വീട്ടിനുള്ളിൽ പുലിയെ വരുത്താം​; ഫോണിൽ ഇങ്ങനെ ചെയ്​താൽ മതി

കോവിഡ്​ 19 വൈറസ്​ എല്ലാം ഹൈജാക്ക്​ ചെയ്​തിരിക്കുകയാണ്​. വൈറസ്​ വ്യാപനം തടയാൻ ലോക്ക്ഡൗൺ പ്രഖ്യാപിച്ചതോടെ വ ീട്ടിൽ ബോറടിച്ചിരിക്കുന്നവർ സമൂഹ മാധ്യമങ്ങൾ തുറന്നാലും ന്യൂസ്​ ചാനലുകൾ തുറന്നാലും സർവം കൊറോണമയം. ഇൗ സാഹചര ്യത്തിലാണ്​ ഗൂഗ്​ൾ അവരുടെ പുതിയ വിനോദ സംവിധാനവുമായി രംഗപ്രവേശം ചെയ്​തിരിക്കുന്നത്​. ഇത്​ മുതിർന്നവരേക്കാൾ ആനന്ദം നൽകുക​ കുട്ടികൾക്കായിരിക്കും എന്ന്​ മാത്രം.

കാട്ടിലെ പുലിയും മുതലയും കടലിലെ ഇതുവരെ നേരിട്ട്​ കാണാ ത്ത മീനുമൊക്കെ വീട്ടിനകത്ത്​ വരും. അതും 3ഡിയിൽ. അതെ, ജീവികളുടെ 3ഡി ഹോളോഗ്രാമുകൾ നമ്മുടെ ചുറ്റുപാടിൽ പ്രത്യക്ഷമാക്കാൻ കഴിയുന്ന സംവിധാനമാണിത്​. നേരത്തെ ചില സ്​മാർട്ട്​ഫോണുകളിൽ മാത്രം ലഭ്യമായിരുന്ന ഗൂഗ്​ൾ എ.ആർ ആനിമേഷൻ ഇപ്പോൾ എല്ലാവർക്കും പരീക്ഷിച്ച്​ നോക്കാൻ സാധിക്കും.

വേണ്ടത്​ ഒരു എ.ആർകോർ സംവിധാനമുള്ള സ്​മാർട്ട്​ഫോൺ (ഇന്ന്​ മിക്ക ഫോണുകളിലും ഇത്​ ലഭ്യമാണ്​), നെറ്റ്​ കണക്ഷൻ, പിന്നെ ഗൂഗ്​ൾ ആപ്പി​​​​​​െൻറ ഏറ്റവും പുതിയ വേർഷൻ. നിലവിൽ 24 ജീവികൾ മാത്രമാണ്​ ഇത്തരത്തിൽ സ്​മാർട്ട്​ഫോൺ കാമറയിലൂടെ കാണാൻ കഴിയുക. (എ.ആർ കോർ സംവിധാനം നിങ്ങളുടെ ഫോണിൽ ലഭ്യമല്ലെങ്കിൽ ഫോണി​ന്റെ സ്ക്രീനിൽ മാത്രമേ ജീവിയുടെ രൂപം കാണാൻ സാധിക്കൂ)

എങ്ങനെയാണ്​ ഗൂഗ്​ൾ 3ഡി ഹോളാഗ്രാം നിങ്ങളുടെ ഫോണിൽ പ്രവർത്തിപ്പിക്കുക:-

സ്​റ്റെപ്​ 1 :- ഗൂഗ്​ളിൽ ‘GOOGLE AR ANIMALS’​ എന്ന്​ ടൈപ്പ്​ ചെയ്യുക.

സ്​റ്റെപ്​ 2:- ആദ്യം തന്നെ കടുവയും മുതലയും മീനുകളും പാമ്പുമൊക്കെയായുള്ള ഒരു ലിസ്റ്റ്​ നിരനിരയായി നിങ്ങൾക്ക്​ ലഭിക്കും.

സ്​റ്റെപ്​ 3:- അതിൽ ഇഷ്​ടമുള്ള മൃഗത്തെ തെരഞ്ഞെടുക്കുക.

സ്​റ്റെപ്​ 4:- നിങ്ങൾ തെരഞ്ഞെടുത്തത്​ കടുവയെ ആണെങ്കിൽ ചലിക്കുന്ന ഒരു കടുവയെ ഗൂഗ്​ൾ നിങ്ങൾക്ക്​ കാട്ടിത്തരും. കൂടെ ഒരു VIEW IN 3D എന്ന ഒാപ്​ഷനും കാണാം. അതിൽ ക്ലിക്​ ചെയ്യുക

സ്​റ്റെപ്​ 5:- കടുവയുടെ 3ഡി രൂപം നിങ്ങളുടെ സ്​മാർട്ട്​ഫോൺ സ്​ക്രീനിൽ തെളിയും. ശബ്​ദത്തോടെ ചലിക്കുന്ന കടുവയുടെ ആനിമേഷന്​ താഴെയായി കാണാം VIEW IN MY SPACE, അതിൽ ക്ലിക്​ ചെയ്യുക.

സ്​റ്റെപ്​ 6:- നിങ്ങളുടെ കാമറ ആപ്പിന്​ ഗൂഗ്​ൾ ആക്​സസ്​ പെർമിഷൻ നൽകിയിട്ടുണ്ടെങ്കിൽ കാമറയിലേക്ക്​ പോവുകയും കാമറ ചലിപ്പിക്കാൻ ഗൂഗ്​ൾ നിർദേശം നൽകുകയും ചെയ്യും.

സ്​റ്റെപ്​ 7:- റൂമിലെ ഫ്ലോറിന്​ നേരെ കാമറ കണ്ണുകൾ ഫോക്കസ്​ ചെയ്​ത്​ ചലിപ്പിക്കുക. കടുവയുടെ ജീവൻ തുടിക്കുന്ന ആനിമേഷൻ റെഡി.

നിങ്ങൾ തെരഞ്ഞെടുക്കുന്ന ആനിമേഷൻ സൂം ചെയ്​ത്​ വലുതാക്കുവാനും ചെറുതാക്കുവാനും സാധിക്കും. കടുവയെ ചേർത്ത്​ നിർത്തി ഫോ​ട്ടോ എടുക്കാനും വിഡിയോ പകർത്താനും കഴിയുന്ന വിധത്തിലാണ്​ എ.ആർ അനിമൽ എന്ന സംവിധാനം ഗൂഗ്​ൾ ഒരുക്കിയിരിക്കുന്നത്​. എന്തായാലും ഇൗ അടച്ചുപൂട്ടൽ കാലത്ത്​ കുട്ടികളെ ആനന്ദിപ്പിക്കാൻ ഗൂഗ്​ളി​ന്റെ 3ഡി ഹോളോഗ്രാം ഫീച്ചറും ഒന്ന്​ പരീക്ഷിച്ചു നോക്കൂ...