ടിക്​ ടോക്​ ഡൗൺലോഡ്​ 200 കോടി പിന്നിട്ടു

200 കോടി പിന്നിട്ട്​ ടിക്​ ടോക്​ ഡൗൺലോഡുകൾ. സാമ്പത്തിക വർഷത്തിൻെറ ഈ പാദത്തിൽ മാത്രം 315 മില്യൺ ആളുകൾ ടിക്​​ ടേ ാക്​ ഡൗൺലോഡ്​ ചെയ്​തു. ഗൂഗ്​ൾ പ്ലേ സ്​റ്റോറിലേയും ആപ്​ സ്​​റ്റോറിലും ചേർന്നാണ്​ ഇത്രയും ഡൗൺലോഡ്​ ​ഉണ്ടായിരിക്കുന്നത്​.

ഡൗൺലോഡുകളിൽ 30.3 ശതമാനവും ഇന്ത്യയിലാണ്​. 611 ദശലക്ഷം പേരാണ്​ ഇന്ത്യയിൽ ആപ്​ ഡൗൺലോഡ്​ ചെയ്​തത്​. ചൈനയിൽ ഇതുവരെ 196.6 ദശലക്ഷം പേർ ടിക്​ ടോക്​ ഡൗൺലോഡ്​ ചെയ്​തു. മൊബൈൽ ഇൻറലിജൻസ്​ കമ്പനിയായ സെർവർ ടവറാണ്​ പുതിയ റിപ്പോർട്ട്​ പുറത്ത്​ വിട്ടത്​.

കോവിഡ്​ 19 വൈറസ്​ ബാധയെ തുടർന്ന്​ ലോകത്തെ ഭൂരിപക്ഷം രാജ്യങ്ങളും ലോക്​ഡൗൺ പ്രഖ്യാപിച്ചിരുന്നു. ഇതോടെ വീടുകളിലിരുന്ന ആളുകൾ ആപ്​ ഡൗൺലോഡ്​ ചെയ്​തതാണ്​ ടിക്​ ടോകിന്​ ഗുണമായത്​.