ഒടുവിൽ വാട്​സ്​ ആപിലും ഡാർക്ക്​ മോഡെത്തി

ഏകദേശം ഒരു വർഷം നീണ്ട ബീറ്റ പരീക്ഷണങ്ങൾക്കൊടുവിൽ വാട്​സ്​ ആപിൽ ഡാർക്ക്​ മോഡെത്തി. ഐ.ഒ.എസ്​, ആൻഡ്രോയിഡ്​ ഓപ ്പറേറ്റിങ്​ സിസ്​റ്റങ്ങളിൽ പുതിയ സംവിധാനം ലഭ്യമാവുമെന്ന്​ വാട്​സ്​ ആപ്​ അറിയിച്ചു. ​ഡാർക്ക്​ ഗ്രേ പശ്​ചാത്തലവുമായാണ്​ വാട്​സ്​ ആപിൻെറ ഡാർക്ക്​ മോഡ്​ എത്തുന്നത്​.

ഐ.ഒ.എസ്​ 13, ആൻഡ്രോയിഡ്​ 10 ഓപ്പറേറ്റിങ്​ സിസ്​റ്റങ്ങളുള്ള ഫോണുകളിൽ ​സെറ്റിങ്​സിൽ മാറ്റം വരുത്തിയാൽ തന്നെ ഡാർക്ക്​ മോഡ്​ ലഭിക്കും. അല്ലാത്ത ഫോണുകളിൽ വാട്​സ്​ ആപിൽ പോയി മാറ്റം വരുത്തണം. ഡാർക്ക്​ മോഡ്​ വാട്​സ്​ ആപ്​ ഉപയോഗം കണ്ണുകൾക്ക്​ കൂടുതൽ സുഖപ്രദമാക്കും.

കഴിഞ്ഞ മാർച്ച്​ മുതൽ തന്നെ ഡാർക്ക്​ മോഡിനായുള്ള പരീക്ഷണങ്ങൾ വാട്​സ്​ ആപ്​ തുടങ്ങിയിരുന്നു. ഐ.ഒ.എസ്​ 13ൻെറ അവതരണത്തിന്​ മുമ്പ്​ തന്നെ ചില ഐഫോൺ മോഡലുകളിലും ഐപാഡുകളിലും ഡാർക്ക്​ മോഡിലുള്ള വാട്​സ്​ ആപ്​ ലഭ്യമായിരുന്നു​.