ക്യൂരിയോസിറ്റി ചൊവ്വയിലെത്തിയിട്ട്​ ആറാണ്ട്​; ജന്മദിനാശംസകളുമായി ട്വീറ്റുകൾ

വാഷിങ്​ടൺ: ചൊവ്വ ഗ്രഹം വാസയോഗ്യമാണോ എന്നറിയുന്നതിനായി നാസ ക്യൂരിയോസിറ്റി റോവർ അയച്ചിട്ട്​ ഇന്നേക്ക്​ ആറാണ്ട്​ തികയുന്നു. മാർസ്​ ക്യൂരിയോസിറ്റിയുടെ ആറാം വാർഷികം ട്വിറ്ററിൽ പങ്കു വെച്ചപ്പോൾ മികച്ച പ്രതികരണമാണ്​ ജനങ്ങളിൽ നിന്നുണ്ടായത്​.

‘‘ഒരു നാൾ ഞങ്ങൾ അവിടെയെത്തും. നിനക്ക്​ മികച്ച ഒരു പിറന്നാൾ ആഘോഷമൊരുക്കും..’’ ക്യൂരിയോസിറ്റി റോവറിനോട്​ ഒരു ട്വിറ്റർ ഉപയോക്​താവി​​െൻറ ആശ്വാസ വാക്കുകളാണിത്​. നാസ ക്യൂരിയോസിറ്റി റോവർ ചൊവ്വയിലേക്ക്​ അയച്ചതി​​െൻറ ആറാം വാർഷികത്തോടനുബന്ധിച്ച്​ ​ക്യൂരിയോസിറ്റി റോവറി​​െൻറ ഒൗദ്യോഗിക ട്വിറ്റർ അക്കൗണ്ടിൽ വന്ന ട്വീറ്റിനുള്ള മറുപടിയായിരുന്നു സൈമൺ എസ്​ എന്നയാളുടെ വാക്കുകൾ.

‘‘ഒരു നാൾ ഞങ്ങൾ ആ പൊടി നിറഞ്ഞ ഗ്രഹത്തിലിറങ്ങും. നിനക്ക്​ മനോഹരമായൊരു ആലിംഗനം നൽകും. പിന്നെ നിനക്ക്​ മികച്ച ഒരു പിറന്നാൾ ആഘോഷമൊരുക്കും. പിന്നീട്​ നീ വിരമിക്കുമ്പോൾ ഞങ്ങൾ ഒരു മ്യൂസിയത്തിലാക്കും. മാനവരാശി നില നിൽക്കുന്നിടത്തോളം കാലം നീ പ്രകീർത്തിക്കപ്പെടും’’ എന്നായിരുന്നു സൈമൺ കുറിച്ചത്​. മാർസി​​െൻറ കാമറയിൽ ജൻമദിനാശംസകൾ നേർന്നുകൊണ്ടുള്ള ബോർഡ്​ പതിയുന്നതായുള്ള കാർട്ടൂണും ഒരാൾ ട്വീറ്റ്​ ചെയ്​തിട്ടുണ്ട്​.

​‘‘ആറു വർഷം മുമ്പ്​ ഞാൻ ചൊവ്വയിൽ സ്​പർശിച്ചു. എ​​െൻറ ചൊവ്വ ഇറക്കത്തി​​െൻറ ആറാം വാർഷികം പരമ്പരാഗത ഉപഹാരമായ അയൺ ഒാക്​സൈഡുമായി ആഘോഷിക്കുകയാണ്​.’’ എന്നായിരുന്നു ക്യൂരിയോസിറ്റി റോവറി​​െൻറ ട്വീറ്റ്​. ഇൗ ട്വീറ്റിനോട്​ സന്തോഷവും ‘ഒറ്റക്കായ’ ക്യൂരിയോസിറ്റി റോവറി​നോടുള്ള സഹതാപവും പലരും പങ്കുവെച്ചു. ജൻമദിനാശംസകൾ നേർന്നും ഏറെ പേർ ട്വീറ്റ്​ ചെയ്​തിട്ടുണ്ട്​.  

I touched down on #Mars six years ago. Celebrating my 6th landing anniversary with the traditional gift of iron… oxide. (It puts the red in Red Planet.) https://t.co/AgssRU46yh pic.twitter.com/IAMa5H4TUG

— Curiosity Rover (@MarsCuriosity) August 5, 2018

One day we shall land on that dusty planet, give you a nice hug and then have the best birthday party of the whole system. Rest assure that when the day of your retirement finally comes we'll put you on a museum for you to be praised by all humanity for as long as we exist.

— Simon S. (@simonsanvil) August 5, 2018