സുന്ദരമായ ജലാശയക്കാഴ്ച, വേനലിലും കുളിർമ...

തൊ​ടു​പു​ഴ: മ​ല​ങ്ക​ര ജ​ലാ​ശ​യ​വും ദ്വീ​പ്​ സ​മാ​ന ചെ​റു​തു​രു​ത്തു​ക​ളും ക​ണ്ണി​ന് കു​ളി​ർ​മ​യാ​ണ്. സി​നി​മാ​ക്കാ​രു​ടെ ഇ​ഷ്ട ലൊ​ക്കേ​ഷ​നു​മാ​ണ് ഇ​വി​ടം. മ​ല​യാ​ളം, ത​മി​ഴ്, തെ​ലു​ങ്ക് ഭാ​ഷ​ക​ളി​ലാ​യി 140ഓ​ളം സി​നി​മ ചി​ത്രീ​ക​ര​ണ​ങ്ങ​ളാ​ണ്​ ഇ​വി​ടെ ന​ട​ന്നി​ട്ടു​ള്ള​ത്. സം​സ്ഥാ​ന​പാ​ത​ക്ക്​ ഇ​രു​പു​റ​വു​മാ​യി പ​ന്ത​ലി​ച്ച മ​നോ​ഹ​ര ദൃ​ശ്യ​വി​രു​ന്ന് സം​വി​ധാ​യ​ക​രെ​യും കു​റ​ഞ്ഞ ബ​ജ​റ്റി​ന്‍റെ പേ​രി​ൽ നി​ർ​മ​താ​ക്ക​ളെ​യും ആ​ക​ർ​ഷി​ക്കു​ന്നു. എ​പ്പോ​ഴെ​ത്തി​യാ​ലും മു​ട്ടം-​കാ​ഞ്ഞാ​ർ-​മ​ല​ങ്ക​ര പ്ര​ദേ​ശ​ങ്ങ​ൾ കു​ളി​ർ​മ പ​ക​ർ​ന്നു​ന​ൽ​കും. തൊ​ടു​പു​ഴ​ക്ക​ടു​ത്താ​ണ് മ​ല​ങ്ക​ര​ഡാ​മും പ്ര​ദേ​ശ​ങ്ങ​ളും. കൊ​ടും​വേ​ന​ലി​ലും മ​ല​ങ്ക​ര ജ​ല​സ​മൃ​ദ്ധ​മാ​യി​രി​ക്കു​മെ​ന്ന​ത്​ കു​ളി​ർ​മ​യും ആ​ശ്വാ​സ​വു​മാ​ണ്.

കി​ലോ​മീ​റ്റ​റു​ക​ൾ പ​ര​ന്നു കി​ട​ക്കു​ന്ന ജ​ലാ​ശ​യ​ത്തി​ൽ വി​ഭാ​വ​നം ചെ​യ്ത മ​ല​മ്പു​ഴ മോ​ഡ​ൽ ടൂ​റി​സം പ​ദ്ധ​തി യാ​ഥാ​ർ​ഥ്യ​മാ​യാ​ൽ പ്ര​കൃ​തി​യു​ടെ തൊ​ട്ടി​ലി​ൽ തി​ല​ക​ക്കു​റി​യു​മാ​കു​മി​ത്. ബോ​ട്ടി​ങ്, സൈ​ക്കി​ൾ സ​വാ​രി, കു​തി​ര​സ​വാ​രി, ബൊ​ട്ടാ​ണി​ക്ക​ൽ ഗാ​ർ​ഡ​ൻ, റോ​പ് വേ ​തു​ട​ങ്ങി​യ അ​ന​ന്ത​സാ​ധ്യ​ത​ക​ളാ​ണ് മ​ല​ങ്ക​ര ടൂ​റി​സ​ത്തി​നു​ള്ള​ത്. ഹൈ​ഡ​ൽ ടൂ​റി​സ​ത്തി​ന്റെ ചെ​റി​യ നി​ർ​മാ​ണ പ്ര​വൃ​ത്തി​മാ​ത്ര​മാ​ണ് ഇ​പ്പോ​ൾ ന​ട​ക്കു​ന്ന്. കു​ട്ടി​ക​ളു​ടെ പാ​ർ​ക്ക് പ്ര​ധാ​ന ആ​ക​ർ​ഷ​ണ​മാ​ണ്. വൈ​കീ​ട്ട് 5.30 വ​രെ ഡാ​മി​നു മു​ക​ളി​ൽ പ്ര​വേ​ശി​ക്കാം. തൊ​ടു​പു​ഴ​യി​ൽ​നി​ന്ന് ഏ​ഴു കി​ലോ​മീ​റ്റ​റാ​ണ്​ ഇ​വി​ടേ​ക്ക്.

മ​ല​മ്പു​ഴ മോ​ഡ​ൽ ടൂ​റി​സം...

തൊ​ടു​പു​ഴ​യു​ടെ ഒ​ര​റ്റം മു​ത​ൽ അ​ഞ്ച്​ പ​ഞ്ചാ​യ​ത്തു​ക​ളി​ലാ​യി വ്യാ​പി​ച്ചു കി​ട​ക്കു​ന്ന​താ​ണ്​ മ​ല​ങ്ക​ര ജ​ലാ​ശ​യം. ജ​ലാ​ശ​യ​ത്തി​ന്റെ ടൂ​റി​സം സാ​ധ്യ​ത​ക​ൾ പ്ര​യോ​ജ​ന​പ്പെ​ടു​ത്തു​ന്ന ഒ​രു പ​ദ്ധ​തി​പോ​ലും ഇ​തു​വ​രെ യാ​ഥാ​ർ​ഥ്യ​മാ​യി​ട്ടി​ല്ല. ജ​ലാ​ശ​യ​ത്തി​ൽ ബോ​ട്ടി​ങ്ങും പാ​ർ​ക്കു​ക​ളും അ​ട​ക്കം വ​ലി​യ പ​ദ്ധ​തി​ക​ൾ വ​രേ​ണ്ട​തു​ണ്ട്.

ചു​റ്റു​മു​ള്ള അ​ഞ്ച്​ പ​ഞ്ചാ​യ​ത്തു​ക​ൾ​ക്ക് പ്ര​യോ​ജ​നം ല​ഭി​ക്കു​ന്ന ടൂ​റി​സം പ​ദ്ധ​തി​ക്ക് രൂ​പം​ന​ൽ​ക​ണ​മെ​ന്ന ആ​വ​ശ്യ​ത്തി​ന് പ​ഴ​ക്ക​മേ​റെ​യാ​ണ്. ഗ്രാ​മ​ങ്ങ​ളു​ടെ സ​മ​ഗ്ര​വി​ക​സ​ന​വും അ​തി​നൊ​പ്പം സാ​മ്പ​ത്തി​ക മു​ന്നേ​റ്റ​വും ല​ക്ഷ്യ​മാ​ക്കി പ​ദ്ധ​തി​ക​ൾ ത​യാ​റാ​ക്ക​ണം. കാ​ർ​ഷി​ക വി​ല​ത്ത​ക​ർ​ച്ച​യി​ൽ ത​ള​രു​ന്ന ക​ർ​ഷ​ക​ന് ടൂ​റി​സം പ​ദ്ധ​തി ആ​ശ്വാ​സ​മാ​കും. ജ​ലാ​ശ​യ​ത്തി​നു തീ​ര​ത്തു​ള്ള മു​ട്ടം, ആ​ല​ക്കോ​ട്, കു​ട​യ​ത്തൂ​ർ, അ​റ​ക്കു​ളം, വെ​ള്ളി​യാ​മ​റ്റം പ​ഞ്ചാ​യ​ത്തു​ക​ൾ​ക്കാ​ണ് നേ​രി​ട്ട് ഗു​ണം ല​ഭി​ക്കു​ക. ഇ​തോ​ടെ തൊ​ടു​പു​ഴ​ക്കും കു​തി​പ്പേ​റും.

ഇ​വി​ടെ കാ​ര്യ​മാ​യ മൂ​ല​ധ​നം ഇ​ല്ലാ​തെ ടൂ​റി​സം പ​ദ്ധ​തി​ക​ൾ ന​ട​പ്പാ​ക്കാം. മ​ല​ങ്ക​ര ടൂ​റി​സം ഹ​ബ്, പെ​രു​ങ്കൊ​ഴു​പ്പ് ഗ്രീ​ൻ​വാ​ലി, ഇ​ല​വീ​ഴാ​പ്പൂ​ഞ്ചി​റ, ഞ​ണ്ടി​റു​ക്കി വെ​ള്ള​ച്ചാ​ട്ടം, വ​യ​ന​ക്കാ​വ് തു​ട​ങ്ങി​യ പ്ര​ദേ​ശ​ങ്ങ​ളെ ഉ​ൾ​പ്പെ​ടു​ത്തി ടൂ​റി​സം പ​ദ്ധ​തി​ക​ൾ​ക്ക് തു​ട​ക്ക​മി​ടാം. വേ​ന​ൽ​ക്കാ​ല​ത്തും ജ​ല​സ​മൃ​ദ്ധ​വും വ​ർ​ഷ​കാ​ല​ത്ത് വെ​ള്ള​പ്പൊ​ക്ക സാ​ധ്യ​ത​യി​ല്ലാ​ത്ത​തി​നാ​ൽ അ​പ​ക​ട​ര​ഹി​ത​വു​മാ​യ പ്ര​ദേ​ശ​മാ​ണി​വി​ടം. നെ​ടു​മ്പാ​ശ്ശേ​രി, കു​മ​ര​കം പ്ര​ദേ​ശ​ങ്ങ​ളി​ൽ​നി​ന്ന്​ 50 കി​ലോ​മീ​റ്റ​റി​നു​ള്ളി​ൽ ടൂ​റി​സം കേ​ന്ദ്ര​ങ്ങ​ളി​ലെ​ത്താം. ജ​ലാ​ശ​യ​ത്തി​ന് ചു​റ്റും കു​റ​ഞ്ഞ ചെ​ല​വി​ല്‍ യാ​ഥാ​ർ​ഥ്യ​മാ​ക്കാ​വു​ന്ന സാ​ധ്യ​ത​ക​ള്‍പോ​ലും ജി​ല്ല​യി​ല്‍നി​ന്നു​ള്ള മ​ന്ത്രി​യും എം.​എ​ൽ.​എ​യും എം.​പി​യും അ​ട​ക്ക​മു​ള്ള​വ​രും ഉ​ദ്യോ​ഗ​സ്ഥ​രും ക​ണ്ടി​ല്ലെ​ന്ന് ന​ടി​ക്കു​ക​യാ​ണെ​ന്ന്​ ആ​ക്ഷേ​പ​മു​യ​രു​ന്നു​ണ്ട്.

അ​പ​ര്യാ​പ്ത​ക്ക്​ ന​ടു​വി​ൽ

വ​ർ​ഷ​ങ്ങ​ൾ​ക്ക് മു​മ്പ്​ നി​ർ​മാ​ണം പൂ​ർ​ത്തീ​ക​രി​ച്ച് വി​നോ​ദ​സ​ഞ്ചാ​രി​ക​ൾ​ക്കാ​യി തു​റ​ന്നു ന​ൽ​കി​യ മ​ല​ങ്ക​ര ടൂ​റി​സം പ​ദ്ധ​തി​യി​ൽ കു​റ​വു​ക​ളേ​യു​ള്ളൂ. കു​ടി​വെ​ള്ള​മോ ഇ​രി​പ്പി​ട​ങ്ങ​ളോ ത​ണ​ൽ മ​ര​ങ്ങ​ളോ ഇ​ല്ല. എ​ൻ​ട്ര​ൻ​സ് പ്ലാ​സ ഇ​തു​വ​രെ തു​റ​ന്ന് ന​ൽ​കി​യി​ട്ടി​ല്ല. ഇ​തി​ൽ ക​ഫ​റ്റേ​രി​യ ഉ​ൾ​പ്പെ​ടെ തു​റ​ക്കാ​ൻ സൗ​ക​ര്യം ഉ​ണ്ടെ​ങ്കി​ലും ഇ​തു​വ​രെ ന​ട​പ​ടി സ്വീ​ക​രി​ച്ചി​ട്ടി​ല്ല. ദാ​ഹ​മ​ക​റ്റ​ണ​മെ​ങ്കി​ൽ പാ​ർ​ക്കി​ൽ നി​ന്നി​റ​ങ്ങി 500 മീ​റ്റ​ർ അ​ക​ലെ പോ​ക​ണം. മാ​സം​തോ​റും ല​ക്ഷ​ക്ക​ണ​ക്കി​ന് രൂ​പ വ​രു​മാ​നം ല​ഭി​ക്കു​ന്നു​വെ​ങ്കി​ലും അ​ത് അ​ടി​സ്ഥാ​ന വി​ക​സ​ന​ത്തി​ന് വി​നി​യോ​ഗി​ക്കാ​ൻ അ​ധി​കൃ​ത​ർ ത​യാ​റാ​കു​ന്നി​ല്ല. മ​ല​ങ്ക​ര​യി​ലെ ടൂ​റി​സം പ​ദ്ധ​തി പ്ര​കാ​രം അ​വി​ടെ​നി​ന്നും ല​ഭി​ക്കു​ന്ന​വ​രു​മാ​നം അ​വി​ടെ​ത്ത​ന്നെ ചി​ല വ​ഴി​ക്കേ​ണ്ട​താ​ണ്. കോ​ടി​ക​ള്‍ മു​ട​ക്കി​യു​ള്ള വി​ക​സ​നം എ​ന്ന​തി​ലു​പ​രി കു​റ​ഞ്ഞ ചെ​ല​വി​ലും വ്യാ​പ്തി​യി​ലും ന​ട​പ്പാ​ക്കാ​വു​ന്ന​വ ആ​ദ്യം യാ​ഥാ​ർ​ഥ്യ​മാ​ക്ക​ണ​മെ​ന്നാ​ണ് ആ​വ​ശ്യം. ജ​ലാ​ശ​യ​ത്തി​ന് ചു​റ്റു​മാ​യി പു​ഴ​യോ​രം ടൂ​റി​സം ഹൈ​വേ പ​ണി​താ​ൽ പു​ഴ​യോ​ര​ത്തു​കൂ​ടി ത​ണു​ത്ത കാ​റ്റേ​റ്റും മ​ര​ങ്ങ​ളു​ടെ ത​ണ​ലേ​റ്റ് ന​ട​ക്കാം. ഒ​പ്പം ജ​ല​യ​ത്തി​ന്‍റെ മ​നോ​ഹാ​രി​ത​യും ആ​സ്വ​ദി​ക്കാം. ഇ​ത്ത​ര​ത്തി​ലൊ​രു നി​ർ​മാ​ണം യാ​ഥാ​ർ​ഥ്യ​മാ​ക്കി​യാ​ല്‍ മ​ല​ങ്ക​ര കേ​ന്ദ്രീ​ക​രി​ച്ചു​ള്ള ടൂ​റി​സം വി​ക​സ​ന​ത്തി​ന​ത് മു​ത​ല്‍ക്കൂ​ട്ടാ​വും.

ടൂ​റി​സം പ്ര​ദേ​ശ​ത്തെ അ​പ​ക​ട​ങ്ങ​ൾ

ജി​ല്ല​യി​ലെ ലോ​റേ​ഞ്ചി​ലെ ഏ​റ്റ​വും വ​ലി​യ വി​നോ​ദ​കേ​ന്ദ്ര​മാ​ണ് മ​ല​ങ്ക​ര ടൂ​റി​സം പ​ദ്ധ​തി പ്ര​ദേ​ശം. അ​തി​നെ ചു​റ്റി​പ്പ​റ്റി​യു​ള്ള കാ​ഞ്ഞാ​ർ പാ​ർ​ക്കും തൊ​ട്ടു​പി​ന്നി​ൽ നി​ൽ​ക്കു​ന്നു. ഈ ​ര​ണ്ട് ടൂ​റി​സം കേ​ന്ദ്ര​ങ്ങ​ളും സ്ഥി​തി​ചെ​യ്യു​ന്ന​ത് മ​ല​ങ്ക​ര ജ​ലാ​ശ​യ തീ​ര​ത്താ​ണ്. എ​ന്നി​ട്ടും ജ​ലാ​ശ​യ​ത്തി​ലേ​ക്ക് അ​പ​ക​ട​ര​ഹി​ത​മാ​യ ഇ​റ​ങ്ങാ​ൻ അ​ധി​കൃ​ത​ർ സൗ​ക​ര്യം ഒ​രു​ക്കി​യി​ട്ടി​ല്ല. അ​പ​ക​ട സാ​ധ്യ​ത​യു​ള്ള പ്ര​ദേ​ശ​ത്തേ​ക്ക് ഇ​റ​ങ്ങാ​തി​രി​ക്കാ​നു​ള്ള മു​ൻ​ക​രു​ത​ലു​ക​ളും ഉ​ണ്ടാ​യി​ട്ടി​ല്ല. ചു​രു​ങ്ങി​യ കാ​ല​ത്തി​നു​ള്ളി​ൽ നി​ര​വ​ധി ജീ​വ​നാ​ണ് അ​ധി​കൃ​ത​രു​ടെ അ​നാ​സ്ഥ മൂ​ലം ഹോ​മി​ക്ക​പ്പെ​ട്ട​ത്. മു​ന്ന​റി​യി​പ്പ് ബോ​ർ​ഡു​ക​ളും സു​ര​ക്ഷ ഉ​ദ്യോ​ഗ​സ്ഥ​രും ഇ​ല്ലാ​ത്ത​താ​ണ്​ അ​പ​ക​ടം വ​ർ​ധി​ക്കാ​ൻ കാ​ര​ണം. കാ​ഞ്ഞാ​ർ, മു​ട്ടം പ്ര​ദേ​ശ​ങ്ങ​ളി​ലാ​ണ് കൂ​ടു​ത​ലാ​യും അ​പ​ക​ടം. നീ​ന്ത​ൽ അ​റി​യാ​വു​ന്ന​വ​രും അ​പ​ക​ട​ത്തി​ൽ​പെ​ടു​ന്ന​ത് ജ​ലാ​ശ​യ​ത്തെ​ക്കു​റി​ച്ച് വ്യ​ക്ത​മാ​യ ധാ​ര​ണ ഇ​ല്ലാ​ത്ത​തി​നാ​ലാ​ണ്. ശാ​ന്ത​മാ​യി കി​ട​ക്കു​ന്നെ​ങ്കി​ലും അ​ടി​യൊ​ഴു​ക്കു ശ​ക്ത​മാ​ണ്. കാ​ഞ്ഞാ​റി​ലെ വാ​ട്ട​ർ​ഷെ​ഡ് തീം ​പാ​ർ​ക്കി​ന് സ​മീ​പം നി​ര​വ​ധി വി​നോ​ദ​സ​ഞ്ചാ​രി​ക​ളാ​ണ് സ​മ​യം ചെ​ല​വ​ഴി​ക്കു​ന്ന​ത്. വി​ശ്ര​മി​ച്ച ശേ​ഷം ജ​ലാ​ശ​യ​ത്തി​ൽ കു​ളി​ക്കാ​ൻ ഇ​റ​ങ്ങു​മ്പോ​ഴാ​ണ് അ​പ​ക​ടം സം​ഭ​വി​ക്കു​ന്ന​ത്.