അതിവേഗ ഇൻറർനെറ്റും ടിവിയും; വീണ്ടും വിപണിയെ ​െഞട്ടിക്കാൻ ജിയോ

മുംബൈ: റിലയൻസ്​ ജിയോ നൽകിയ ഷോക്കിൽ നിന്ന്​ ടെക്​ ലോകത്തെ പല വമ്പൻമാരും ഇനിയും മുക്​തമായിട്ടില്ല. അതിനിടെ ഒരുകൂട്ടം പുതിയ സേവനങ്ങൾ അവതരിപ്പിച്ച്​ വിപണിയെ ​വീണ്ടും ഞെട്ടിക്കാൻ ഒരുങ്ങുകയാണ്​ ജിയോ. റിലയൻസി​​െൻറ ജനറൽ മീറ്റിങ്ങിലാണ്​ ജ​ിയോയുടെ ബ്രോഡ്​ബാൻഡ്​ നെറ്റ്​വർക്കായ ജിയോ ജിഗാ ഫൈബറി​​െൻറയും ജിയോ ജിഗാ ടിവിയുടെയും പ്രഖ്യാപനം കമ്പനി നടത്തിയത്​. 

1100 നഗരങ്ങളിൽ 1 ജി.ബി ​പെർ സെക്കൻഡ്​​ വേഗതയിൽ ഇൻറർനെറ്റ്​ സേവനം ലഭ്യമാക്കുമെന്നാണ്​ ജിയോ അറിയിച്ചിരിക്കുന്നത്​. ഇതിനൊപ്പം ജിയോയുടെ സെറ്റ്​ടോപ്പ്​ ബോക്​സും നൽകും. 600 ചാനലുകൾ, ആയിരക്കണക്കിന്​ സിനിമകൾ, ലക്ഷക്കണക്കിന്​ പാട്ടുകൾ എന്നിവയെല്ലാം ജിയോയുടെ സെറ്റ്​ ടോപ്പ്​ ബോക്​സിലുടെ ലഭ്യമാവും.

 മൾട്ടി പാർട്ടി വീഡിയോ കോൺഫറൻസിങ്​, വിർച്വുൽ റിയാലിറ്റി ഗെയിം, ഡിജിറ്റൽ ഷോപ്പിങ്​, ശബ്​ദാധിഷ്​ഠത ​വിർച്വുൽ റിയാലിറ്റി സംവിധാനം എന്നിവയെല്ലാം ജിയോയുടെ ജിഗാ ഫൈബറി​​െൻറ ഭാഗമാവും. ടി.വിയെ വോയ്​സ്​ കമാൻഡ്​ കൊണ്ട്​ നിയന്ത്രിക്കാവുന്ന സംവിധാനവും ജിയോ ഫൈബറി​​െൻറ ഭാഗമാണ്​. വീടുകളിൽ വൈഫൈയുടെ സഹായത്തോടെ പ്രവർത്തിക്കുന്ന സ്​മാർട്ട്​ ഹോം സംവിധാനവും ജ​ിയോ ഫൈബറി​ൽ ഉൾപ്പെടുത്തിയിട്ടുണ്ട്​. ഇന്ത്യയുടെ ഡിജിറ്റൽ സ്വാതന്ത്ര്യമാണ്​ പുതിയ പദ്ധതിയിലുടെ ലക്ഷ്യമിടുന്നതെന്ന്​ റിലയൻസ്​ ഇൻഡസ്​ട്രീസ്​ ചെയർമാൻ മ​ുകേഷ്​ അംബാനി പറഞ്ഞു. ജിയോ ജിഗാ ഫൈബറിലുടെ വിദ്യഭ്യാസ-ആരോഗ്യ രംഗങ്ങളിലെ പുരോഗതി ഉണ്ടാക്കുകയും റിലയൻസി​​െൻറ ലക്ഷ്യമാണെന്ന്​ അദ്ദേഹം വ്യക്​തമാക്കി.