മയക്കുമരുന്ന്​ അഡിക്​ടിറ്റിന്​ തുല്യം; പബ്​ജി നിരോധിക്കണമെന്ന്​ ആവശ്യം

ആൻഡ്രോയിഡ്​, ​െഎ.ഒ.എസ്​ പ്ലാറ്റ്​ഫോമുകളിലെ ജനപ്രിയ ഗെയിമാണ്​ പബ്​ജി. ഇന്ത്യയിലും പബ്​ജിക്ക്​ ആരാധകർക്ക്​ കുറവല്ല. എന്നാൽ, കശ്​മീരിൽ പബ്​ജി നിരോധിക്കണമെന്ന ആവശ്യവുമായി രംഗത്തെത്തിയിരിക്കുകയാണ് കശ്​മീരിലെ​ ഒരു വിദ്യാർഥി സംഘടന. കശ്​മീർ സ്​റ്റുഡൻറ്സ്​ അസോസിയേഷനാണ്​ പബ്​ജി നിരോധിക്കണമെന്ന ആവശ്യവുമായി രംഗത്തെത്തിയത്​.

ഗവർണർ സത്യപാൽ നായിക്കിനാണ്​ അസോസിയേഷൻ പരാതി നൽകിയത്​​. പത്ത്​, പന്ത്രണ്ട്​ ക്ലാസുകളിലെ വിദ്യാർഥികളുടെ പരീക്ഷയിലെ മോശം പ്രകടനത്തിന്​ കാരണം പബ്​ജിയാണെന്നാണ്​ വിദ്യാർഥി സംഘടന പറയുന്നത്​. മയക്കുമരുന്നുകൾക്ക്​ അടിമപ്പെടുന്നതിന്​ സമാനമാണ്​ പബ്​ജിക്ക്​ കീഴ്​പ്പെടുന്ന​െതന്ന്​​ പരാതിയിൽ വ്യക്​തമാക്കുന്നു.

ഭാവി തലമുറയെ നശിപ്പിക്കുന്നതാണെന്നാണ്​ പബ്​ജിയെന്ന്​​ ജമ്മുകശ്​മീർ സ്​റ്റുഡൻറസ്​ അസോസിയേഷൻ ചെയർമാൻ അക്​ബർ അഹമ്മദ്​ ഭട്ട്​ പറഞ്ഞു. അതേസമയം, ഇതേക്കുറിച്ച്​ പ്രതികരിക്കാൻ പബ്​ജി ഗെയിമി​​െൻറ നിർമാതാക്കളായ ടെൻസ​െൻറ്​ തയാറായിട്ടില്ല.