മോ​ണ്ടി​നെ​ഗ്രോ എ​ക്സ്പ്ര​സ്

യൂ​റോ​പ്പി​ലെ ട്രെ​യി​ൻ യാ​ത്ര​ക​ൾ പ്ര​കൃ​തി​ര​മ​ണീ​യ​മാ​യ കാ​ഴ്ച​ക​ൾ​കൊ​ണ്ട് സ​മ്പ​ന്ന​മാ​ണ്. യാ​ത്ര​ക്കാ​ർ​ക്ക് ആ​സ്വ​ദി​ക്കാ​നാ​യി പ്ര​ത്യേ​കം രൂ​പ​ക​ൽ​പന ചെ​യ്ത ട്രെ​യി​ൻ റൂ​ട്ടു​ക​ൾ ലോ​ക​ത്തി​ലെ ഏ​റ്റ​വും മി​ക​ച്ചരീ​തി​യി​ൽ ത​ന്നെ​യാ​ണ് ഇ​വി​ടെ ഒ​രു​ക്കി​യി​രി​ക്കു​ന്ന​ത്. അ​ത്ത​ര​ത്തി​ലു​ള്ള യാ​ത്ര​ക​ളി​ൽ പേ​രു​കേ​ട്ട ഒ​ന്നാ​ണ് മോ​ണ്ടി​നെഗ്രോ എ​ക്സ്പ്ര​സി​ൽ സെ​ർ​ബി​യ​യു​ടെ ത​ല​സ്ഥാ​ന​മാ​യ ബെ​ൽ​ഗ്രേ​ഡി​ൽനി​ന്നും മോ​ണ്ടി​നെ​ഗ്രോ​യി​ലെ ബാ​ർ എ​ന്ന പ​ട്ട​ണ​ത്തി​ലേ​ക്കു​ള്ള ദീ​ർ​ഘയാ​ത്ര.

സു​ഹൃ​ത്ത് ഷ​മീ​റു​മൊ​ത്ത് ദു​ബൈ​യി​ൽ​നി​ന്നും ബെ​ൽ​ഗ്രേ​ഡി​ലേ​ക്ക്. പ​ഴ​യ യൂ​ഗോ​സ്‍ലാവി​യ​യു​ടെ ത​ല​സ്ഥാ​ന ന​ഗ​രം. ഇ​ന്നൊ​രു ദി​വ​സം മാ​ത്ര​മാ​ണ് ബെ​ല്‍ ഗ്രേ​ഡി​ൽ ഉ​ള്ള​ത്. നൂ​റ്റാ​ണ്ടു​ക​ൾ പ​ഴ​ക്ക​മു​ള്ള ബെ​ല്‍ഗ്രേ​ഡ് കോ​ട്ട​യും യൂ​റോ​പ്പി​ലെ ഏ​റ്റ​വും നീ​ളം കൂ​ടി​യ ര​ണ്ടാ​മ​ത്തെ ന​ദി​യാ​യ ഡാ​ന്യൂ​ബി​ന്റെ​യും സാ​വ​ന​ദി​യു​ടെ​യും സം​ഗ​മ​സ്ഥാ​ന​വും പി​ന്നീ​ട് ബെ​ല്‍ഗ്രേ​ഡി​ലെ പ്ര​ശ​സ്ത​മാ​യ മി​ഹൈ​ലോ​വ സ്ട്രീ​റ്റി​ലെ വ്യ​ത്യ​സ്ത കാ​ഴ്ച​ക​ളും​ക​ണ്ട് നേ​രെ ഹോ​ട്ട​ൽ മു​റി​യി​ലേ​ക്ക്...

ആ​ൽ​പ്സ് പ​ർ​വ​ത​നി​ര

ബെ​ൽ​ഗ്രേ​ഡ് എ​ന്ന ച​രി​ത്ര​ന​ഗ​ര​ത്തി​ൽ​നി​ന്നും ട്രെ​യി​ൻ യാ​ത്ര ആ​രം​ഭി​ച്ചു. ആ​റു​ പേ​ർ​ക്കി​രി​ക്കാ​വു​ന്ന മ​നോ​ഹ​ര​മാ​യ ക​മ്പാ​ർ​ട്മെ​ന്റ്. അ​ൽ​പ​സ​മ​യം ക​ഴി​ഞ്ഞ​പ്പോ​ൾ സെ​ർ​ബി​യ​യു​ടെ മ​നോ​ഹ​ര​മാ​യ ഗ്രാ​മ​പ്ര​ദേ​ശ​ങ്ങ​ളും കൃ​ഷി​യി​ട​ങ്ങ​ളു​മെ​ല്ലാം കാ​ണാ​ൻ തു​ട​ങ്ങി. ദൂ​രെ മേ​ഞ്ഞുന​ട​ക്കു​ന്ന കാ​ലി​ക​ളും കൂ​ട്ടം​കൂ​ട്ട​മാ​യി ന​ട​ക്കു​ന്ന ചെ​മ്മ​രി​യാ​ടു​ക​ളും ഗ്രാ​മീ​ണ​രു​ടെ വീ​ടു​ക​ളു​മെ​ല്ലാം കാ​ഴ്ച​ക്ക് ആ​ന​ന്ദം ന​ൽ​കി. ക​മ്പാ​ർ​ട്മെ​ന്റി​ൽ ഞ​ങ്ങ​ളു​ടെ എ​തി​ർ​വ​ശ​ത്താ​യി മോ​ണ്ടി​നെഗ്രോ​ക്കാ​ര​നാ​യ ജോ​വാ​ൻ ഉ​ണ്ടാ​യി​രു​ന്നു. ജോ​വാ​ൻ ഈ ​ട്രെ​യി​നി​ലെ സ്ഥി​രം യാ​ത്ര​ക്കാ​ര​നാ​ണ്. സെ​ർ​ബി​യ​യി​ൽ​നി​ന്നും യൂ​സ്ഡ് കാ​റു​ക​ൾ വാ​ങ്ങി മോ​ണ്ടി​നെഗ്രോ​യി​ൽ കൊ​ണ്ടു​പോ​യി വി​ൽ​ക്കു​ന്ന​യാ​ൾ.

ജോ​വാ​ൻ പ​ഴ​യ യു​ഗോ​സ്‍ലാ​വി​യ​യു​ടെ​യും സെ​ർ​ബി​യ​യു​ടെ​യും ബോ​സ്നി​യ​യു​ടെ​യും മോ​ണ്ടി​നെ​ഗ്രോ​യു​ടെ​യും ച​രി​ത്രക​ഥ​ക​ൾ പ​റ​ഞ്ഞു​ത​ന്നു. അ​ൽ​പ​സ​മ​യം ക​ഴി​ഞ്ഞ​പ്പോ​ൾ കൂ​റ്റ​ൻ പ​ർ​വ​ത​ങ്ങ​ൾ ക​ണ്ട​ു​തു​ട​ങ്ങി. താ​ഴെ അ​ഗാ​ധ​മാ​യ ഗ​ർ​ത്തം. മ​നോ​ഹ​ര​മാ​യി ഒ​ഴു​കു​ന്ന ന​ദി​ക​ൾ, ശു​ദ്ധ​ജ​ല ത​ടാ​ക​ങ്ങ​ൾ. ആ​ൽ​പ്സ് പ​ർ​വ​ത​നി​ര​ക​ളി​ലൂ​ടെ​യാ​ണ് ഈ ​ട്രെ​യി​ൻ ക​ട​ന്നു പോ​കു​ന്ന​ത്. പ​ർ​വ​ത​ങ്ങ​ളെ ത​മ്മി​ൽ ഒ​രു നേ​ർ​ത്ത നൂ​ലി​ലെ​ന്ന പോ​ലെ​ ബ​ന്ധി​പ്പി​ച്ചി​രി​ക്കു​ന്ന നീ​ള​മു​ള്ള പാ​ല​ങ്ങ​ൾ. പി​ന്നീ​ട് ട്രെ​യി​ൻ ക​റു​ത്ത കൂ​റ്റ​ൻ പാ​റ​ക​ൾ തു​ര​ന്നു​ണ്ടാ​ക്കി​യ വ​ലി​യ തു​ര​ങ്ക​ങ്ങ​ളി​ലൂ​ടെ ക​ട​ന്നു​പോ​കാ​ൻ തു​ട​ങ്ങി.

254 തു​ര​ങ്ക​ങ്ങ​ൾ ക​ട​ന്ന്...

1952ലാ​ണ് ഇൗ ​റെ​യി​ൽ​പാ​ത​യു​ടെ നി​ർ​മാ​ണം ആ​രം​ഭി​ക്കു​ന്ന​ത്. 1976ൽ ​അ​ന്ന​ത്തെ യു​ഗോ​സ്‍ലാ​വി​യ​ൻ പ്ര​സി​ഡ​ന്റാ​യി​രു​ന്ന ടി​റ്റോ ഇ​ത് ജ​ന​ങ്ങ​ൾ​ക്കാ​യി തു​റ​ന്നുകൊ​ടു​ത്തു. 254 തു​ര​ങ്ക​ങ്ങ​ളും നൂ​റു​ക​ണ​ക്കി​ന് പാ​ല​ങ്ങ​ളും 476 കി​ലോ​മീ​റ്റ​ർ ദൂ​ര​വും സ​ഞ്ച​രി​ച്ചാ​ണ് ഏ​ക​ദേ​ശം 11 മ​ണി​ക്കൂ​ർ സ​മ​യ​മെ​ടു​ത്ത് ട്രെ​യി​ൻ ബാ​ർ എ​ന്ന തീ​ര​ദേ​ശ ന​ഗ​ര​ത്തി​ൽ എ​ത്തു​ന്ന​ത്. യൂ​ഗോ​സ്‍ലാ​വി​യ​യു​ടെ മി​ക​ച്ച നേ​ട്ട​ങ്ങ​ളി​ൽ ഒ​ന്നാ​യും​ എ​ൻ​ജി​നീ​യ​റി​ങ് രം​ഗ​ത്തെ വി​സ്മ​യ​മാ​യും ഈ ​പാ​ത​യി​ലൂ​ടെ ഇ​ന്നും ട്രെ​യി​ൻ ഓ​ടി​ക്കൊ​ണ്ടി​രി​ക്കു​ന്നു.

സെ​ർ​ബി​യ​ക്കും മോ​ണ്ടി​നെ​ഗ്രോ​ക്കും പു​റ​മേ ഒ​മ്പ​ത് കി​ലോ​മീ​റ്റ​ർ ബോ​സ്നി​യ​യി​ലൂ​ടെ​യും ഈ ​ട്രെ​യി​ൻ ക​ട​ന്നു​പോ​കു​ന്നു​ണ്ട്. അ​ടു​ത്ത സ്റ്റേ​ഷ​ൻ മോ​ണ്ടി​നെഗ്രോ​യു​ടെ ത​ല​സ്ഥാ​ന​മാ​യ പൊ​ഡ്ഗോറിസ്തയാ​ണ്. ഞ​ങ്ങ​ൾ ഇ​ന്നു രാ​ത്രി അ​വി​ടെ​യാ​ണ് ത​ങ്ങു​ന്ന​ത്. ജോ​വാ​നോട് യാ​ത്ര പ​റ​ഞ്ഞു പു​റ​ത്തി​റ​ങ്ങി. ട്രെ​യി​ൻ അ​വ​സാ​ന സ്റ്റേ​ഷ​നാ​യ ബാ​ർ ല​ക്ഷ്യ​മാ​ക്കി നീ​ങ്ങി​ത്തു​ട​ങ്ങി.

കോ​ട്ടോ​ർ, പു​രാ​ത​ന പ​ട്ട​ണം

രാ​വി​ലെ പൊ​ഡ്ഗോറിസ്ത​യി​ൽ​നി​ന്നും കോ​ട്ടോ​റി​ലേ​ക്ക് തി​രി​ച്ചു. യു​നെ​സ്കോ​യു​ടെ ലോ​ക പൈ​തൃ​ക പ​ട്ടി​ക​യി​ൽ ഇ​ടംപി​ടി​ച്ച പു​രാ​ത​ന പ​ട്ട​ണം. നൂ​റ്റാ​ണ്ടു​ക​ൾ പ​ഴ​ക്ക​മു​ള്ള പ​ഴ​യ വെ​നീ​ഷ്യ​ൻ ന​ഗ​രം. മ​ധ്യ​കാ​ല​ത്തെ പ​ള്ളി​ക​ളും കോ​ട്ട​ക​ളും താ​മ​സ കെ​ട്ടി​ട​ങ്ങ​ളും എ​ല്ലാം അ​തേ​പോ​ലെ നി​ല​നി​ർ​ത്തി​യി​രി​ക്കു​ന്നു. അ​ഡ്രി​യാ​റ്റി​ക് ക​ട​ൽ തീ​ര​ത്താ​ണ് കോ​ട്ടോ​ർ സ്ഥി​തി​ചെ​യ്യു​ന്ന​ത്.​കോ​ട്ടോ​റി​ന്റെ ന​ഗ​ര​പ്ര​ദേ​ശം ഈ ​പു​രാ​ത​ന ന​ഗ​ര​ത്തെ ചു​റ്റി​പ്പ​റ്റി കി​ട​ക്കു​ന്നു.

പ​ഴ​യ ന​ഗ​ര​ത്തി​ലെ കെ​ട്ടി​ട​ങ്ങ​ളി​ൽ പ​ല​തും ഇ​ന്ന് സുവനീർ ഷോ​പ്പു​ക​ളും റ​സ്റ്റ​ാറ​ന്റു​ക​ളും ഹോ​ട്ട​ലു​ക​ളും ഒ​ക്കെ​യാ​യി മാ​റി​യി​രി​ക്കു​ന്നു. ഈ ​പ​ഴ​യ ന​ഗ​ര​ത്തി​ലെ ഒ​രു ഹോ​ട്ട​ലി​ലാ​ണ് ഞ​ങ്ങ​ൾ മു​റി ബു​ക്ക്‌ ചെ​യ്തി​രി​ക്കു​ന്ന​ത്. ഹോ​ട്ട​ൽമു​റി​യി​ൽ​നി​ന്നു​ള്ള കാ​ഴ്ച അ​തി​മ​നോ​ഹ​ര​മാ​ണ്. നീ​ലനി​റ​ത്തി​ലു​ള്ള അ​ഡ്രി​യാ​റ്റി​ക് ക​ട​ലി​ലേ​ക്ക് ചു​റ്റും പ​ർ​വ​ത​ങ്ങ​ൾ ആ​ഴ​ത്തി​ൽ ഇ​റ​ങ്ങിനി​ൽ​ക്കു​ന്നു. ജ​ല വി​നോ​ദ​ങ്ങ​ളു​ടെ പ​റു​ദീ​സ​യാ​ണ് ഇ​വി​ടെ. വേ​ന​ൽ​ക്കാ​ല​മാ​യാ​ൽ ലോ​ക​ത്തി​ന്റെ വി​വി​ധഭാ​ഗ​ങ്ങ​ളി​ൽ നി​ന്ന് സ​ഞ്ചാ​രി​ക​ൾ ഇ​ങ്ങോ​ട്ട് ഒ​ഴു​കും. ചെ​റി​യ ഉ​ല്ലാ​സബോ​ട്ടു​ക​ൾ മു​ത​ൽ അ​ത്യാ​ധു​നി​ക ആ​ഡം​ബ​ര​ങ്ങ​ളോ​ടു​കൂ​ടി​യ ക​പ്പ​ലു​ക​ൾ വ​രെ ഇ​വി​ടെ നി​റ​ഞ്ഞുനി​ൽ​ക്കു​ന്നു.

അ​ഡ്രി​യാ​റ്റി​ക് ക​ട​ൽ​തീ​രം

കോ​ട്ടോ​റി​ലെ​ത്തു​ന്ന ഓ​രോ സ​ഞ്ചാ​രി​യും തീ​ർ​ച്ച​യാ​യും അ​നു​ഭ​വി​ച്ച​റി​യേ​ണ്ട​താ​ണ് അ​ഡ്രി​യാ​റ്റി​ക് ക​ട​ലി​ലൂ​ടെ​യു​ള്ള ബോ​ട്ട് യാ​ത്ര. ‘ഔ​വർ ലേ​ഡി ഓ​ഫ് ദ ​റോ​ക്ക്’ എ​ന്ന മ​നു​ഷ്യ​നി​ർ​മി​ത ദ്വീ​പും അ​വി​ടത്തെ പു​രാ​ത​ന ദേ​വാ​ല​യ​വും യൂ​ഗോ​സ്‍ലാ​വി​യ​യു​ടെ ഭ​ര​ണ​കാ​ല​ത്ത് യു​ദ്ധ​ങ്ങ​ളി​ൽ​നി​ന്ന് സം​ര​ക്ഷ​ണാ​ർ​ഥം സ്ഥാ​പി​ച്ച സ​ബ്മ​റൈ​ൻ ട​ണ​ലും പ്ര​കൃ​തി​യു​ടെ പ്ര​തി​ഭാ​സ​മാ​യി കാ​ല​ക്ര​മേ​ണ രൂ​പ​പ്പെ​ട്ട നീ​ല​നി​റ​ത്താ​ൽ വെ​ള്ളം ചു​റ്റ​പ്പെ​ട്ട ബ്ലൂ​കേ​വ് എ​ന്ന​റി​യ​പ്പെ​ടു​ന്ന ഗു​ഹ​യി​ലെ കു​ളി​യും പി​ന്നെ പെ​റാ​സ്റ്റ് എ​ന്ന പു​രാ​ത​ന ന​ഗ​ര​ത്തി​ലെ വി​സ്മ​യ കാ​ഴ്ച​ക​ളും എ​ല്ലാം ഈ ​ബോ​ട്ടുയാ​ത്ര​യി​ൽ കാ​ണാം. ജീ​വി​ത​ത്തി​ൽ എ​ക്കാ​ല​വും ഓ​ർ​മി​ക്കാ​ൻ അ​ഡ്രി​യാ​റ്റി​ക് ക​ട​ലി​ന്റെ തീ​ര​ങ്ങ​ളി​ലൂ​ടെ​യു​ള്ള ഒ​രു വി​സ്മ​യ സ​ഞ്ചാ​രം.

സ്വെ​തി സ്റ്റെ​ഫാ​ൻ

മോ​ണ്ടി​നെഗ്രോ​യി​ൽ എ​ത്തു​ന്ന ഏ​തൊ​രാ​ളും സ​ന്ദ​ർ​ശി​ക്കേ​ണ്ട കൊ​ച്ചു ദ്വീ​പാ​ണ് സ്വെ​തി സ്റ്റെ​ഫാ​ൻ.​ കോ​ട്ടോ​റി​നെ​പ്പോ​ലെ പു​രാ​ത​ന ന​ഗ​ര​വും മ​നോ​ഹ​ര​മാ​യ ക​ട​ൽ​ത്തീ​ര​വു​മു​ള്ള മ​റ്റൊ​രു തീ​ര​ദേ​ശ പ​ട്ട​ണ​മാ​യ ബു​ഡു​വാ​യി​ൽ​നി​ന്ന് അ​ൽ​പദൂ​രം സ​ഞ്ച​രി​ച്ചാ​ൽ ഈ ​മ​നോ​ഹ​ര ദ്വീ​പി​ൽ എ​ത്തി​ച്ചേ​രാം. ആ​ദ്യം എ​ത്തു​ന്ന​ത് നൂ​റ്റാ​ണ്ടു​ക​ൾ പ​ഴ​ക്ക​മു​ള്ള ഒ​ലി​വ് മ​ര​ങ്ങ​ളു​ടെ തോ​ട്ട​ത്തി​ലേ​ക്കാ​ണ്.

പി​ന്നീ​ട് പ​ര​ന്നുകി​ട​ക്കു​ന്ന ഒ​രു ഉ​ദ്യാ​നം, അ​തി​നു തൊ​ട്ട​ടു​ത്താ​യി വി​ശാ​ല​മാ​യ ക​ട​ൽ​ത്തീ​ര, നി​റ​യെ റ​സ്റ്റ​ാറ​ന്റു​ക​ൾ. അ​ൽ​പം മാ​റി പു​രാ​ത​ന ന​ഗ​ര​വും. യൂ​ഗോ​സ്‍ലാ​വിയ​യു​ടെ ഭ​ര​ണ ത​ക​ർ​ച്ച​ക്കുശേ​ഷം അ​ട​ഞ്ഞു​കി​ട​ന്നി​രു​ന്ന ഈ ​ദ്വീ​പി​നെ മോ​ണ്ടി​നെഗ്രോ​യി​ലെ പു​തി​യ സ​ർ​ക്കാ​ർ ഒ​രു റി​സോ​ർ​ട്ട് ക​മ്പ​നി​ക്ക് 30 വ​ർ​ഷ​ത്തെ പാ​ട്ട​ത്തി​ന് കൊ​ടു​ത്തി​രി​ക്കു​ന്നു. ദ്വീ​പി​ന്റെ ന​ഷ്ട​പ്പെ​ട്ടു​പോ​യ പ​ഴ​യ ചാ​രു​ത​യെ പു​ന​സൃ​ഷ്ടി​ക്കു​ക​യാ​യി​രു​ന്നു ഇ​തി​ലൂ​ടെ ല​ക്ഷ്യം.