ഗസ്സ വിഷയത്തിലെ ലോകത്തി​ന്റെ ഇരട്ടത്താപ്പിൽ ഖേദിക്കുന്നു -യു.എൻ സൗദി പ്രതിനിധി

ജിദ്ദ: ഗസ്സയുമായി ബന്ധപ്പെട്ട ലോകത്തി​െൻറ ഇരട്ടത്താപ്പിൽ സൗദി അറേബ്യ ഖേദിക്കുന്നുവെന്ന്​ യു.എൻ സഭയിലെ സൗദി പ്രതിനിധി അബ്​ദുൽ അസീസ്​ അൽവാസൽ പറഞ്ഞു. ഐക്യരാഷ്​ട്രസഭയിൽ വെള്ളിയാഴ്ച നടത്തിയ പ്രസംഗത്തിലാണ് അദ്ദേഹം ഇക്കാര്യം വ്യക്തമാക്കിയത്. സംഘർഷത്തി​െൻറ വ്യാപനത്തെക്കുറിച്ച് മുന്നറിയിപ്പ് നൽകുന്നു. ഇത് മേഖലയിലെ സുരക്ഷക്ക്​ ഭീഷണിയാണെന്ന് അദ്ദേഹം ചൂണ്ടിക്കാട്ടി. ഗസ്സയെ സംബന്ധിച്ച ഇരട്ടത്താപ്പിൽ സൗദി ഖേദിക്കുന്നു. ഫലസ്തീനികൾക്കെതിരായ ഉത്തരവാദിത്തങ്ങൾ നിറവേറ്റാൻ ഐക്യരാഷ്​ട്രസഭയോട് ആവശ്യപ്പെടുന്നു. സാധാരണക്കാരെ ലക്ഷ്യമിട്ടുള്ള ആക്രമണത്തെയും അദ്ദേഹം ശക്തമായി അപലപിച്ചു. ഗസ്സയിൽനിന്ന് ആളുകളെ കുടിയിറക്കാനുള്ള ആഹ്വാനത്തെ സൗദി അറേബ്യ തള്ളുന്നു. അന്താരാഷ്​ട്ര നിയമസാധുത പ്രമേയങ്ങൾക്കുള്ളിൽ സമാധാന പ്രക്രിയ മുന്നോട്ട് കൊണ്ടുപോകേണ്ടതി​െൻറ പ്രാധാന്യം അദ്ദേഹം ഊന്നിപ്പറഞ്ഞു.