എവറസ്റ്റ് കീഴടക്കുന്ന ഏറ്റവും പ്രായം കുറഞ്ഞ ഇന്ത്യക്കാരിയായി കാമ്യ
text_fieldsകാമ്യ പിതാവ് കാർത്തികേയനൊപ്പം എവറസ്റ്റിൽ
ജാംഷഡ്പുർ: നേപ്പാളിൽനിന്ന് എവറസ്റ്റ് കീഴടക്കുന്ന ഏറ്റവും പ്രായം കുറഞ്ഞ ഇന്ത്യക്കാരിയായി 16 വയസ്സുള്ള കാമ്യ കാർത്തികേയൻ. മുംബൈയിലെ നാവികസേന ചിൽഡ്രൻ സ്കൂളിലെ പന്ത്രണ്ടാം ക്ലാസ് വിദ്യാർഥിനിയാണ് കാമ്യ. പിതാവും നാവികസേന കമാൻഡറുമായ എസ്. കാർത്തികേയനൊപ്പമാണ് കാമ്യ ഭൂമിയിലെ ഏറ്റവും ഉയരമുള്ള കൊടുമുടി കയറിയത്.
ഈ നേട്ടത്തിന് ശേഷം, നേപ്പാളിൽനിന്ന് എവറസ്റ്റ് കീഴടക്കുന്ന ലോകത്തിലെ ഏറ്റവും പ്രായം കുറഞ്ഞ രണ്ടാമത്തെ പെൺകുട്ടിയായും കാമ്യ മാറി. മേയ് 20ന് 8848 മീറ്റർ ഉയരത്തിലാണ് കാമ്യയും പിതാവും എത്തിയത്.
ഈ ഡിസംബറിൽ അൻറാർട്ടിക്കയിലെ മൗണ്ട് വിൻസൺ മാസിഫ് കൊടുമുടി കയറുന്നതോടെ ഏഴ് ഭൂഖണ്ഡങ്ങളിലെയും ഏറ്റവും ഉയരം കൂടിയ കൊടുമുടി കീഴടക്കുന്ന ഏറ്റവും പ്രായം കുറഞ്ഞ പെൺകുട്ടിയായി കാമ്യ ചരിത്രം കുറിക്കും.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.