ഐ​സ്​​ലാ​ൻ​ഡ് എ​ന്ന മ​ഞ്ഞു രാ​ജ്യം

യു.​എ​സ്, കാ​ന​ഡ, യു.​കെ, പോ​ള​ണ്ട്, ഈ​ജി​പ്ത്, ഖ​ത്ത​ർ, ഒ​മാ​ൻ, ബ്ര​സീ​ൽ, നെ​ത​ർ​ലാ​ൻ​ഡ്, കാ​ന​ഡ, അ​ർ​ജ​ന്‍റീ​ന, ജ​ർ​മ്മ​നി തു​ട​ങ്ങി ഈ ​ചെ​റി​യ പ്രാ​യ​ത്തി​നു​ള്ളി​ൽ ഷാ​ന​വാ​സ് ക​ണ്ടു​തീ​ർ​ത്ത​ത് 67 രാ​ജ്യ​ങ്ങ​ളാ​ണ്. ഹോ​ക്കി താ​ര​വും ദു​ബൈ ലാ​ക്നോ​ർ ക​മ്പ​നി ജീ​വ​ന​ക്കാ​ര​നു​മാ​യ ഷാ​ന​വാ​സ് ഐ​സ്​​ല​ൻ​ഡി​ലേ​ക്കു​ള്ള ത​ന്‍റെ യാ​ത്ര അ​നു​ഭ​വം പ​ങ്കു​വെ​ക്കു​ന്നു.

നി​ര​വ​ധി യാ​ത്ര​ക​ൾ ന​ട​ത്തി​യി​ട്ടു​ണ്ടെ​ങ്കി​ലും ഹൃ​ദ​യ​ത്തോ​ടു ചേ​ർ​ത്ത് നി​ർ​ത്തു​ന്ന​ത് ഒ​ടു​വി​ൽ സ​ന്ദ​ർ​ശി​ച്ച ഐ​സ്​​ലാ​ൻ​ഡ് എ​ന്ന മ​ഞ്ഞു രാ​ജ്യ​ത്തെ​യാ​ണ്. ഇ​മ വെ​ട്ടാ​തെ നോ​ക്കി​യി​രി​ക്കാ​ൻ തോ​ന്നു​ന്ന വ​ശ്യ​സൗ​ന്ദ​ര്യ​മാ​ണ് ഐ​സ്​​ലാ​ൻ​ഡി​ന്‍റെ പ്ര​ത്യേ​ക​ത. അ​തി​ന്‍റെ ഓ​രോ ജീ​വ​ൽ തു​ടി​പ്പി​ലും അ​ത്ഭു​ത​ങ്ങ​ൾ മാ​ത്ര​മാ​ണ് ദൈ​വം സൃ​ഷ്ടി​ച്ചു ​െവ​ച്ചി​രി​ക്കു​ന്ന​ത്. ആ​ർ​ട്ടി​ക്ക് പ്ര​ദേ​ശ​ത്തു​ള്ള നോ​ർ​ഡി​ക് ദ്വീ​പ് രാ​ഷ്ട്ര​മാ​ണ് ഐ​സ്​​ലാ​ൻ​ഡ്. അ​ഗ്​​നി​പ​ർ​വ്വ​ത​ങ്ങ​ൾ, ഒ​ഴു​കി ന​ട​ക്കു​ന്ന ഗ്ലേ​ഷ​ർ എ​ന്ന​റി​യ​പ്പെ​ടു​ന്ന മ​ഞ്ഞു​മ​ല​ക​ൾ, ചൂ​ട് നീ​രു​റ​വ​ക​ൾ, ലാ​വ വ​യ​ലു​ക​ൾ എ​ന്നി​വ​യു​ടെ അ​തി​ശ​യി​പ്പി​ക്കു​ന്ന ക​ല​വ​റ.

2008ലെ ​സാ​മ്പ​ത്തി​ക മാ​ന്ദ്യം ഐ​സ്​​ലാ​ൻ​ഡി​നെ ത​കി​ടം മ​റി​ച്ചെ​ങ്കി​ലും വി​ശ്വ​പ്ര​കൃ​തി സൗ​ന്ദ​ര്യ​ത്തി​ന്‍റെ സ​മ്പ​ന്ന​ത കാ​ര​ണം ഈ ​രാ​ജ്യം വ​ള​രെ എ​ളു​പ്പം സാ​മ്പ​ത്തി​ക മാ​ന്ദ്യ​ത്തെ മ​റി​ക​ട​ന്നു. സൗ​ത്തി​ലെ അ​ങ്ങേ​യ​റ്റ​ത്തെ ത​ല​സ്ഥാ​ന ന​ഗ​ര​മാ​യ റെ​യി​ക്ജ​വി​ക്കി​ലാ​ണ് ഐ​സ്​​ലാ​ൻ​ഡി​ലെ പ്ര​ധാ​ന എ​യ​ർ​പോ​ർ​ട്ട് സ്ഥി​തി ചെ​യ്യു​ന്ന​ത്. ഈ ​രാ​ജ്യ​ത്തി​ന്‍റെ മൂ​ന്ന്​ ശ​ത​മാ​നം മാ​ത്ര​മാ​ണ് ഈ ​സി​റ്റി ഉ​ൾ​ക്കൊ​ള്ളു​ന്ന​ത്. ബാ​ക്കി 97 ശ​ത​മാ​ന​വും ജ​ന​വാ​സ​മി​ല്ലാ​ത്ത പ്ര​കൃ​തി​ര​മ​ണീ​യ ഭൂ​പ്ര​ദേ​ശ​ങ്ങ​ളാ​യി പ​ര​ന്നു കി​ട​ക്കു​ക​യാ​ണ്.

ഐ​സ്​​ലാ​ലാ​ൻ​ഡി​ൽ വി​മാ​നം ലാ​ൻ​ഡ് ചെ​യ്യു​ന്ന​ത് അ​ർ​ദ്ധ​രാ​ത്രി ര​ണ്ടു മ​ണി​യോ​ടു​കൂ​ടി​യാ​ണ്. അ​തി​ലും 45 മി​നി​റ്റ് മു​ന്നേ ഐ​സ്​​ലാ​ൻ​ഡി​ലെ അ​ത്ഭു​ത​ങ്ങ​ൾ ദൃ​ശ്യ​മാ​യി തു​ട​ങ്ങി​യി​രു​ന്നു. വ​ല​തു വി​ൻ​ഡോ​യി​ലൂ​ടെ ഞ​ങ്ങ​ളു​ടെ ക​ണ്ണു​ക​ളി​ലേ​ക്ക് നൃ​ത്തം ചെ​യ്യു​ന്ന നോ​ർ​ത്തേ​ൺ ലൈ​റ്റ്സി​ന്‍റെ വി​സ്മ​യ ര​ശ്മി​ക​ൾ പ​തി​ച്ചു തു​ട​ങ്ങി. ഐ​സ്​​ലാ​ൻ​ഡി​ന്‍റെ സ​വി​ശേ​ഷ​ത​ക​ളി​ൽ മു​ൻ​തൂ​ക്ക​മു​ള്ള പ്ര​തി​ഭാ​സ​മാ​ണ് നോ​ർ​ത്തേ​ൺ ലൈ​റ്റ്സ്. വി​മാ​ന​മി​റ​ങ്ങി ഞ​ങ്ങ​ളെ​യും കൊ​ണ്ട് പ​റ​ക്കു​ന്ന കാ​റ്റി​ലൂ​ടെ ത​ണു​ത്ത് വി​റ​ച്ച് റെ​ന്‍റ് എ ​കാ​ർ അ​ന്വേ​ഷി​ച്ചു ന​ട​ന്നു. തു​ട​ർ​ന്ന് അ​ങ്ങോ​ട്ട് യാ​ത്ര​ക​ളു​ടെ മേ​ള​മാ​യി​രു​ന്നു.

ഈ ​ദ്വീ​പ് രാ​ജ്യ​ത്തെ മു​ഖ്യ ഹൈ​വേ​യാ​യ റി​ങ് റോ​ഡി​ലൂ​ടെ ത​നി​യെ കാ​റോ​ടി​ച്ചാ​ണ്​ സ​ഞ്ചാ​രം ആ​രം​ഭി​ച്ച​ത്. ഐ​സ്​​ലാ​ൻ​ഡി​നെ ചു​റ്റി​വ​രു​ന്ന ഈ ​റി​ങ് റോ​ഡി​ലൂ​ടെ ക​ട​ന്നു​പോ​കു​മ്പോ​ൾ എ​ല്ലാ ഭൂ​പ്ര​കൃ​തി വി​സ്മ​യ​ങ്ങ​ളും ന​മു​ക്ക് മു​ന്നി​ൽ പ്ര​ത്യ​ക്ഷ​മാ​കും. ദി​ക്കു​ക​ൾ മാ​റു​ന്ന​തി​ന​നു​സ​രി​ച്ച് മാ​റി​വ​രു​ന്ന കാ​ലാ​വ​സ്ഥ​യാ​ണ് ഐ​സ്​​ലാ​ലാ​ൻ​ഡി​ന്‍റെ മ​റ്റൊ​രു സ​വി​ശേ​ഷ​ത. സൗ​ത്തി​ൽ ശ​ക്ത​മാ​യ കാ​റ്റ്, ഈ​സ്റ്റി​ൽ ക​ഠി​ന മ​ഞ്ഞു വീ​ഴ്ച, നോ​ർ​ത്താ​ക​ട്ടെ ഐ​സി​നാ​ൽ മൂ​ട​പ്പെ​ട്ടു​കി​ട​ക്കു​ന്നു, വെ​സ്റ്റി​ൽ ക​ണ്ണു​കാ​ണാ​ൻ വ​യ്യാ​ത്ത മ​ഴ​യും.

130 ഓ​ളം അ​ഗ്നി​പ​ർ​വ്വ​ത​ങ്ങ​ൾ ഉ​ണ്ട് ഈ ​രാ​ജ്യ​ത്ത്. യൂ​റോ​പ്പി​ലെ ഏ​റ്റ​വും വ​ലി​യ ഗ്ലോ​ഷ​ർ ആ​യ വ​ട്ന​യോ​കു​ൽ സ്ഥി​തി​ചെ​യ്യു​ന്ന​ത് ഐ​സ്​​ലാ​ൻ​ഡി​ലാ​ണ്. പ​ല അ​ഗ്നി​പ​ർ​വ്വ​ത​ങ്ങ​ളും ഒ​ളി​ഞ്ഞി​രി​ക്കു​ന്ന​ത് ഈ ​മ​ഞ്ഞു കൊ​ട്ടാ​ര​ത്തി​നു​ള്ളി​ലാ​ണെ​ന്ന​ത് അ​തി​ശ​യ​ക​ര​മാ​യ വാ​സ്ത​വ​മാ​ണ്. നാ​ലു​വ​ർ​ഷ​ത്തി​ലൊ​രി​ക്ക​ൽ ഐ​സ്​​ലാ​ൻ​ഡി​ൽ അ​ഗ്നി​പ​ർ​വ്വ​ത സ്ഫോ​ട​നം സം​ഭ​വി​ക്കാ​റു​ണ്ട​ത്രേ.

ന​വം​ബ​ർ മു​ത​ൽ ഐ​സ്​​ലാ​ൻ​ഡി​ൽ അ​തി​ശൈ​ത്യം ആ​രം​ഭി​ക്കും. പി​ന്നീ​ട് മാ​സ​ങ്ങ​ളോ​ളം ആ​ളു​ക​ൾ വീ​ടി​നു​ള്ളി​ൽ പ​തു​ങ്ങി​യി​രി​ക്കും. അ​പ​ക​ട​ക​ര​മാ​യ ഈ ​കാ​ലാ​വ​സ്ഥ​യി​ൽ എ​ല്ലാ​വ​രും ഹി​മ​നി​ദ്ര​യി​ലാ​യി​രി​ക്കും. സാ​മ്പ​ത്തി​ക ചെ​ല​വ് വ​ള​രെ കൂ​ടി​യ ഇ​ട​മാ​ണ് ഇ​വി​ടം. ഒ​രു ലി​റ്റ​ർ വെ​ള്ള​ത്തി​ന്​ ഏ​താ​ണ്ട് 500 രൂ​പ വി​ല വ​രും. മ​നോ​ഹ​ര​ങ്ങ​ളാ​യ വെ​ള്ള​ച്ചാ​ട്ട​ങ്ങ​ളും അ​ഗ്നി​പ​ർ​വ്വ​ത​ക​ളും ലാ​വാ ഫീ​ൽ​ഡും ടെ​ക്ടോ​ണി​ക് പ്ലേ​റ്റ്സ് സെ​പ്പ​റേ​ഷ​നും ഹോ​ട്ട് സ്പ്രി​ങ്സും ഗ്ലെ​യ്സ​റും ബ്ലാ​ക്ക് സാ​ൻ​ഡ് ബീ​ച്ചു​ക​ളും ഐ​സ് ബ​ർ​ഗു​ക​ളും ബ്ലു ​ല​ഗു​ൺ ജി​യോ തെ​ർ​മ​ൽ പൂ​ളും ഹൈ​ലാ​ൻ റീ​ജി​യ​നും തു​ട​ങ്ങി വി​ഭി​ന്ന​ങ്ങ​ളാ​യ ദൈ​വ നി​ർ​മി​തി​ക​ൾ ഭൂ​മി​യി​ലെ മ​നു​ഷ്യ​രി​ൽ ആ​ശ്ച​ര്യം തീ​ർ​ക്കും.

പു​റ​ത്ത് -4 ഡി​ഗ്രി സെ​ൽ​ഷ്യ​സ് താ​പ നി​ല നി​ല​നി​ൽ​ക്കു​മ്പോ​ൾ ഹോ​ട്ട് സ്പ്രി​ങ്കി​ലെ ബാ​ത്തി​ങ് ത​രു​ന്ന​ത് സു​ഗ​മ​മാ​യ ചൂ​ട​ൻ അ​നു​ഭ​വ​മാ​ണ്. മ​ക​ൾ ഗ​സ​ൽ കൈ​യ്യി​ലൊ​രു കോ​ൾ​ഡ് ഡ്രി​ങ്കു​മാ​യി ഇ​ത് ആ​വോ​ളം ആ​സ്വ​ദി​ച്ചു. ഡ​യ​മ​ണ്ട് ബീ​ച്ചി​ൽ ലാ​വ പൊ​ട്ടി തി​ര​യോ​ടൊ​പ്പം ഐ​സ് പാ​ളി​ക​ളാ​യി കി​ലോ​മീ​റ്റ​റു​ക​ളോ​ളം ദൂ​ര​ത്തി​ൽ തെ​റി​ച്ചു കി​ട​ന്നി​രു​ന്നു. വി​ദൂ​ര ഗ്ര​ഹ​ങ്ങ​ളി​ൽ ചെ​ന്ന കാ​ഴ്ച​ക​ളാ​യി ഇ​വ​യെ​ല്ലാം ന​മ്മെ വ​ര​വേ​ൽ​ക്കും.

നോ​ഹ, സ്റ്റാ​ർ വാ​ർ​സ്, ഇ​ന്‍റ​ർ​സ്റ്റെ​ല​ർ, ഗെ​യിം ഓ​ഫ് ത്രോ​ൺ​സ് പോ​ലു​ള്ള സി​നി​മ -സീ​രീ​സു​ക​ളു​ടെ ക​ടു​ത്ത ആ​രാ​ധ​ക​യാ​യ എ​ന്‍റെ ഭാ​ര്യ ബേ​ന​സീ​റ​ക്ക് അ​വ​ളു​ടെ വ​ലി​യ ആ​ഗ്ര​ഹ​പൂ​ർ​ത്തീ​ക​ര​ണം കൂ​ടി​യാ​യി​രു​ന്നു ഈ ​ഐ​സ്​​ലാ​ൻ​ഡ് യാ​ത്ര. ഭൂ​മി​യി​ൽ നി​ന്നും മ​റ്റെ​രു ലോ​ക​ത്തെ​ത്തി​യ അ​സാ​ധാ​ര​ണ അ​നു​ഭൂ​തി​യാ​ണ് ഐ​സ്​​ലാ​ൻ​ഡ് സ​മ്മാ​നി​ച്ച​ത്. വെ​ള്ള പു​ത​ച്ച ഭൂ​പ്ര​ത​ല​ങ്ങ​ളു​ള്ള ഈ ​രാ​ജ്യ​ത്ത് പ്ര​കൃ​തി​യു​ടെ മ​റ​ഞ്ഞു കി​ട​ക്കു​ന്ന വ​ർ​ണ്ണ​വൈ​വി​ധ്യ​ങ്ങ​ൾ ആ​വോ​ളം നു​ക​രാ​നാ​യ​തി​ന്‍റെ ആ​ത്മ സം​തൃ​പ്തി​യി​ലാ​ണ് ഞ​ങ്ങ​ൾ മ​ട​ങ്ങി​യ​ത്.

ത​യാറാ​ക്കി​യ​ത്​:

സ​ൽ​വ സ​ലീ​ന