ഫോർവേഡ്​ മെസേജുകൾക്ക്​ വാട്​സ്​ ആപ്​ പരിധി നിർണയിക്കുന്നു

വ്യാജ വാർത്തകൾ തടയുന്നതിനായി കൂടുതൽ കർശന നടപടികളുമായി വാട്​സ്​ ആപ്​. ഒരു മെസേജ്​ തന്നെ ഫോർവേഡ്​ ചെയ്യുന്നതിന്​ പരിധി നിശ്​ചയിക്കാനാണ്​ വാട്​സ്​ ആപി​​െൻറ പദ്ധതി. വാട്​സ്​ ആപിൽ ഇനി വരുന്ന മെസേജുകൾ ഒരു ഉപയോക്​താവിന്​ അഞ്ച്​ പേർക്ക്​ മാത്രമേ ഫോർവേഡ്​ ​െചയ്യാനാകു. ഇൗ സംവിധാനം ആപിനൊപ്പം കൂട്ടിചേർക്കാനുള്ള നീക്കങ്ങളാണ്​ ഇപ്പോൾ നടക്കുന്നത്​.  ടെക്​സ്​റ്റ്​, ചിത്രങ്ങൾ, വീഡിയോ തുടങ്ങിയവക്കെല്ലാം നിയന്ത്രണം  ബാധകമാണ്​.

വ്യാജവാർത്തകൾ തടയണമെന്ന്​ ആവശ്യപ്പെട്ട്​ ഇന്ത്യൻ സർക്കാർ രണ്ടാമത്തെ നോട്ടീസ്​ അയച്ചതിന്​ പിന്നാലെയാണ്​ ഇക്കാര്യത്തിൽ നടപടികൾ കർശനമാക്കാൻ വാട്​സ്​ ആപ്​ നിർബന്ധിതമായത്​. വാട്​സ്​ ആപിലുടെ പ്രചരിക്കുന്ന വ്യാജവാർത്തകൾ രാജ്യത്തെ ആൾക്കൂട്ട കൊലകൾക്ക്​ കാരണമായതിനെ തുടർന്നാണ്​ കർശന നടപടികൾ സ്വീകരിക്കാൻ സർക്കാർ​ നിർദേശിച്ചത്​​. ആൾക്കൂട്ട കൊലപാതകത്തിനെതിരെ സുപ്രീംകോാടതിയും രംഗത്ത്​ വന്നിരുന്നു.

നേരത്തെ വ്യാജ വാർത്തകളെ തടയുന്നതിനായി വാട്​സ്​ ആപ്​ ഫോർവേഡ്​ മെസേജുകൾക്ക്​ മുകളിൽ ​​പ്രത്യേക ലേബൽ നൽകിയിരുന്നു. ഇതിന്​ പിന്നാലെയാണ്​ വ്യാജ വാർത്തകൾ തടയുന്നതിനായി വാട്​സ്​ ആപി​​െൻറ പുതിയ നീക്കം.