ച​രി​ത്ര​മു​റ​ങ്ങു​ന്ന മാ​ച്ചു​പ്പി​ച്ചു​വി​ൽ

(‘ഉ​റു​ബാ​മ്പ’​യു​ടെ മ​ടി​ത്ത​ട്ടി​ൽ-​തു​ട​ർ​ച്ച)

ഒ​ല്ല​ന്താ​യ് തം​ബൊ​യി​ൽനി​ന്നും അ​ഗ്വാ​സ് ക​ലി​ന്റ​സി​ലേ​ക്കു​ള്ള യാ​ത്ര അ​തി​മ​നോ​ഹ​ര​മാ​ണ്. ഉ​റു​ബാ​മ്പ ന​ദി​യു​ടെ തീ​ര​ത്തു​കൂ​ടി​യാ​ണ് മാ​ച്ചു​പ്പി​ച്ചു​വി​ലേ​ക്കു​ള്ള റെ​യി​ൽ​പാ​ത. ആ​മ​സോ​ൺ ന​ദി​യു​ടെ ഒ​രു കൈ​വ​ഴി​യാ​ണ്‌ ഉ​റു​ബാ​മ്പ. യാ​ത്ര​യി​ലു​ട​നീ​ളം ഒ​രു വ​ശ​ത്തു ഉ​റു​ബാ​മ്പ ന​ദി പ​ത​ഞ്ഞൊ​ഴു​കു​ന്നു. ന​ദി​ക്ക​പ്പു​റം ത​ട്ടു​ത​ട്ടാ​യി തി​രി​ച്ച​തും എ​ന്നാ​ൽ ചെ​ങ്കു​ത്താ​യ​തു​മാ​യ പ​ർ​വ്വ​ത പ്ര​ദേ​ശ​ങ്ങ​ൾ. പ​ർ​വ്വ​ത​ങ്ങ​ളു​ടെ ഇ​ട​യി​ലൂ​ടെ സ​ഹ​സി​ക സ​ഞ്ച​രി​ക​ൾ​ക്ക്​ ന​ട​ന്നുക​യ​റാ​നു​ള്ള വ​ഴി​ച്ചാ​ലു​ക​ൾ. അ​ഗ്വാ​സ് ക​ലി​ന്റ​സി​ലേ​ക്ക് എ​ത്തി​യ​പ്പോ​ൾ ചെ​റു​താ​യി മ​ഴ തു​ട​ങ്ങി​യ​ത് നി​രാ​ശ​യു​ണ്ടാ​ക്കി. അ​ടി​വാ​ര​ത്തു മ​ഴ​യു​ണ്ടെ​ങ്കി​ൽ ഇ​നി കൊ​ടു​മു​ടി​യു​ടെ മു​ക​ളി​ലേ​ക്ക് ക​യ​റി​യാ​ൽ കോ​ട വ​ന്നു ഒ​ന്നും കാ​ണാ​ൻ പ​റ്റാ​താ​കു​മോ?

അ​ഗ്വാ​സ് ക​ലി​ന്റ​സി​ലി​റ​ങ്ങി പ്ര​ത്യേ​ക ബ​സി​ൽ വേ​ണം മാ​ച്ചു​പ്പി​ച്ചു​വി​ന്റെ മ​ല​മു​ക​ളി​ലേ​ക്ക് പോ​കാ​ൻ. അ​ത​ല്ലെ​ങ്കി​ൽ അ​വി​ടെ​നി​ന്നും ആ​റു കി​ലോ​മീ​റ്റ​റോ​ളം കു​ത്ത​നെ​യു​ള്ള ക​യ​റ്റം ന​ട​ന്നുക​യ​റു​ക​യു​മാ​വാം. സ​ഞ്ചാ​രി​ക​ൾ​ക്കാ​യി ധാ​രാ​ളം ക​ച്ച​വ​ട കേ​ന്ദ്ര​ങ്ങ​ൾ ഈ ​ചെ​റു പ​ട്ട​ണ​ത്തി​ലു​മു​ണ്ട്. ഏ​താ​യാ​ലും അ​വി​ടെ നി​ന്നും 5 ഡോ​ള​ർ കൊ​ടു​ത്തു ഒ​രു മ​ഴ​കോ​ട്ടും വാ​ങ്ങി ബ​സ്സി​ൽ ക​യ​റി. നി​ര​വ​ധി ഹെ​യ​ർ​പി​ൻ വ​ള​വു​ക​ൾ നി​ര​ങ്ങി നീ​ങ്ങി ക​യ​റി, വ​ന​പാ​ത​യി​ലൂ​ടെ സ​ഞ്ച​രി​ച്ചു മാ​ച്ചു​പ്പി​ച്ചു​വി​ന്റെ മ​ല​മു​ക​ളി​ലെ​ത്തി. അ​വി​ടെ വ​രെ​യേ ബ​സും പോ​കൂ. പി​ച്ചു എ​ന്നാ​ൽ പ​ർ​വ​തം എ​ന്ന​ർ​ത്ഥം...​ മാ​ച്ചു എ​ന്ന് പേ​രു​ള്ള ഒ​രു പി​ച്ചു. മാ​ച്ചു​വി​നെ കൂ​ടാ​തെ ധാ​രാ​ളം മ​ല​ക​ളു​ള്ള പ്ര​ദേ​ശ​മാ​ണ് ഇ​ന്ന​ല​ക​ളു​ടെ ആ ​പ​ഴ​യ ന​ഗ​രം.

ബ​സ്സി​ൽനി​ന്നും ഇ​റ​ങ്ങി. ഇ​നി ന​ട​ന്നുത​ന്നെ ക​യ​റ​ണം. അ​വി​ടെ​യു​ള്ള കൗ​ണ്ട​റി​ൽ ടി​ക്ക​റ്റും മ​റ്റും കാ​ണി​ച്ചു ക​യ​റി​ത്തു​ട​ങ്ങി. അ​വി​ടെ​യും കു​ത്ത​നെ​യു​ള്ള ക​യ​റ്റം ത​ന്നെ. അ​ൽ​പം ക​ഴി​ഞ്ഞ​പ്പോ​ൾ അ​ങ്ങ് ദൂ​രെ ഒ​രു മ​ല​യു​ടെ അ​ടി​വാ​ര​ത്തു ആ ​ദൃ​ശ്യം കാ​ണാ​ൻ തു​ട​ങ്ങി. ലോ​കാ​ത്ഭു​ങ്ങ​ളു​ടെ ലി​സ്റ്റി​ൽ പ​ണ്ടു​മു​ത​ലേ കാ​ണു​ന്ന ആ ​ചി​ത്രം ക​ണ്മു​ൻ​പി​ൽ തെ​ളി​ഞ്ഞു വ​രു​ന്നു!! മേ​ൽ​ക്കൂ​ര​ക​ൾ ന​ഷ്ട​മാ​യ, ഭീ​മ​ക​ര​ങ്ങ​ളാ​യ പാ​റ​ക്ക​ല്ലു​ക​ൾ കൊ​ണ്ടു​ള്ള വ​ലി​യ കെ​ട്ടി​ട കോം​പ്ല​ക്സു​ക​ൾ. അ​ത്ര മ​ഴ ഇ​ല്ലെ​ങ്കി​ലും ചെ​റു​താ​യി കോ​ട​മ​ഞ്ഞു വ​രു​ന്ന​ത് ദൂ​ര​കാ​ഴ്ച​ക്കു ചെ​റി​യ ത​ട​സ്സ​മാ​യി തോ​ന്നി. ‘ഇ​ൻ​ക​ക​ളു​ടെ ന​ഷ്ട​പ്പെ​ട്ട ന​ഗ​രം’ എ​ന്ന​റി​യ​പ്പെ​ടു​ന്ന മാ​ച്ചു​പ്പി​ച്ചു​വി​ന്റെ ച​രി​ത്രാ​വ​ശി​ഷ്ട​ങ്ങ​ൾ!! മി​നു​സ​പ്പെ​ടു​ത്തി​യ ക​ൽ​മ​തി​ലു​ക​ൾ ഉ​പ​യോ​ഗി​ച്ചു​ള്ള പ​ഴ​യ ഇ​ൻ​ക​കാ​ല രീ​തി​യി​ലാ​ണ്‌ മാ​ച്ചു​പി​ച്ചു നി​ർ​മ്മി​ക്ക​പ്പെ​ട്ടി​രി​ക്കു​ന്ന​ത്.

1460ന്‌ ​അ​ടു​ത്താ​ണ്‌ അ​ന്ന​ത്തെ ഈ ​മ​ഹാ ന​ഗ​രം നി​ർ​മ്മി​ക്ക​പ്പെ​ട്ട​ത്, പ​ക്ഷെ ഏ​താ​ണ്ട് നൂ​റു​വ​ർ​ഷ​ത്തി​ന​കം സ്പാ​നി​ഷു​കാ​ർ ഇ​ൻ​ക സാ​മ്രാ​ജ്യ​ത്തി​ൽ ന​ട​ത്തി​യ കൈ​യേ​റ്റ​ത്തോ​ടെ ന​ഗ​രം അ​നാ​ഥ​മാ​യി എ​ന്ന് പ​റ​യ​പ്പെ​ടു​ന്നു. അ​ത​ല്ല സ്പാ​നി​ഷു​കാ​ർ ഈ ​മേ​ഖ​ല​യി​ൽ അ​ധി​നി​വേ​ശ​ത്തി​നെ​ത്തു​ന്ന​തി​നു മു​മ്പ്​ ത​ന്നെ പ​ട​ർ​ന്നു​പി​ടി​ച്ച വ​സൂ​രി ബാ​ധ​യെ തു​ട​ർ​ന്ന് ഇ​വി​ട​ത്തു​കാ​ർ പൂ​ർ​ണ​മാ​യും ന​ശി​ച്ചു എ​ന്നാ​ണ്‌ ച​രി​ത്ര​കാ​ര​ന്മാ​ർ​ക്കി​ട​യി​ലു​ള്ള മ​റ്റൊ​രു വാ​ദം. ഏ​താ​യാ​ലും പ്രാ​ദേ​ശി​ക​മാ​യി അ​റി​യ​പ്പെ​ട്ടി​രു​ന്ന സ്​​ഥ​ല​മാ​യി​രു​ന്നെ​ങ്കി​ലും നൂ​റ്റാ​ണ്ടു​ക​ളോ​ളം ഈ ​മേ​ഖ​ല പു​റം​ലോ​ക​ത്താ​ൽ ശ്ര​ദ്ധി​ക്ക​പ്പെ​ടാ​തെ കാ​ടു​ക​യ​റി​ക്കി​ട​ന്നു.

പി​ന്നീ​ട് അ​മേ​രി​ക്ക​ൻ ച​രി​ത്ര​കാ​ര​നാ​യി​രു​ന്ന ഹി​റാം ബി​ങ്ങ്ഹാ​മാ​ണ്‌ 1911ൽ ​ഇ​തി​നെ പു​റം​ലോ​ക​ത്തി​ന് പ​രി​ച​യ​പ്പെ​ടു​ത്തി​യ​ത്. അ​ന്നു​മു​ത​ൽ മാ​ച്ചു​പ്പി​ച്ചു ന​ഗ​രം വി​നോ​ദ സ​ഞ്ചാ​രി​ക​ളേ​യും ച​രി​ത്ര​കാ​ര​ൻ​മാ​രെ​യും ആ​ക​ർ​ഷി​ക്കു​ന്ന മേ​ഖ​ല​യാ​യി മാ​റി. മ​ണി​ക്കൂ​റു​ക​ളോ​ളം ന​ട​ന്നു ആ ​പു​രാ​ന​ഗ​ര​ത്തി​ലെ ഓ​രോ അ​ത്ഭു​ത കാ​ഴ്ച​ക​ളി​ലേ​ക്കും പോ​യി. ക്ഷേ​ത്ര​ക്കെ​ട്ടു​ക​ൾ, ഗോ​ത്ര കൊ​ട്ടാ​ര​ങ്ങ​ൾ, ബ​ലി പീ​ഠ​ങ്ങ​ൾ, ശ്മ​ശാ​ന​ങ്ങ​ൾ, കാ​ർ​ഷി​ക മേ​ഖ​ല​ക​ൾ എ​ന്തി​നേ​റെ ജ​യി​ലു​ക​ൾ പോ​ലും ഈ ​പൗ​രാ​ണി​ക ന​ഗ​ര​ത്തി​ൽ സ​ജ്ജ​മാ​യി​രു​ന്നു. പ്ര​ദേ​ശ​ത്തെ​ല്ലാം ലാ​മ എ​ന്നൊ​രു മൃ​ഗ​ത്തെ കാ​ണാ​ൻ സാ​ധി​ക്കും. ചെ​മ്മ​രി​യാ​ടി​ന്റെ​യും ഒ​ട്ട​ക​ത്തി​ന്റ​യും മി​ശ്രി​ത​മാ​യൊ​രു ഓ​മ​ന​ത്വം തോ​ന്നു​ന്ന മൃ​ഗം. ഇ​ൻ​ക​ക​ളു​ടെ ജീ​വി​ത​ത്തി​ന്റെ ഭാ​ഗ​മാ​യി​രു​ന്ന​ത്രെ ലാ​മ.

സാ​യാ​ന്ഹ​ത്തോ​ടെ മ​ല​യി​റ​ങ്ങി അ​ടി​വാ​ര​ത്തെ അ​ഗ്വാ​സ് ക​ലി​ന്റ​സി​ലെ​ത്തി. ടൂ​റി​സ്റ്റു​ക​ൾ​ക്ക്​ മാ​ത്ര​മാ​യി ഇ​രു​പ​താം നൂ​റ്റാ​ണ്ടി​ന്റെ ര​ണ്ടാം പ​കു​തി​യി​ൽ മാ​ത്രം രൂ​പം കൊ​ണ്ടൊ​രു ചെ​റു​ന​ഗ​രം. തി​രി​കെ കു​സ്കോ​യി​ലെ​ത്തു​മ്പോ​ഴേ​ക്ക്​ രാ​ത്രി​ക്ക്​ ക​ട്ടി​കൂ​ടി​യി​രു​ന്നു. പി​റ്റേ​ന്ന് കു​സ്‌​കോ​യി​ൽ നി​ന്നും ലി​മ​യി​ലേ​ക്കു പോ​ക​ണ​മെ​ന്ന് വി​ചാ​രി​ച്ചി​രു​ന്നെ​ങ്കി​ലും വി​മാ​നം ക്യാ​ൻ​സ​ൽ ആ​യ​തി​നാ​ൽ ഒ​രു പ​ക​ൽ കൂ​ടി ആ ​പ​ഴ​യ ഇ​ൻ​ക സാ​മ്രാ​ജ്യ​ത്തി​ൽ ചു​റ്റി​പ​റ്റി ന​ട​ന്നു. പി​ന്നീ​ടു​ള്ള ദി​വ​സം പ​സ​ഫി​ക് സ​മു​ദ്ര​ത്തി​ന്റെ തീ​ര​ത്തെ ത​ല​സ്ഥാ​ന ന​ഗ​ര​മാ​യ ലി​മ​യി​ലൂ​ടെ​യു​ള്ള യാ​ത​ക​ൾ. ഏ​തൊ​രു ആ​ധു​നി​ക ന​ഗ​ര​ത്തി​ലെ​യും ചി​ല ടി​പ്പി​ക്ക​ൽ കാ​ഴ്ച​ക​ൾ... എ​ങ്കി​ലും മ​ല​ക​ളും, താ​ഴെ സ​മു​ദ്ര​വും... തീ​ര​ത്തെ പ്രൊ​മ​നൈ​ടു​ക​ളു​മെ​ല്ലാം ചേ​ർ​ന്നു ലി​മ ന​ഗ​ര​ത്തി​ന് ഒ​രു പ്ര​ത്യേ​ക ഭം​ഗി ന​ൽ​കു​ന്നു.

പെ​റു​വി​നോ​ട് യാ​ത്ര പ​റ​യു​മ്പോ​ഴും മ​ന​സ്സി​ൽ മ​റ്റൊ​രു ചി​ന്ത മു​ഴ​ച്ചു നി​ന്നി​രു​ന്നു. ആ​റു നൂ​റ്റാ​ണ്ടു മാ​ത്രം പ​ഴ​ക്ക​മു​ള്ള മാ​ച്ചു​പി​ച്ചു​വി​നെ ലോ​ക ടൂ​റി​സ്റ്റ് ഭൂ​പ​ട​ത്തി​ൽ വ​ലു​താ​യി അ​ട​യാ​ള​പ്പെ​ടു​ത്തു​മ്പോ​ൾ, ഇ​ന്ത്യ​യി​ലെ നൂ​റ്റാ​ണ്ടു​ക​ൾ പ​ഴ​ക്ക​മു​ള്ള അ​ത്ഭു​ത പു​രാ​നി​ർ​മി​തി​ക​ൾ എ​ന്തെ ന​മ്മ​ളി​ൽ മാ​ത്ര​മാ​യി ഒ​തു​ങ്ങി​പ്പോ​കു​ന്ന​ത്!