സ്വർണക്കടത്ത്​: ബിനീഷ്​ കോടിയേരി ഇ.ഡി ഓഫീസിൽ ഹാജരായി

കൊച്ചി: സ്വർണക്കടത്ത്​ കേസിലെ ഹവാല, ബിനാമി ഇടപാടുകളുമായി ബന്ധപ്പെട്ടുള്ള ചോദ്യം ചെയ്യലിനായി ബിനീഷ്​ കോടിയേരി കൊച്ചി എൻഫോഴ്​സ്​മെൻറ്​ ഡയറക്​ടറേറ്റ്​ ഓഫിസിലെത്തി. ചോദ്യം ചെയ്യൽ ഉടൻ ആരംഭിക്കുമെന്നാണ്​ വിവരം.

ചോദ്യം ചെയ്യലിന്​ ഹാജരാകാൻ ഇ.ഡിയോട്​ ബിനീഷ്​ കോടിയേരി സാവകാശം ചോദിച്ചിരുന്നു. എന്നാൽ ഇ.ഡി ഇത്​ അംഗീകരിച്ചില്ല. ബിനീഷുമായി ബന്ധപ്പെട്ട സ്ഥാപനങ്ങൾ കേ​ന്ദ്രീകരിച്ചാണ്​ ​അന്വേഷണം പുരോഗമിക്കുന്നത്​.

തിരുവനന്തപുരം കോൺസുലേറ്റിലെ സർണക്കടത്ത്​ കേസിലെ പ്രതികൾക്ക്​ ബംഗളൂരുവിലെ മയക്കുമരുന്ന്​ കേസിലെ ​പ്രതികളുമായി ബന്ധമുണ്ടെന്ന്​ നേരത്ത അന്വേഷണ ഏജൻസികൾ സൂചിപ്പിച്ചിരുന്നു. ഇതുമായി ബന്ധപ്പെട്ട്​ വിശദാംശങ്ങൾ അറിയാനാണ്​ ബിനീഷിനെ ​േ​ചാദ്യം ചെയ്യുന്നത്​.

ബംഗളൂരു മയക്കുമരുന്ന്​ കേസിൽ അറസ്​റ്റിലായ മുഹമ്മദ്​ അനൂപുമായി ബിനീഷിന്​ സാമ്പത്തിക ഇടപാടുക​ളുണ്ടെന്നും ഇത്​ അന്വേഷിക്കണമെന്നും ആവശ്യപ്പെട്ട്​ യൂത്ത്​ലീഗ്​​ സംസ്ഥാന ജനറൽ സെക്രട്ടറി പി.കെ ഫിറോസ്​ രംഗത്തെത്തിയിരുന്നു. എന്നാൽ ആരോപണങ്ങളിൽ കാര്യമില്ലെന്നായിരുന്നു ബിനീഷി​െൻറ മറുപടി.