ഒരു വർഷത്തേക്ക്​ പ്രതിദിനം രണ്ട്​ ജി.ബി ഡാറ്റ; ചാർജ്​ വർധനക്ക്​ മുമ്പ്​ ജിയോയുടെ പ്ലാൻ

മൊബൈൽ ഫോൺ നിരക്കുകളിൽ വർധന വരുത്തിയിരിക്കുകയാണ്​ രാജ്യത്തെ പ്രമുഖ സേവനദാതാകളെല്ലാം. എയർടെൽ, വോഡഫോൺ-ഐഡിയ, ജിയോ തുടങ്ങിയ കമ്പനികളെല്ലാം വർധനവ്​ പ്രഖ്യാപിച്ചു കഴിഞ്ഞു. ജിയോയുടെ പുതിയ പ്ലാനുകൾ ഡിസംബർ ആറിനാണ്​ നിലവിൽ വരുന്നത്​. ഇതിന്​ മുമ്പായി ഒരു വർഷത്തേക്ക് പ്രതിദിനം​ രണ്ട്​ ജി.ബി ഡാറ്റ ലഭിക്കുന്ന പ്ലാൻ ജിയോ അവതരിപ്പിച്ചു.

1776 രൂപക്ക്​ 336 ദിവസത്തേക്ക്​ രണ്ട്​ ജി.ബി ഡാറ്റയും അൺലിമിറ്റഡ്​ കോളുകളും നൽകുന്നതാണ്​ പ്ലാൻ. 444 രൂപയുടെ നാല്​ റീചാർജുകളാണ്​ പുതിയ പ്ലാനിനായി ചെയ്യേണ്ടത്​. ഈ പ്ലാൻ ഉപയോഗിച്ച്​ റീചാർജ്​ ചെയ്യുന്നവർക്ക്​ ഡിസംബർ ആറിലെ നിരക്ക്​ വർധനയിൽ നിന്ന്​ രക്ഷപെടാമെന്നാണ്​ ജിയോ വ്യക്​തമാക്കുന്നത്​.

മൊബൈൽ നിരക്കുകൾ 40 ശതമാനം വരെ വർധന വരുത്ത​ുമെന്നാണ്​ ജിയോ അറിയിച്ചിരുന്നത്​. പ്ലാനുകളിൽ വർധനയുണ്ടാകുമെങ്കിലും 300 ശതമാനം അധിക ആനുകൂല്യം നൽകുമെന്നും ജിയോ വ്യക്​തമാക്കിയിരുന്നു.