നീൽ ആംസ്​ട്രോങ്ങിനൊപ്പം അപ്പോളോ 11ൽ ചന്ദ്രനിലെത്തിയ 'വിസ്​മൃതനായ ബാഹ്യകാശ സഞ്ചാരി' മൈക്കൽ കോളിൻസ്​ വിടവാങ്ങി

വാഷിങ്​ടൺ: ചന്ദ്രനിൽ ആദ്യമായി കാലുകുത്തിയ അമേരിക്കക്കാരായ നീൽ ആംസ്​ട്രോങ്ങിനും ബസ്​ ആൽഡ്രിനു​െമാപ്പം അപ്പോളോ 11 പേടകം നിയന്ത്രിച്ച്​ കൂടെയുണ്ടായിരുന്ന 'വിസ്​മൃതനായ ബഹിരാകാശ സഞ്ചാരി' മൈക്കൽ കോളിൻസ്​ വിടവാങ്ങി.

ആസ്​ട്രോങ്ങും ആൽഡ്രിനും ലോകം മുഴുക്കെ പ്രശസ്​തരായപ്പോൾ അവർക്കൊപ്പം സഞ്ചരിച്ചിട്ടും ആരോരുമറിയാതെ പോയ പേരായിരുന്നു കോളിൻസി​െൻറത്​. ഇരുവരും അപ്പോളോ 11ൽ നിന്ന്​ 'ഈഗ്​ൾ ലാൻഡറി'ലേ​റി ചന്ദ്ര​െൻറ ഉപരിതലത്തിൽ ഇറങ്ങു​േമ്പാഴും യാത്ര അവസാനിപ്പിച്ച്​ തിരിച്ചുകയറുന്നതുവരെയും ഇതി​െൻറ സഞ്ചാരം നിയ​്ന്ത്രിച്ചിരുന്നത്​ കോളിൻസായിരുന്നു. മരണ സമയത്ത്​ 95 വയസ്സായിരുന്നു പ്രായം.

മരണമറിഞ്ഞ്​ സഹയാത്രികനായ ആൽഡ്രിൻ അനുശോചനമറിയിച്ചു. ''പ്രിയപ്പെട്ട മൈക്ക്​, നീ എവിടെയായിരുന്നുവെങ്കിലും ഇനി പുതുതായി എവിടെ ചെന്നാലും ഞങ്ങളെ പുതിയ ഉയരങ്ങളിലേക്കും ഭാവിയിലേക്കും സമർഥമായി നയിക്കാൻ നീയുണ്ടാകും''- ആൽഡ്രിൻ ട്വിറ്ററിൽ കുറിച്ചു.

82ാം വയസ്സിൽ 2012ലാണ്​ നീൽ ആംസ്​ട്രോങ്​ അന്തരിച്ചത്​. 91കാരനായ ആൽഡ്രിൻ ന്യൂ ജഴ്​സിയിലാണ്​ താമസം.

1969 ജൂലൈ മാസത്തിലാണ്​ മൂവർ സംഘം ചന്ദ്രനിലെത്തിയത്​. 60 മൈൽ ഉയരത്തിൽ പേടകം നിയന്ത്രിച്ചും വിവരങ്ങൾ താഴെ നാസയുമായി പങ്കുവെച്ചും​ കോളിൻസ്​ ഓർബിറ്റിലിരുന്നപ്പോൾ താഴെ രണ്ടുപേരും ചാന്ദ്രദൗത്യമെന്ന ചരിത്രത്തിലേക്ക്​ ആദ്യമായി കാലുകൾ വെച്ചു.

'ഏറെ ദൂരെ നിന്ന്​ ഭൂമിയുടെ കാഴ്​ചയായിരുന്നു ഏറ്റവും ത്രസിപ്പിച്ചതെന്ന്​ യാത്രക്കു ശേഷം കോളിൻസ്​ പറഞ്ഞിരുന്നു. ''ചെറുത്​, വളരെ ചെറുത്​. നീലയും വെള്ളയും നിറം. നല്ല തിളക്കം. കാണാൻ സുന്ദരം. ശാന്തം, ലോലം''- ഇത്രയുമായിരുന്നു ഭൂമിയെ കുറിച്ച വാക്കുകൾ.

ചന്ദ്ര​െൻറ പിറകുവശത്ത​ൂടെ അപ്പോളോ കടന്നുപോയ ഓരോ സമയത്തും വാർത്താവിനിമയം നഷ്​ടമായിരുന്നു. ഇരുവരും ചന്ദ്ര​െൻറ ഉപരിതലത്തിലായ​പ്പോൾ മനുഷ്യ ചരിത്രത്തിലെ ഏറ്റവും ഒറ്റയാനായ ആളായി കോളിൻസിനെ പിന്നീട്​ പലരും പരിചയപ്പെടുത്തിയിരുന്നു.