത്തെടുത്ത വേട്ടക്കാരി "ജിറാഫി​െൻറ ഹൃദയം എത്ര വലുതാണെന്ന് എപ്പോഴെങ്കിലും ചിന്തിച്ചിട്ടുണ്ടോ...?'' എന്ന്​ ത​െൻറ ഫേസ്​ബുക്ക്​ സുഹൃത്തുക്കളോടായി ചോദിക്കുന്നുമുണ്ട്​. ജിറാഫി​െൻറ തൊലി പരവതാനിയാക്കി ഉപയോഗിക്കാനാണ്​ ത​െൻറ ഉദ്ദേശമെന്നും അവർ പറയുന്നു.

അഞ്ച്​ വർഷമായുള്ള മെരിലിസി​െൻറ സ്വപ്​നം സാക്ഷാത്​കരിക്കാൻ സഹായിച്ചത്​ ഭർത്താവായിരുന്നു. അതിന്​ വേണ്ടി അയാൾ 1.5 ലക്ഷം രൂപ ചെലവിടുകയും ചെയ്​തു. ഭാര്യക്കുള്ള പ്രണയ ദിന സമ്മാനമാണത്രേ ജിറാഫി​െൻറ ഹൃദയം. ഫേസ്​ബുക്കിൽ ചിത്രം പങ്കുവെച്ചതിന്​ പിന്നാലെ ഞെട്ടൽ രേഖപ്പെടുത്തികൊണ്ട്​ നിരവധിപേരാണ്​ കമൻറ്​ ചെയ്​തത്​​. 'അങ്ങേയറ്റം ക്രൂരമാണെന്നും കണ്ടു നിൽക്കാൻ കഴിയുന്നില്ലെന്നും' പലരും പറഞ്ഞു. ഫേസ്​ബുക്കിൽ നിന്ന്​ എന്നെന്നേക്കുമായി മെരിലിസിനെ പുറത്താക്കണമെന്ന്​ ആവശ്യപ്പെട്ട്​ ചിലർ അധികൃതർക്ക്​ അപേക്ഷ പോലും നൽകി.

അഞ്ചാം വയസ്​ മുതൽ വേട്ടയാരംഭിച്ച താൻ സിംഹങ്ങൾ, പുള്ളിപ്പുലികൾ, ആനകൾ എന്നിവ ഉൾപ്പെടെ 500 ഒാളം മൃഗങ്ങളെ ഇതുവരെ കൊന്നിട്ടുണ്ടെന്ന്​ മെരിലിസ്​ ഫാൻഡെർ മെർവെ അവകാശപ്പെടുന്നുണ്ട്​. മൃഗാവകാശ പ്രവർത്തകരെയും അവരുടെ സംഘടനയെയും പ്രകോപിപ്പിക്കാനായി അതി​െൻറ കണക്കുകളും അവർ നിരത്തി . 'എനിക്ക്​ അവരോട്​ യാതൊരു ബഹുമാനവുമില്ല... ഞാൻ അവരെ മാഫിയ എന്ന്​ വിളിക്കാനാണ്​ താൽപര്യപ്പെടുന്നത്​' -ത​െൻറ സ്വപ്​ന സാക്ഷാത്​കാരത്തെ കുറിച്ച്​ വിശദീകരിക്കവേ വേട്ടക്കാരി തുറന്നടിച്ചു.

സൺ സിറ്റി റിസോർട്ടിലേക്ക് ഒരു വാല​ൈൻറൻസ്​ യാത്ര ആസൂത്രണം ചെയ്യവേ, ഗെയിം പാർക്കിൽ ഭീമൻ ജിറാഫിനെ കണ്ടുവെന്ന് പറയാൻ ഒരു സുഹൃത്ത് മെരിലിസിനെയും ഭർത്താവിനെയും വിളിക്കുകയായിരുന്നു. പെട്ടന്ന്​ തന്നെ അവിടേക്ക്​ വെച്ചുപിടിച്ചായിരുന്നു കൃത്യം നിറവേറ്റിയത്​. ''ഏറ്റവും മികച്ച ഒന്നിന്​​ വേണ്ടി ഞാൻ വർഷങ്ങളായി കാത്തിരിക്കുകയായിരുന്നു. പ്രായമാകുന്തോറും അവൻ കൂടുതൽ ഇരുണ്ട രൂപത്തിലേക്ക്​ മാറും. അതി​െൻറ തൊലി എനിക്കേറെ ഇഷ്​ടമാണ്​. ആഫ്രിക്കയിലെ ഏറ്റവും ജനപ്രിയനായ ജീവി കൂടിയാണത്​. എ​െൻറ ഭർത്താവിന്​ ഇതെ​െൻറ ഏറ്റവും വലിയ സ്വപ്​നമാണെന്ന്​ അറിയാമായിരുന്നു. ഒാരോ ദിവസവുമെണ്ണി കാത്തിരുന്ന ഞാൻ രണ്ടാഴ്​ച്ചക്കാലത്തോളം കൊച്ചുകുട്ടിയെ പോലായിരുന്നു. കാര്യം സാധിച്ചതോടെ ഞാൻ വികാരാതീതയായി''. - മെരിലിസ്​ പറഞ്ഞു.

താൻ ജിറാഫിനെ വേട്ടയാടി കൊന്നതിലൂടെ 11 പേർക്ക്​ അതുമായി ബന്ധപ്പെട്ട്​ ഒരു ദിവസം ജോലി ലഭിച്ചെന്നും പ്രദേശവാസികൾക്ക് ഭക്ഷണത്തിനായി​ ഒരുപാട്​ മാംസം ലഭിച്ചെന്നും അവർ​ വിശദീകരണമായി പറഞ്ഞു. ''വേട്ടയാടൽ നിരോധിച്ചാൽ മൃഗങ്ങൾ മൂല്യമില്ലാത്തവരായി മാറുകയും, ചില ജീവികൾ അപ്രത്യക്ഷമാവാൻ തുടങ്ങുകയും ചെയ്യും. വംശനാശത്തി​െൻറ വക്കിൽ നിന്ന് ധാരാളം ജീവികളെ തിരികെ കൊണ്ടുവരാൻ വേട്ടയാടൽ സഹായിച്ചിട്ടുണ്ട്. ട്രോഫി ഹണ്ടർമാർ മാത്രമാണ് ഈ മൃഗങ്ങളെ സംരക്ഷിക്കുന്നത്. " -അവർ കൂട്ടിച്ചേർത്തു.

എന്നാൽ, അവരുടെ അവകാശവാദങ്ങളെ എതിർത്ത്​ മൃഗ സംരക്ഷകർ രംഗത്തെത്തി. വന്യ ജീവികളെ തങ്ങൾ സംരക്ഷിക്കുകയാണ്​ ചെയ്യുന്നതെന്ന വേട്ടക്കാരുടെ അവകാശവാദം അങ്ങേയറ്റം തെറ്റിധരിപ്പിക്കുന്നതാണെന്നും ഒരിക്കലും മൃഗങ്ങളെയോ അവരുടെ വംശത്തെയോ നിലനിർത്താൻ ട്രോഫി ഹണ്ടിങ്​ കാരണമാകുന്നില്ലെന്നും ബോൺ ഫ്രീ ഫൗണ്ടേഷൻ പ്രവർത്തകനായ ഡോ. മാർക്​ ജോൺസ്​ വ്യക്​തമാക്കി. പ്രാദേശിക സമൂഹങ്ങൾക്ക്​ ഒരുതരത്തിലുമുള്ള സഹായം അവർ ചെയ്യുന്നില്ലെന്നും അദ്ദേഹം പറഞ്ഞു.

ഒരു മിണ്ടാപ്രാണിയെ കൊന്ന്​ അതി​െൻറ ഹൃദയം പുറത്തെടുത്ത്​ പ്രദർശിപ്പിച്ച്​ സന്തോഷം പ്രകടിപ്പിക്കാൻ ഒരു സാമൂഹിക വിരുദ്ധനല്ലാതെ കഴിയില്ലെന്ന്​ പീപ്പിൾ ഫോർ ദ എത്തിക്കൽ ട്രീറ്റ്​മെൻറ്​ ഒാഫ്​ അനിമൽസ്​ പ്രവർത്തക എലിസ അലൻ തുറന്നടിച്ചു. 'ട്രോഫി ഹണ്ടിങ്​ മാനസിക വിഭ്രാന്തിയുടെ ലക്ഷണമാണെന്ന്​ ഒരിക്കൽ പറയപ്പെടും. ഇപ്പോഴും അതാണ്​.. അതൊരു സീരിയൽ കില്ലിങ്ങാണ്​. ആളുകൾക്ക്​ മുമ്പിൽ പൊങ്ങച്ചം കാണിക്കാനുള്ള രക്​തത്തിൽ കലർന്ന ത്വരയാണത്'​. -അവർ കൂട്ടിച്ചേർത്തു.