സ്വപ്​നയെ നേരത്തെ അറിയാം; സ്വർണക്കടത്തു ടീമുമായി ഒരിക്കലും ബന്ധപെട്ടിട്ടില്ല- സ്​പീക്കർ

തിരുവനന്തപുരം: തനിക്കെതിരെ പ്രതിപക്ഷം ഉയർത്തുന്ന വിമർ​ശനങ്ങൾ അടിസ്​ഥാന രഹിതമാണെന്ന്​ സ്​പീക്കർ പി. ശ്രീരാമകൃഷ്​ണൻ. സ്വർണക്കടത്തു ടീമുമായിയാതൊരു ബന്ധവുമില്ലെന്നും അന്വേഷണവുമായി​ സഹകരിക്കുമെന്നും സ്​പീക്കർ പറഞ്ഞു.

സ്വപ്​ന ഒരു സഹായവും ചോദിച്ചിട്ടില്ല. എന്നാൽ, സ്വപ്​നയെ പരിചയമില്ല എന്ന്​ ഞാൻ പറഞ്ഞിട്ടില്ല. യു.എ.ഇ കോൺസുലേറ്റിലെ ഉത്തരവാദപ്പെട്ടവർ എന്ന നിലക്ക്​ അവരുമായി ബന്ധമുണ്ട്​. എന്നാൽ, ഇങ്ങനെയൊരു പശ്ചാത്തലം അവർക്ക്​ ഉണ്ടായിരുന്നുവെന്ന്​ പ്രതീക്ഷിച്ചില്ല. സ്വർണക്കടത്ത്​ കേസിൽ അവർക്ക്​ ബന്ധമുണ്ട്​ എന്നറിഞ്ഞപ്പോൾ ഞെട്ടി. അതിനുശേഷം യാതൊരു രീതിയിലും ബന്ധപ്പെട്ടിട്ടില്ല. പ്രതിപക്ഷ നേതാവ്​ ചെന്നിത്തല അടിസ്​ഥാനമില്ലാത്ത ആരോപണങ്ങൾ ഉന്നയിക്കു​േമ്പാൾ ജനങ്ങളെ സത്യം അറിയിക്കേണ്ടതുണ്ട്​ എന്നതിനാലാണ്​ ഇപ്പോൾ മാധ്യമങ്ങളെ കാണുന്നതെന്നും സ്​പീക്കർ പറഞ്ഞു. ത​െൻറ പേര്​ അനാവശ്യമായി ഉയർത്തിയ കെ. സു​േ​രന്ദ്രനെതിരെ നടപടി സ്വീകരിക്കും. ഇപ്പോഴുള്ള അന്വേഷണങ്ങൾ പൂർത്തിയാവ​െട്ട. താൻ ഒരു തെറ്റും ചെയ്​തിട്ടില്ല. പിന്നെ എന്തിന്​ പേടിക്കണമെന്നും ശ്രീരാമകൃഷ്​ണൻ ചോദിച്ചു.

വിമർശനത്തിന്​ അതീതമായ വിശുദ്ധ പശുവാണ്​ സ്​പീക്കറെന്ന്​ എനിക്ക്​ അഭിപ്രായമില്ല. വിമർശിക്കാവുന്നതാണ്​. എന്നാൽ, വസ്​തുതക്ക്​ നിരക്കാ​ത്ത ഉഹാപോഹങ്ങൾ​ അടിസ്​ഥാനമാക്കി ഭരണഘടന സംവിധാനങ്ങളെ എതിർക്കുന്നത്​ ശരിയല്ല.

കേരളത്തിന്​ കഴിഞ്ഞ അഞ്ചു വർഷത്തിൽ രാജ്യത്തെ ഏറ്റവും മികച്ച നിയമ സഭ എന്ന അംഗീകാരം ലഭിച്ചതാണ്​. കേരള നിയമസഭ നടപ്പിലാക്കിയ ചില കാര്യങ്ങൾ ദേശീയ തലത്തിൽ അംഗീകരിക്കപ്പെട്ടു. അമെൻറ്​മെൻറുകൾ സമർപ്പിക്കാൻ പ്രത്യേക പോർട്ടലുകൾ നൽകിയത്​ ജനങ്ങളുടെ പങ്കാളിത്തം ഉറപ്പുവരുത്തുന്ന സുപ്രധാന പരിപാടി അതിലൊന്നായിരുന്നു.

കടലാസ്​ രഹിത പദ്ധതി തീരുമാനം സ്​പീക്കർ ഒറ്റക്ക്​ എടുത്തതല്ല. ഇതിലൂടെ വർഷം 40 കോടിയോളം ലാഭമുണ്ട്​. ഉരാളുങ്കലിന്​ മുൻകൂറായി 30ശതമാനം നൽകിയത്​ ചട്ടപ്രകാരം മാത്രമാണ്​. ഒരു കാര്യത്തിലും ഒളിയും മറയും ഇല്ല. ഉൗരാളുങ്കൽ സത്യസന്ധമായ സ്​ഥാപനമാണ്​. പദ്ധതിക്ക്​ അനുവദിച്ച തുകയിൽ ബാക്കി വന്നപ്പോൾ തിരിച്ചടച്ച ഇന്ത്യയിലെ തന്നെ ഏക സ്​ഥാപനമാണിത്​. സഭ ടി.വി ഒരു ധൂർത്തല്ല. സഭയിൽ നടക്കുന്ന കാര്യങ്ങൾ ജനങ്ങളിലേക്കെത്തിക്കാനുള്ളത്​. ശങ്കരനാരായണൻ തമ്പിഹാൾ പുതുക്കിപ്പണിതത്​ ലോകകേരള സഭയുടെ അന്തസ്​ ഉയർത്തിയെന്നും അദ്ദേഹം പറഞ്ഞു.