മൂത്രം ഉപയോഗിച്ച് മൊബൈല്‍ ചാര്‍ജ്ജ് ചെയ്യാം; 'പീ പവർ' സാങ്കേതികവിദ്യയുമായി ഗവേഷകർ

ലണ്ടൻ: മൂത്രം ഉപയോഗിച്ച്​ മൊബൈൽ ഫോൺ ചാർജ്​ ചെയ്യാൻ സാധിക്കുന്ന സാ​ങ്കേതിക വിദ്യയുമായി ഒരുപറ്റം ഗവേഷകർ. ബ്രിട്ടനിലെ ബ്രസ്​റ്റോളിലുള്ള ഗവേഷകരാണ്​ കണ്ടുപിടിത്തത്തിന്​ പിന്നിൽ. മൈക്രോബയല്‍ ഫ്യൂവല്‍ സെല്‍സ് ഉപയോഗിച്ചാണ് മൂത്രത്തില്‍ നിന്നും ഊര്‍ജ്ജം കണ്ടെത്തുന്നത്.

മൂത്രത്തില്‍ നിന്നും ഊര്‍ജ്ജം വേര്‍തിരിച്ചെടുക്കുന്ന സൂക്ഷ്മാണുക്കളെയാണ്​ കണ്ടുപിടുത്തത്തിനായി ഉപയോഗപ്പെടുത്തിയിരിക്കുന്നത്​. രണ്ടുവർഷം മുമ്പ്​ ഗ്ലാസ്റ്റൻബറി ഫെസ്റ്റിവലിൽ വെച്ച്​ 'പീ പവർ' പ്രൊജക്​ടിന്‍റെ പരീക്ഷണം ആരംഭിച്ചിരുന്നു. അന്ന്​ ശൗചാലയങ്ങളിൽ വൈദ്യുതി ഉത്‌പാദിപ്പിക്കാൻ കഴിയുമെന്ന്‌ ശാസ്​ത്രജ്ഞർ തെളിയിച്ചു.

'ഇംഗ്ലണ്ടിൽ നിന്നുള്ള ഒരു സംഘം ഗവേഷകർ മൈക്രേബിയൽ ഫ്യുവൽ സെൽ ഉപയോഗിച്ച്​ മനുഷ്യ വിസർജ്യത്തിൽ നിന്ന്​ വൈദ്യുതി ഉൽപാദിപ്പിക്കാമെന്ന്​ കണ്ടെത്തിയിരിക്കുന്നു. ഒരുദിവസം വീട്ടാവശ്യത്തിനുള്ള വൈദ്യുതി ഇങ്ങനെ ഉദ്​പാദിപ്പിക്കാനാകുമെന്നാണ്​ പ്രതീക്ഷിക്കുന്നത്​. ഗ്ലാസ്റ്റൻബറി ഫെസ്റ്റിവലിൽ വെച്ച്​ രണ്ടുവർഷങ്ങൾക്ക്​ മു​േമ്പ ഇതിന്‍റെ പരീക്ഷണം ആരംഭിച്ചിരുന്നു. ഇതുവരെ മൊബൈല്‍ ഫോണുകള്‍, ബള്‍ബുകള്‍, റോബോട്ടുകള്‍ എന്നിവ ചാർജ് ചെയ്യാൻ കഴിഞ്ഞു. ഫെസ്റ്റിവലിനിടെ അഞ്ച് ദിവസം ശൗചാലയത്തിൽ ആളുകൾ മൂത്രമൊഴിച്ചതിൽ നിന്ന്​ 300 വാട്ട്​ അവർ വൈദ്യുതി ഉത്പാദിപ്പിക്കാൻ കഴിഞ്ഞു'-ബ്രിസ്​റ്റോൾ റോബോട്ടിക്​സ്​ ലൈബ്രറിയിലെ ഡോ. അയോണിസ്​ ഇറോപോലസ്​ പറഞ്ഞു.

മൂത്രത്തിൽ നിന്നുള്ള ഈ വൈദ്യുതി ഉപയോഗിച്ച് 10 വാട് ബൾബ് 30 മണിക്കൂർ പ്രകാശിപ്പിക്കാമെന്ന്​ സാരം.

മൈക്രോബയൽ ഫ്യൂവൽ സെല്ലുകളെ അടിസ്ഥാനമാക്കിയുള്ളതാണ് കണ്ടുപിടുത്തം. ഇതുവരെ മൂത്രം ഉപയോഗിച്ച്​ ഉത്​പാദിപ്പിക്കുന്ന വൈദ്യുതി വഴി മൊബൈൽ ഫോണുകൾ, ബൾബുകൾ, റോബോട്ടുകൾ എന്നിവയാണ്​ പ്രവർത്തിപ്പിക്കാൻ​ സാധിച്ചത്​. വൈകാതെ ഗാർഹിക ആവശ്യങ്ങൾക്കും ഈ ഉൗർജ്ജം ഉപയോഗപ്പെടുത്താനാണ്​ ശാസ്​ത്രജ്ഞർ ലക്ഷ്യമിടുന്നത്​.