ഭൗതികശാസ്​ത്ര നെബേൽ മൂന്നു ശാസ്​ത്രഞ്​ജൻമാർ പങ്കിട്ടു

സ്​​റ്റോ​ക്​​ഹോം: ക​ണ്ണു​ക​ളു​ടെ ന​വീ​ന ലേ​സ​ര്‍ ശ​സ്ത്ര​ക്രി​യ​ക്ക്​ വ​ഴി​തു​റ​ന്ന ക​ണ്ടു​പി​ടി​ത്ത​ത്തി​ന്​ 2018ലെ ​ഭൗ​തി​ക​ശാ​സ്​​ത്ര​ത്തി​നു​ള്ള നൊ​ബേ​ൽ സ​മ്മാ​നം. അ​മേ​രി​ക്ക​ന്‍ ശാ​സ്ത്ര​ജ്ഞ​നാ​യ ആ​ര്‍ത​ര്‍ അ​ഷ്‌​കി​ൻ, ഫ്ര​ഞ്ചു​കാ​ര​നാ​യ ജെ​റാ​ര്‍ഡ് മൗ​റോ, ക​നേ​ഡി​യ​ന്‍ ശാ​സ്ത്ര​ജ്ഞ ഡോ​ണ സ്ട്രി​ക്​​ലാ​ൻ​ഡ്​​ എ​ന്നി​വ​ര്‍ക്കാ​ണ്​ പു​ര​സ്​​കാ​രം.

ഭൗ​തി​ക​ശാ​സ്ത്ര നൊ​ബേ​ല്‍ പു​ര​സ്‌​കാ​രം നേ​ടു​ന്ന മൂ​ന്നാ​മ​ത്തെ വ​നി​ത​യാ​ണ് ഡോ​ണ. 55 വ​ർ​ഷ​ത്തി​നു​ശേ​ഷ​മാ​ണ്​ വീ​ണ്ടു​മൊ​രു വ​നി​ത ഭൗ​തി​ക​ശാ​സ്ത്ര നൊ​ബേ​ലി​ന്​ അ​ർ​ഹ​യാ​കു​ന്ന​ത്. 7.34 കോ​ടി​യാ​ണ്​ പു​ര​സ്​​കാ​ര​ത്തു​ക. ഇ​തി​ൽ പ​കു​തി ആ​ര്‍ത​ര്‍ ആ​ഷ്‌​കി​ന്​ ന​ൽ​കും. ബാ​ക്കി തു​ക ജെ​റാ​ര്‍ഡ് മൗ​റോ​യും ഡോ​ണ സ്ട്രി​ക്​​ലാ​ന്‍ഡും തു​ല്യ​മാ​യി വീ​തി​ക്കും. 96കാ​ര​നാ​ണ്​ ആ​ര്‍ത​ര്‍ ആ​ഷ്‌​കി​ൻ. നേ​ത്ര​ശ​സ്ത്ര​ക്രി​യ​യി​ലും വ്യ​വ​സാ​യ​രം​ഗ​ത്തും സൂ​ക്ഷ്മ​മാ​യി പ്ര​വ​ർ​ത്തി​ക്കു​ന്ന ഉ​പ​ക​ര​ണ​ങ്ങ​ള്‍ ത​യാ​റാ​ക്കാ​ൻ ഇ​വ​രു​ടെ ഗ​വേ​ഷ​ണം സ​ഹാ​യി​ച്ച​താ​യി നൊ​ബേ​ൽ സ​മി​തി വ്യ​ക്ത​മാ​ക്കി.

‘ഒ​പ്റ്റി​ക്ക​ൽ ട്വീ​സേ​ഴ്സ്’ എ​ന്ന ഉ​പ​ക​ര​ണ​മാ​ണ് ആ​ർ​ത​റി​​െൻറ ക​ണ്ടെ​ത്ത​ൽ. ആ​റ്റ​ങ്ങ​ൾ, സൂ​ക്ഷ്മ​ക​ണി​ക​ക​ൾ, വൈ​റ​സു​ക​ൾ, ജീ​വ​കോ​ശ​ങ്ങ​ള്‍ തു​ട​ങ്ങി​യ​വ​യെ ലേ​സ​ർ ര​ശ്​​മി​കൊ​ണ്ടു പി​ടി​ച്ചെ​ടു​ക്കാ​ൻ സാ​ധി​ക്കു​ന്ന​താ​ണ്​​ ഇൗ ​ഉ​പ​ക​ര​ണം. അ​തേ​സ​മ​യം, അ​ൾ​ട്ര-​ഷോ​ർ​ട്ട് ഒ​പ്റ്റി​ക്ക​ൽ പ​ൾ​സു​ക​ൾ ഉ​ൽ​പാ​ദി​പ്പി​ക്കു​ന്ന സം​വി​ധാ​നം വി​ക​സി​പ്പി​ച്ചെ​ടു​ത്ത​തി​നാ​ണ് ജെ​റാ​ർ​ഡ്​ മൗ​റോ​ക്കും ഡോ​ണ​ക്കും നൊ​ബേ​ൽ അം​ഗീ​കാ​രം.