പൊട്ടിത്തെറിക്കില്ലെന്ന്​ തെളിയിക്കാൻ 200 വിമാനയാത്രികർക്ക്​ ഗാലക്​സി നോട്ട്​ 8 ഫ്രീ നൽകി സാംസങ്​

മാഡിഡ്ര്​: സാംസങിന്​ ഒരുപാട്​ തലവേദന സൃഷ്​ടിച്ച മോഡലാണ്​ ഗാലക്​സി നോട്ട്​ 7. പൊട്ടിതെറിക്കുന്നുവെന്ന പരാതികൾ വ്യാപകമായതോടെ തീരാത്ത നാണക്കേടാണ്​ നോട്ട്​ 7ൻ സാംസങിന്​ വരുത്തി വെച്ചത്​. ഇത്​ മറികടക്കാനാണ്​ നോട്ട്​ 8 എന്ന കിടിലൻ മോഡൽ സാംസങ്​ വിപണിയിലെത്തിച്ചത്​​. ഫോൺ പൂർണമായും സുരക്ഷിതമാണെന്ന്​ തെളിയിക്കാൻ അൽപം വ്യത്യസ്​തമായ മാർക്കറ്റിങ്​ തന്ത്രമാണ്​ ​സ്​പെയിനിൽ കമ്പനി പരീക്ഷിച്ചിരിക്കുന്നത്​. ഒരു വിമാനത്തിലെ മുഴുവൻ യാത്രക്കാർക്കും നോട്ട്​ 8 സൗജന്യമായി നൽകിയായിരുന്നു സാംസങി​​െൻറ പരീക്ഷണം.

സ്​പെയിനി​​െൻറ തലസ്ഥാനമായ മാഡിഡ്രിൽ നിന്ന്​ ലൈബീരിയയിലേക്ക്​ പറന്ന IB514 എന്ന വിമാനത്തിലെ 200 യാത്രക്കാർക്കാണ്​ സാംസങ്​ അപ്രതീക്ഷിത സമ്മാനം നൽകിയത്​. വിമാനത്തിലെ ജീവനക്കാർ തന്നെയാണ്​ ഫോൺ വിതരണം ചെയ്തത്​.

എന്തായാലും സാമൂഹിക മാധ്യമങ്ങളിൽ ഇപ്പോൾ വൈറലാവുന്നത്​ സാംസങി​​െൻറ ഇൗ സൗജന്യ സമ്മാനത്തെ സംബന്ധിച്ച കഥകളാണ്​. സംഭവത്തി​​െൻറ ചിത്രങ്ങളും, വീഡിയോയും ഇതിനകം തന്നെ വ്യാപകമായി പ്രചരിക്കുന്നുണ്ട്​.