തേക്കടിയിൽ ബോട്ടുകൾ കരയിൽ; മാസം ഒരു കോടിയിലധികം വരുമാന നഷ്ടം

കു​മ​ളി: സം​സ്ഥാ​ന​ത്ത് വി​നോ​ദ സ​ഞ്ചാ​ര മേ​ഖ​ല​യു​ടെ വി​ക​സ​ന​ത്തി​നും വ​ള​ർ​ച്ച​ക്കും സ​ർ​ക്കാ​ർ വി​വി​ധ പ​ദ്ധ​തി​ക​ൾ ആ​വി​ഷ്ക​രി​ക്കു​മ്പോ​ൾ തേ​ക്ക​ടി​യി​ൽ ​കെ.​ടി.​ഡി.​സി​യു​ടെ അ​നാ​സ്ഥ​മൂ​ലം സ​ഞ്ചാ​രി​ക​ൾ ദു​രി​ത​ത്തി​ൽ. വി​ദേ​ശ, ആഭ്യന്തര വി​നോ​ദ സ​ഞ്ചാ​രി​ക​ൾ ധാ​രാ​ള​മാ​യി എ​ത്തു​ന്ന സ​ന്ദ​ർ​ഭ​ത്തി​ൽ പോ​ലും ബോ​ട്ടു​ക​ൾ അ​റ്റ​കു​റ്റ​പ്പ​ണി​ക​ൾ തീ​ർ​ത്ത് ത​ടാ​ക​ത്തി​ലി​റ​ക്കാ​ൻ ക​ഴി​യാ​ത്ത​ത് ഉ​ദ്യോ​ഗ​സ്ഥ ത​ല​ത്തി​ലെ കെ​ടു​കാ​ര്യ​സ്ഥ​ത​യു​ടെ തെ​ളി​വാ​യി. വ​ലി​യ സാ​മ്പ​ത്തി​ക ന​ഷ്​​ട​മാ​ണ്​ ഇ​തു​വ​ഴി​യു​ണ്ടാ​കു​ന്ന​ത്.

തേ​ക്ക​ടി ത​ടാ​ക​ത്തി​ൽ വി​നോ​ദ സ​ഞ്ചാ​രി​ക​ൾ​ക്കാ​യി കെ.​ടി.​ഡി.​സി​യു​ടെ മൂ​ന്ന്​ ഇ​രു​നി​ല ബോ​ട്ടു​ക​ളാ​ണ് ഉ​ള്ള​ത്. ഇ​തി​ൽ ര​ണ്ടെ​ണ്ണ​വും വി​ശ്ര​മ​ത്തി​ലാ​ണ്. മൂ​ന്ന്​ വ​ർ​ഷം മു​മ്പ് അ​റ്റ​കു​റ്റ​പ്പ​ണി​ക​ൾ​ക്കാ​യി ഓ​ട്ടം നി​ർ​ത്തി​വെ​ച്ച ജ​ല​രാ​ജ​യെ​ന്ന ബോ​ട്ട് ഇ​പ്പോ​ഴും ക​ര​യി​ലാ​ണ്. ഇ​തി​ന്​ പി​ന്നാ​ലെ ദി​വ​സ​ങ്ങ​ൾ​ക്ക് മു​മ്പ് മ​റ്റൊ​രു ഇ​രു​നി​ല ബോ​ട്ടാ​യ ജ​ല​യാ​ത്ര​യും ഓ​ട്ടം നി​ർ​ത്തി.

ബോ​ട്ടു​ക​ളു​ടെ അ​റ്റ​കു​റ്റ​പ്പ​ണി കൃ​ത്യ​സ​മ​യ​ത്ത് ന​ട​ത്തു​ന്ന​തി​ൽ തേ​ക്ക​ടി​യി​ലെ ഉ​ദ്യോ​ഗ​സ്ഥ​ർ തു​ട​രു​ന്ന അ​നാ​സ്ഥ​യും മു​ൻ​കൂ​ട്ടി വി​വ​ര​ങ്ങ​ൾ ഹെ​ഡ് ഓ​ഫി​സി​ൽ അ​റി​യി​ക്കാ​ത്ത​തു​മാ​ണ് പ്ര​ശ്നം രൂ​ക്ഷ​മാ​ക്കി​യ​ത്. 120 പേ​ർ​ക്ക് യാ​ത്ര ചെ​യ്യാ​വു​ന്ന ര​ണ്ട്​ ബോ​ട്ടു​ക​ൾ ഓ​ടാ​താ​യ​തു മൂ​ലം ഓ​രോ ദി​വ​സ​വും 1200 പേ​ർ​ക്കാ​ണ് ബോ​ട്ട് സ​വാ​രി​ക്ക് പോ​കാ​നാ​വാ​തെ തേ​ക്ക​ടി​യി​ൽ​നി​ന്ന്​ നി​രാ​ശ​രാ​യി മ​ട​ങ്ങേ​ണ്ടി വ​രു​ന്ന​ത്. ഇ​തു​വ​ഴി കെ.​ടി.​ഡി.​സി​ക്ക് ഓ​രോ ദി​വ​സ​വും 3.5 ല​ക്ഷം രൂ​പ​യു​ടെ വ​രു​മാ​ന ന​ഷ്ട​മാ​ണ് ഉ​ണ്ടാ​കു​ന്ന​ത്.

തേ​ക്ക​ടി​യി​ലെ​ത്തു​ന്ന വി​നോ​ദ സ​ഞ്ചാ​രി​ക​ൾ പ്ര​വേ​ശ​ന ടി​ക്ക​റ്റ്, ബ​സ്​ ടി​ക്ക​റ്റ് എ​ന്നി​വ വാ​ങ്ങി ബോ​ട്ട്ലാ​ൻ​ഡി​ങ്ങി​ലെ​ത്തു​മ്പോ​ഴാ​ണ് ബോ​ട്ട് ടി​ക്ക​റ്റ് ഇ​െ​ല്ല​ന്ന വി​വ​രം അ​റി​യു​ന്ന​ത്.പ​ല സ്ഥ​ല​ത്തു​നി​ന്നും എ​ത്തി ഹോ​ട്ട​ലു​ക​ളി​ൽ താ​മ​സി​ച്ച് ബോ​ട്ട് സ​വാ​രി​ക്ക് കു​ടും​ബ​സ​മേ​തം എ​ത്തു​ന്ന സ​ഞ്ചാ​രി​ക​ൾ അ​വ​സാ​ന നി​മി​ഷം ടി​ക്ക​റ്റി​െ​ല്ല​ന്ന​റി​ഞ്ഞ് നി​രാ​ശ​രാ​യി മ​ട​ങ്ങു​ന്ന​ത് പ​തി​വ് കാ​ഴ്ച​യാ​ണ്.

ബോ​ട്ട് സ​വാ​രി വ​ഴി കോ​ടി​ക​ളു​ടെ വ​രു​മാ​ന​മാ​ണ് കെ.​ടി.​ഡി.​സി​ക്കു​ള്ള​ത്. സം​സ്ഥാ​ന​ത്ത് ഏ​റ്റ​വു​മ​ധി​കം വ​രു​മാ​നം കെ.​ടി.​ഡി.​സി.​ക്ക് ല​ഭി​ക്കു​ന്ന​തും തേ​ക്ക​ടി​യി​ലെ ബോ​ട്ട് സ​വാ​രി​യി​ൽ നി​ന്നാ​ണ്. എ​ങ്കി​ലും സ​മ​യ​ബ​ന്ധി​ത​മാ​യി പ്ര​ശ്ന​ങ്ങ​ൾ പ​രി​ഹ​രി​ക്കാ​ൻ ഉ​ദ്യോ​ഗ​സ്ഥ​ർ താ​ൽ​പ​ര്യം കാ​ണി​ക്കാ​റി​ല്ല​ന്ന് ടൂ​റി​സം രം​ഗ​ത്തു​ള്ള​വ​ർ പ​റ​യു​ന്നു.

വനം വകുപ്പ് ബോട്ടുകളും വിശ്രമത്തിൽ

കു​മ​ളി: തേ​ക്ക​ടി ത​ടാ​ക​ത്തി​ൽ വി​നോ​ദ സ​ഞ്ചാ​രി​ക​ൾ​ക്കാ​യി ഓ​ടി​യി​രു​ന്ന വ​നം വ​കു​പ്പി​ന്‍റെ ര​ണ്ട് ഫൈ​ബ​ർ ബോ​ട്ടു​ക​ളും വി​ശ്ര​മ​ത്തി​ൽ. 18 പേ​ർ​ക്ക് യാ​ത്ര ചെ​യ്യാ​നാ​വു​ന്ന ര​ണ്ട്​ ബോ​ട്ടു​ക​ളാ​ണ് അ​റ്റ​കു​റ്റ​പ്പ​ണി​ക്കാ​യി ര​ണ്ടു വ​ർ​ഷ​മാ​യി മാ​റ്റി​യി​ട്ടി​രി​ക്കു​ന്ന​ത്.

വി​നോ​ദ സ​ഞ്ചാ​രി​ക​ൾ​ക്കാ​യി ഓ​ടി​യി​രു​ന്ന ബോ​ട്ടി​ൽ കാ​ട്ടി​നു​ള്ളി​ലെ വി​വി​ധ നി​ർ​മാ​ണ ജോ​ലി​ക​ൾ​ക്കാ​യി സാ​ധ​ന സാ​മ​ഗ്രി​ക​ൾ ക​യ​റ്റി​യാ​ണ് ത​ക​രാ​റി​ലാ​ക്കി​യ​ത്. സി​മ​ന്‍റ്, ക​മ്പി, ഇ​ഷ്ടി​ക ഉ​ൾ​െ​പ്പ​ടെ ഭാ​ര​മേ​റി​യ സാ​ധ​ന​ങ്ങ​ൾ ക​യ​റ്റി​യ​തു​മൂ​ലം ബോ​ട്ടി​നു​ണ്ടാ​യ ത​ക​രാ​ർ പ​രി​ഹ​രി​ക്കാ​തെ ഓ​ട്ടം നി​ർ​ത്തു​ക​യാ​യി​രു​ന്നു.

വ​നം​വ​കു​പ്പി​ൽ വി​വി​ധ നി​ർ​മാ​ണ ജോ​ലി​ക​ൾ​ക്കും മോ​ടി​പി​ടി​പ്പി​ക്ക​ലി​നു​മാ​യി കോ​ടി​ക​ളാ​ണ് ഓ​രോ വ​ർ​ഷ​വും ചെ​ല​വ​ഴി​ക്കു​ന്ന​ത്. വി​വി​ധ ഇ​ക്കോ ടൂ​റി​സം പ​രി​പാ​ടി​ക​ൾ വ​ഴി വ​നം​വ​കു​പ്പി​ന് വ​ലി​യ വ​രു​മാ​ന​വും ല​ഭി​ക്കു​ന്നു​ണ്ട്. എ​ന്നാ​ൽ, ബോ​ട്ടു​ക​ളു​ടെ ത​ക​രാ​ർ പ​രി​ഹ​രി​ക്കാ​ൻ മാ​ത്രം അ​ധി​കൃ​ത​ർ ന​ട​പ​ടി സ്വീ​ക​രി​ച്ചി​ട്ടി​ല്ല. നി​ല​വി​ൽ വ​നം വ​കു​പ്പി​ന്‍റെ ര​ണ്ട്​ ഇ​രു​നി​ല ബോ​ട്ടു​ക​ൾ തേ​ക്ക​ടി​യി​ൽ സ​ർ​വി​സ് ന​ട​ത്തു​ന്നു​ണ്ട്. ഇ​തി​ൽ ഒ​രു ദി​വ​സ​ത്തെ 5 ട്രി​പ്പി​ലും കൂ​ടി ആ​കെ 600 പേ​ർ​ക്കാ​ണ് സ​വാ​രി ന​ട​ത്താ​നാ​വു​ക.