നാ​ടു​കാ​ണി​യി​ൽ വ​ന്നാ​ൽ കാ​ണാം... ക​ണ്ണു​പൊ​ത്തു​ന്ന കോ​ട​മ​ഞ്ഞ്

നി​ല​മ്പൂ​ർ: നോ​ക്കെ​ത്താ ദൂ​ര​ത്തോ​ളം വൃ​ക്ഷ​ത്ത​ല​പ്പി​നാ​ൽ അ​ല​ങ്കൃ​തം, ത​ണു​ത്ത കാ​റ്റ്, മു​ന്നി​ലൂ​ടെ​യും പി​ന്നി​ലൂ​ടെ​യും വ​ന്ന് ക​ണ്ണു​പൊ​ത്തു​ന്ന കോ​ട​മ​ഞ്ഞ്. ചു​രം യാ​ത്ര​യി​ലു​ട​നീ​ളം കൂ​ട്ടു​വ​രു​ന്ന കോ​ട​മ​ഞ്ഞ്. സ്വ​പ്ന​ത്തെ​ക്കാ​ൾ മൂ​ല‍്യ​മു​ള്ള അ​നു​ഭ​വ​ങ്ങ​ളാ​ണ് നാ​ടു​കാ​ണി ഒ​രു​ക്കു​ന്ന​ത്. ചോ​ല​വ​ന​ങ്ങ​ളും അ​രു​വി​ക​ളു​മാ​ണ് നാ​ടു​കാ​ണി​യു​ടെ മ​റ്റൊ​ര​ഴ​കും ആ​ക​ർ​ഷ​ണ​വും. വ്യൂ​പോ​യ​ന്റി​ൽ നി​ന്നാ​ൽ കോ​ട​മ​ഞ്ഞ് പെ​യ്തി​റ​ങ്ങു​ന്ന​ത് കാ​ണാം. പ​ശ്ചി​മ​ഘ​ട്ട​ത്തി​ന്‍റെ ഭാ​ഗ​മാ​ണി​ത്. മ​ൺ​സൂ​ൺ കാ​ല​ത്തി​ന്‍റെ വ​ര​വ​റി​യി​ച്ച് ചു​രം കോ​ട​മ​ഞ്ഞ് പു​ത​ക്കു​ന്ന​ത് അ​പൂ​ർ​വ​മ​ല്ല.

ക​ഴി​ഞ്ഞ ദി​വ​സ​ങ്ങ​ളി​ൽ ന​ട്ടു​ച്ച​ക്കു​പോ​ലും ചു​രം കോ​ട​മ​ഞ്ഞി​ന്‍റെ മേ​ലാ​പ്പ​ണി​ഞ്ഞു. സ​മു​ദ്ര​നി​ര​പ്പി​ൽ​നി​ന്ന് 1200ഓ​ളം അ​ടി ഉ​യ​ര​ത്തി​ലൂ​ടെ​യാ​ണ് ചു​രം പാ​ത ക​ട​ന്നു​പോ​വു​ന്ന​ത്. നീ​ല​ഗി​രി​യോ​ട് ചേ​ർ​ന്നു​ള്ള ഭൂ​മി​ക. ചു​രം​പാ​ത​യു​ടെ പ​തി​നൊ​ന്ന​ര കി​ലോ​മീ​റ്റ​ർ ദൂ​രം കേ​ര​ള​ത്തി​ന്‍റെ​യും ആ​റ് കി​ലോ​മീ​റ്റ​ർ ഭാ​ഗം ത​മി​ഴ്നാ​ടി​ന്‍റേ​യു​മാ​ണ്. ജ​ന​വാ​സ കേ​ന്ദ്ര​മാ​യ ആ​ന​മ​റി​യി​ൽ​നി​ന്ന് മൂ​ന്ന​ര കി​ലോ​മീ​റ്റ​ർ യാ​ത്ര ചെ​യ്താ​ൽ ഒ​ന്നാം​വ​ള​വി​ലെ​ത്താം.

ഇ​വി​ടം മു​ത​ലാ​ണ് ചു​ര​ത്തി​ലെ മ​നോ​ഹ​ര താ​ഴ്വാ​ര കാ​ഴ്ച തു​ട​ങ്ങു​ന്ന​ത്. കാ​ഴ്ച​യു​ടെ വ​സ​ന്തം സ​മ്മാ​നി​ച്ചും വി​ക​സ​ന​ത്തി​ന്‍റെ തേ​ര്‍ തെ​ളി​ച്ചും ചു​രം​പാ​ത ഒ​ന്നു​കൂ​ടി മ​ണ​വാ​ട്ടി ച​മ​ഞ്ഞി​ട്ടു​ണ്ട്. അ​ടു​ത്ത​കാ​ല​ത്താ​യി കാ​ലാ​വ​സ്ഥ വ്യ​തി​യാ​ന​ത്തോ​ടൊ​പ്പം ചു​ര​ത്തി​ൽ കോ​ട​മ​ഞ്ഞ് കു​റ​ഞ്ഞു​വ​രു​ന്ന​താ​യി കാ​ണു​ന്നു. വെ​ള്ള​ത്തി​ന്‍റെ സാ​ന്നി​ധ‍്യം കു​റ​ഞ്ഞു​വ​രു​ന്ന​താ​ണ് ഒ​രു കാ​ര​ണ​മാ​യി പ​റ​യു​ന്ന​ത്. മു​ള​ങ്കാ​ടു​ക​ൾ കു​റ​ഞ്ഞ​തോ​ടെ കാ​റ്റി​ന്‍റെ വേ​ഗം കൂ​ടു​ന്ന​തി​നാ​ൽ മ​ഞ്ഞു​പ​ട​ല​ങ്ങ​ൾ ചി​ത​റു​ന്ന​തും കോ​ട​മ​ഞ്ഞ് കു​റ​യാ​ൻ കാ​ര​ണ​മാ​യി പ​റ​യു​ന്നു​ണ്ട്.