വേ​ന​ൽ​ക്കാ​ല ഉ​ല്ലാ​സ വി​രു​ന്നൊ​രു​ക്കി ഫ​റ​സാ​ൻ ദ്വീ​പ്

ജി​സാ​ൻ: ചെ​ങ്ക​ട​ലി​ൽ വേ​ന​ൽ​ക്കാ​ലം ആ​ന​ന്ദ​പ്ര​ദ​മാ​ക്കി​യാ​ലോ! ഉ​ല്ലാ​സ വി​രു​ന്നൊ​രു​ക്കി കാ​ത്തു​കി​ട​ക്കു​ക​യാ​ണ്​ നീ​ല​ക്ക​ട​ലി​ൽ ഫ​റ​സാ​ൻ ദ്വീ​പ്. ജീ​സാ​ൻ ചെ​ങ്ക​ട​ൽ തീ​ര​ത്ത് നി​ന്ന് 42 കി​ലോ​മീ​റ്റ​ർ അ​ക​ലെ​യാ​ണ്​ ഈ ​മ​നോ​ഹ​ര ദ്വീ​പ്. സ​ഞ്ചാ​രി​ക​ളു​ടെ മ​നം​ക​വ​രും ഇ​വി​ട​ത്തെ ഹൃ​ദ്യ​മാ​യ കാ​ഴ്​​ച​ക​ൾ. യു​നെ​സ്‌​കോ​യു​ടെ ലോ​ക പൈ​തൃ​ക​സ്ഥാ​ന​ങ്ങ​ൾ അ​ട​യാ​ള​പ്പെ​ടു​ത്തു​ന്ന സം​വേ​ദ​നാ​ത്മ​ക മാ​പ്പി​ൽ ഈ ​ദ്വീ​പു​ക​ൾ ഉ​ൾ​പ്പെ​ട്ടി​ട്ടു​ണ്ട്. വ​ശ്യ​മാ​യ പ്ര​കൃ​തി​ഭം​ഗി​യും മ​നോ​ഹ​ര​മാ​യ ക​ട​ൽ​ത്തീ​ര​ങ്ങ​ളും കൊ​ണ്ട്​ അ​നു​ഗൃഹീ​ത​മാ​യ ഫ​റ​സാ​ൻ ദ്വീ​പ് വേ​ന​ൽ​ക്കാ​ല​ത്ത് സ​ന്ദ​ർ​ശ​ക​ർ​ക്ക് ആ​ന​ന്ദ​വി​രു​ന്നൊ​രു​ക്കു​ന്നു.

വൈ​വി​ധ്യ​മാ​ർ​ന്ന വി​നോ​ദ​സ​ഞ്ചാ​ര​കേ​ന്ദ്ര​ങ്ങ​ൾ, പ്ര​കൃ​തി​ദൃ​ശ്യ​ങ്ങ​ൾ, പൈ​തൃ​ക​സ്മാ​ര​ക​ങ്ങ​ളു​ടെ ശേ​ഷി​പ്പു​ക​ൾ എ​ന്നി​വ​യാ​ൽ ദ്വീ​പ് പ്ര​സി​ദ്ധ​മാ​ണ്. വേ​ന​ൽ​ക്കാ​ല​ത്ത് ഇ​വി​ടെ​യെ​ത്തു​ന്ന സ​ന്ദ​ർ​ശ​ക​ർ ഇ​വി​ട​ത്തെ ‘അ​ൽ ഖി​സ്ർ’ എ​ന്ന പൗ​രാ​ണി​ക ഗ്രാ​മ​ത്തി​ൽ ഏ​റെ​സ​മ​യം ചെ​ല​വ​ഴി​ക്കു​ന്നു. പു​രാ​ത​ന നാ​ഗ​രി​ക​ത​ക​ളാ​ൽ സ​മ്പ​ന്ന​മാ​യ ഈ ​ഗ്രാ​മ​ത്തി​ൽ ച​രി​ത്രാ​വ​ശി​ഷ്​​ട​ങ്ങ​ളും പൗ​രാ​ണി​ക​വീ​ടു​ക​ളു​ടെ ശേ​ഷി​പ്പു​ക​ളും കാ​ണാം. പു​രാ​ത​ന വാ​ണി​ജ്യ​കേ​ന്ദ്ര​ങ്ങ​ളും പ​ള്ളി​യും ശു​ദ്ധ​വെ​ള്ള​ത്തി​നാ​യി പ​ണി​ത കി​ണ​റു​ക​ളും ഇ​പ്പോ​ഴും ഇ​വി​ടു​ണ്ട്.

‘ബൈ​ത്ത് രി​ഫാ​ഈ’ എ​ന്ന പേ​രി​ല​റി​യ​പ്പെ​ടു​ന്ന മ​നോ​ഹ​ര സൗ​ധ​ത്തി​ലെ ആ​ക​ർ​ഷ​ണീ​യ​മാ​യ കൊ​ത്തു​പ​ണി​ക​ൾ കാ​ലാ​വ​സ്ഥ​യെ അ​തി​ജ​യി​ച്ച് ഇ​വി​ടെ നി​ല​നി​ൽ​ക്കു​ന്നു. പ​വി​ഴം, മു​ത്ത് തു​ട​ങ്ങി​യ​വ​യു​ടെ വ്യാ​പാ​രി​യാ​യി​രു​ന്ന അ​ഹ​മ്മ​ദ് മു​ന​വ്വ​ർ രി​ഫാ​ഇ 1923ൽ ​പ​ണി ക​ഴി​പ്പി​ച്ച ഈ ​ഭ​വ​ന​ത്തി​​ന്റെ വാ​സ്തു​വി​ദ്യ​യും കൊ​ത്തു​പ​ണി​ക​ളും ഏ​റെ ആ​ക​ർ​ഷ​ണീ​യ​മാ​ണ്. ഉ​സ്മാ​നി​യ കാ​ല​ഘ​ട്ട​ത്തി​ൽ ദ്വീ​പി​ലെ ചെ​റി​യൊ​രു കു​ന്നി​ൽ പ​ണി ക​ഴി​പ്പി​ച്ച ഉ​സ്മാ​നി​യ കോ​ട്ട, 1928ൽ ​മു​ത്ത് വ്യാ​പാ​രി​യാ​യി​രു​ന്ന ഇ​ബ്രാ​ഹീം ത​മീ​മി നി​ർ​മി​ച്ച മ​സ്ജി​ദ് ന​ജ്​​ദി, 1918ൽ ​പ​ണി പൂ​ർ​ത്തി​യാ​ക്കി​യ ജ​ർ​മ​ൻ സൗ​ധം തു​ട​ങ്ങി​യ​വ പൗ​രാ​ണി​ക സ്മാ​ര​ക​ങ്ങ​ളാ​യി ഇ​വി​ടെ സം​ര​ക്ഷി​ച്ചു വ​രു​ന്നു.

പ​വി​ഴ​പ്പു​റ്റു​ക​ൾ കൊ​ണ്ട് നി​ർ​മി​ത​മാ​യ 84ല​ധി​കം ദ്വീ​പു​ക​ളു​ടെ കൂ​ട്ട​ത്തി​ൽ ഏ​റ്റ​വും വ​ലി​യ ദ്വീ​പാ​ണ് ഫ​റ​സാ​ൻ. ഏ​താ​ണ്ട് 70 കി​ലോ​മീ​റ്റ​ർ നീ​ള​വും 30 കി​ലോ​മീ​റ്റ​ർ വീ​തി​യു​മാ​ണ്​ ഈ ​ദ്വീ​പി​​ന്റെ വി​സ്​​തൃ​തി. 5,408 ച​തു​ര​ശ്ര കി​ലോ​മീ​റ്റ​റാ​ണ് ഏ​ക​ദേ​ശ വി​സ്തീ​ർ​ണം. 20,000ത്തോ​ളം ആ​ളു​ക​ൾ ദ്വീ​പി​ൽ വ​സി​ക്കു​ന്നു​ണ്ട്. ഹോ​ട്ട​ലു​ക​ളും മ​റ്റെ​ല്ലാ പ്രാ​ഥ​മി​ക സൗ​ക​ര്യ​ങ്ങ​ളും സ​ർ​ക്കാ​ർ കാ​ര്യാ​ല​യ​ങ്ങ​ളും ഇ​വി​ടു​ണ്ട്. മ​ത്സ്യ​ബ​ന്ധ​ന​വും കൃ​ഷി​യു​മാ​ണ് ദ്വീ​പ് വാ​സി​ക​ളു​ടെ പ്ര​ധാ​ന വ​രു​മാ​ന​മാ​ർ​ഗം.

കൗ​തു​ക​ക​ര​മാ​യ കാ​ഴ്ച​ക​ളു​ടെ​യും അ​തീ​വ പു​രാ​വ​സ്തു പ്രാ​ധാ​ന്യ​മു​ള്ള ശേ​ഷി​പ്പു​ക​ളു​ടെ​യും വേ​റി​ട്ട ദൃ​ശ്യ​ങ്ങ​ൾ ദ്വീ​പ് സ​ന്ദ​ർ​ശ​ക​ർ​ക്ക്‌ ഏ​റെ ഹൃ​ദ്യ​ത പ​ക​രു​ന്നു. അ​ഭി​വൃ​ദ്ധി​യു​ടെ ചാ​രു​ത​യു​ള്ള ദ്വീ​പ് നി​ര​വ​ധി ച​രി​ത്ര നി​ർ​മി​തി​ക​ളു​ടെ​യും പ​ഴ​മ​യു​ടെ​യും ത​ന​ത് രൂ​പ​ങ്ങ​ൾ നി​ല​നി​ർ​ത്തു​ന്ന കേ​ന്ദ്രം കൂ​ടി​യാ​ണ്. ദ്വീ​പി​ലേ​ക്കു​ള്ള ക​പ്പ​ൽ​യാ​ത്ര തി​ക​ച്ചും സൗ​ജ​ന്യ​മാ​ണ്. ര​ണ്ട് ക​പ്പ​ലു​ക​ൾ അ​തി​നാ​യി സൗ​ദി അ​ധി​കൃ​ത​ർ സം​വി​ധാ​നി​ച്ചി​ട്ടു​ണ്ട്. എ​ല്ലാ ദി​വ​സ​വും രാ​വി​ലെ 7.30നും ​ഉ​ച്ച​ക്കു​ശേ​ഷം 3.30നും ​ജീ​സാ​ൻ തു​റ​മു​ഖ​ത്ത് നി​ന്ന് ഭീ​മ​ൻ ജ​ല​യാ​നം പു​റ​പ്പെ​ടു​ന്നു. ഏ​ക​ദേ​ശം ഒ​രു മ​ണി​ക്കൂ​ർ കൊ​ണ്ട് ദ്വീ​പി​ലെ​ത്താം.