യുട്യൂബിന്​ പിന്നാലെ ഡാർക്ക്​ മോഡുമായി വാട്​സ്​ ആപും

ഫേസ്​ബുക്കിന്​ പിന്നാലെ മെസേജിങ്​ ആപ്ലിക്കേഷനായ വാട്​സ്​ ആപും ഡാർക്ക്​ മോഡുമായി രംഗത്തെത്തുന്നു. ഇപ്പോൾ വെളുത്ത നിറത്തിലുള്ള യൂസർ ഇൻറർഫേസിൽ മാത്രമാണ്​ വാട്​സ്​ ആപ്​ ലഭ്യമാവുക. വാബ്​ബീറ്റ ഇൻഫോയാണ്​ ഇതുസംബന്ധിച്ച വാർത്ത റിപ്പോർട്ട്​ ചെയ്​തത്​.

ഇതുവരെയായി യുസർ ഇൻറർഫേസിൽ കാര്യമായ മാറ്റങ്ങൾക്കൊന്നും വാട്​സ്​ ആപ്​ മുതിർന്നിട്ടില്ല. ചാറ്റ്​ വിൻഡോയിലെ വാൾപേപ്പർ മാറ്റാൻ മാത്രമാണ്​ വാട്​സ്​ ആപ്​ അവസരം നൽകിയിരുന്നത്​. വിവിധ ആപുകൾ ഡാർക്ക്​ മോഡിലുള്ള യൂസർ ഇൻർഫേസ്​ അവതരിപ്പിച്ചിട്ടുണ്ട്​. ട്വിറ്റർ, യുട്യൂബ്​ തുടങ്ങിയവരെല്ലാം തന്നെ ഡാർക്ക്​ മോഡ്​ അവതരിപ്പിച്ചിരുന്നു. ഫേസ്​ബുക്ക്​ മെസഞ്ചറിൽ സേവനം അവതരിപ്പിക്കുമെന്ന് കമ്പനി​ പ്രഖ്യാപിച്ചിരുന്നു.

കറുത്ത നിറമുള്ള ബാക്ക്​ഗ്രൗണ്ടിൽ അക്ഷരങ്ങൾ കൂടുതൽ ​വലിപ്പത്തിൽ എഴുതി കാണിക്കുന്നതാണ്​ ഡാർക്ക്​ മോഡ്​. ​​വെളിച്ച കുറവുള്ള സ്ഥലങ്ങളിൽ ആപ്​ ഉപയോഗിക്കുന്നതിന്​ കൂടുതൽ സൗകര്യപ്രദമാണ്​ ഡാർക്ക്​ മോഡ്​. അതേ സമയം, ഡാർക്ക്​ മോഡ്​ വരുന്നതിനെ കുറിച്ച്​ വാട്​സ്​ ആപ്​ ഒൗദ്യോഗിക സ്ഥിരീകരണമൊന്നും നൽകിയിട്ടില്ല.