അത്​ വ്യാജമായിരുന്നു... ഇതാണ്​ യാഥാർഥ്യം

വാഷിങ്​ടൺ: കോവിഡ്​ മഹാമാരി പോലെ ലോകരാജ്യങ്ങളെ പ്രതിസന്ധിയിലാക്കിയ ഒന്നാണ്​​ അതുമായി ബന്ധപ്പെട്ട്​ പ്രച രിച്ച വ്യാജ വാർത്തകൾ. സമൂഹ മാധ്യമങ്ങളിലൂടെയാണ്​ ഇത്തരം വാർത്തകൾ പ്രചരിക്കുന്നത്​. സഹികെട്ട ലോകനേതാക്കൾ ഫേസ് ​ബുക്ക്​ അടക്കമുള്ള കമ്പനികളോട്​ പരിഹാരം കാണാൻ നിർദേശിച്ചിരുന്നു. ഒടുവിലിതാ, ഫേക്കുകളെ പൊളിച്ചടുക്കാൻ പുത ിയ സംവിധാനവുമായി ഫേസ്​ബുക്ക് രംഗത്തെത്തിയിരിക്കുകയാണ്​.​

സംഗതി ഇങ്ങനെയാണ്​: നിങ്ങൾ കോവിഡുമായി ബന്ധപ്പ െട്ട ഏതെങ്കിലും ഫേസ്​ബുക്ക്​ പോസ്​റ്റ്​ ലൈക്കുകയോ കമൻറുകയോ ചെയ്​തു. പിന്നീട്​ ഫേസ്​ബുക്ക്​ ടീമി​​െൻറ പരിശോധനയിൽ അത്​ വ്യാജ വിവരമാണെന്ന്​ ബോധ്യപ്പെടുന്നു. ഉടൻ പോസ്​റ്റ്​ അവർ നീക്കം ചെയ്യുകയും ലൈക്കും കമൻറും ചെയ്​ത എല്ലാവർക്കും മുന്നറിയിപ്പ്​ സന്ദേശം നൽകുകയും ചെയ്യും. കൂടാതെ, ഇത്തരം കെട്ടുകഥകൾ പൊളിക്കുന്ന ലോകാരോഗ്യ സംഘടനയുടെ ലേഖനങ്ങൾ ഉൾപ്പെടുന്ന പോർട്ടലിലേക്ക്​ ഇവരെ വഴികാട്ടുകയും ചെയ്യും. ഫേസ്​ബുക്ക്​ ന്യൂസ്​ ഫീഡിൽ കൂടുതലായും യഥാർഥ വിവരങ്ങളുള്ള ന്യൂസുകൾ മാത്രമായി കാണിക്കാനും ഫേസ്​ബുക്ക്​ ഒരുങ്ങുകയാണ്​.

വരും ദിവസങ്ങളിൽ ഇൗ സംവിധാനം ഫേസ്​ബുക്കിൽ ലഭ്യമായി തുടങ്ങും. ​കോവിഡുമായി ബന്ധപ്പെട്ട്​ അപകടരമായ ആരോഗ്യ ഉപദേശങ്ങളും വ്യാജ ചികിത്സ രീതികളും വിശദീകരിക്കുന്ന പോസ്റ്റുകൾ അടക്കം ആയിരക്കണക്കിന്​ ഉള്ളടക്കങ്ങളാണ്​ കഴിഞ്ഞ ആഴ്​ച്ചകളിൽ നീക്കം ചെയ്​തതെന്ന്​ കമ്പനി പറയുന്നു. വ്യാജ വാർത്തകളുടെ ലിങ്കുകൾക്ക്​​ നൽകിവരുന്ന മുന്നറിയിപ്പ്​ ചിഹ്നം വലിയ മാറ്റമാണ്​ ഉണ്ടാക്കിയിതെന്നും ഫേസ്​ബുക്ക്​ അവകാശപ്പെടുന്നുണ്ട്​. 95 ശതമാനം യൂസർമാരും അത്തരം ഉള്ളടക്കങ്ങളിൽ ക്ലിക്ക്​ ചെയ്യുന്നില്ലെന്നാണ്​ കമ്പനിയുടെ കണ്ടെത്തൽ.

സമീപ കാലത്ത്​ ഫേസ്​ബുക്ക്​ അവരുടെ പ്ലാറ്റ്​ഫോമിൽ പുതുതായി ചേർത്ത ഫീച്ചറായിരുന്നു ‘ഗെറ്റ്​ ദ ഫാക്​ട്​സ്​’. ഫേസ്​ബുക്ക്​ ആപ്പി​​െൻറ കൊറോണ വൈറസ്​ ഇൻഫർമേഷൻ സ​െൻററിലായിരുന്നു ഇൗ സംവിധാനമുള്ളത്​. കോവിഡുമായി ബന്ധപ്പെട്ട്​ പ്രചരിക്കുന്ന വാർത്തകൾ പൊളിച്ചടുക്കാൻ ഫേസ്​ബുക്കുമായി സഹകരിച്ച്​ പ്രവർത്തിക്കുന്ന കമ്പനികളുടെ ലേഖനങ്ങളാണ്​ ഇതിൽ ലഭ്യമായത്​.

എന്തായാലും ഇനിമുതൽ ഫേസ്​ബുക്ക്​ ന്യൂസ്​ ഫീഡിൽ വ്യാജമല്ലാത്ത വാർത്തകൾക്ക്​ മാത്രമേ ഇടം നൽകുകയുള്ളൂവെന്നാണ്​ കമ്പനി അവകാശപ്പെടുന്നത്​. ഇത്തരത്തിൽ വ്യാജവാർത്തകൾ കൂടുതലായി പ്രചരിക്കുന്ന മറ്റൊരും പ്ലാറ്റ്​ഫോം വാട്​സ്​ആപ്പാണ്​. മെസ്സേജ്​ പങ്കുവെക്കാൻ സാധിക്കുന്നവരുടെ എണ്ണം കുറച്ചാണ്​ അധികൃതർ നിലവിൽ അതിന്​ തടയിട്ടിരിക്കുന്നത്​.