ഫേസ്​ആപ്പി​െൻറ രണ്ടാം വരവ്​; സമൂഹ മാധ്യമങ്ങളിൽ തരംഗം

സമൂഹ മാധ്യമങ്ങളിൽ വീണ്ടും ഫേസ്​ആപ്പ്​ തരംഗം. ആപ്പി​ലെ പൊടിക്കൈകൾ ഉപയോഗിച്ച്​ ആണ്​ പെണ്ണായും പെണ്ണ്​ ആണായും സമൂഹ മാധ്യമങ്ങളിൽ നിറയുകയാണ്​. സെലിബ്രിറ്റികളിൽ ചിലരും ഫേസ്​ ആപ്പ്​ ചിത്രങ്ങൾ പങ്കുവെച്ചിട്ടുണ്ട്​. ക്രിക്കറ്റ്, സിനിമാ​ താരങ്ങളാണ്​ അതിൽ​ മുൻപന്തിയിൽ ഉള്ളത്​. ഇന്ത്യൻ സ്​പിൻ ബൗളർ യുസ്​വേന്ദ്ര ചാഹൽ, ഹിറ്റ്​മാൻ രോഹിത്​ ശർമയുടെ മുഖം ഫേസ്​ആപ്പിലിട്ട്​ ഇത്തരത്തിൽ രൂപമാറ്റം വരുത്തി പങ്കുവെച്ചത്​ വൻ വൈറലായി.

രോഹിതി​​​െൻറ മുഖം പെൺരൂപത്തിലാക്കിയാണ്​ താരം ട്വിറ്ററിൽ ഇട്ടത്​. ‘വളരെ ക്യൂട്ടാണ്​ രോഹിത്​ ശർമ’ എന്നാണ്​ അടിക്കുറിപ്പ്​ നൽകിയിരിക്കുന്നത്​. ചാഹൽ കാട്ടിക്കൂട്ടുന്നതിനെല്ലാം രോഹിത്​ കുറക്കുകൊള്ളുന്ന മറുപടി നൽകാറുള്ളതിനാൽ അതിനായി കാത്തിരിക്കുകയാണ്​ ആരാധകർ.

So cute u looking Rohitaaaaaa Sharammaaaaa bhaiya @ImRo45  pic.twitter.com/HxftQD3Qer

— Yuzvendra Chahal (@yuzi_chahal) June 18, 2020

ചാഹലിന്​ പിന്നാലെ ഇന്ത്യയുടെ മറ്റ്​ താരങ്ങളുടെ ചിത്രങ്ങളും ആരാധകർ ഇത്തരത്തിൽ പെൺരൂപത്തിലാക്കി പങ്കുവെച്ചുതുടങ്ങുകയായിരുന്നു. നായകൻ വിരാട്​ കോഹ്​ലിയെയും മുൻ നായകൻ മഹേന്ദ്ര സിങ്​ ധോണിയുടേയും ധവാ​​​െൻറയുമടക്കം ചിത്രങ്ങൾ ഇത്തരത്തിൽ ഫേസ്​ആപ്പിലിട്ട്​ മാറ്റിയിട്ടുണ്ട്​.