ലോക ടൂറിസം ഭൂപടം: തലസ്ഥാനം സഞ്ചാരികളുടെ പ്രിയ ലക്ഷ്യസ്ഥാനം

തി​രു​വ​ന​ന്ത​പു​രം: ലോ​ക ടൂ​റി​സം ഭൂ​പ​ട​ത്തി​ൽ സ​ഞ്ചാ​രി​ക​ളു​ടെ പ്രി​യ ഇ​ട​മാ​യി ത​ല​സ്ഥാ​നം. പ്ര​മു​ഖ ട്രാ​വ​ൽ വെ​ബ്സൈ​റ്റാ​യ സ്‌​കൈ സ്‌​കാ​ന​റി​ന്റെ ട്രെ​ൻ​ഡി​ങ്‌ ഡെ​സ്റ്റി​നേ​ഷ​ൻ പ​ട്ടി​ക​യി​ലാ​ണ്​ ത​ല​സ്ഥാ​നം ഇ​ടം​നേ​ടി​യ​ത്. 2025ൽ ​കൂ​ടു​ത​ൽ വി​നോ​ദ​സ​ഞ്ചാ​രി​ക​ൾ യാ​ത്ര ചെ​യ്യാ​ൻ ഇ​ഷ്‌​ട​പ്പെ​ടു​ന്ന ട്രെ​ൻ​ഡി​ങ്‌ ഡെ​സ്റ്റി​നേ​ഷ​നു​ക​ളു​ടെ പ​ട്ടി​ക​യി​ൽ പ​ത്താം സ്ഥാ​ന​മാ​ണ് തി​രു​വ​ന​ന്ത​പു​ര​ത്തി​ന്‌.

ഡെ​സ്റ്റി​നേ​ഷ​നു​ക​ൾ​ക്കാ​യു​ള്ള ഇ​ന്റ​ർ​നെ​റ്റ്​ തി​ര​ച്ചി​ലി​ൽ ക​ഴി​ഞ്ഞ 12 മാ​സ​ത്തെ വ​ർ​ധ​ന അ​ടി​സ്ഥാ​ന​മാ​ക്കി​യാ​ണ് പ​ട്ടി​ക. 66 ശ​ത​മാ​ന​മാ​ണ്​ വ​ർ​ധ​ന. ഇ​റ്റ​ലി​യി​ലെ റെ​ജോ ക​ലാ​ബ്രി​യ ആ​ണ് പ​ട്ടി​ക​യി​ൽ ഒ​ന്നാ​മ​ത്. ഹെ​ൽ​ത്ത്-​വെ​ൽ​നെ​സ് ടൂ​റി​സ​ത്തി​ലെ നേ​ട്ട​വും തി​രു​വ​ന​ന്ത​പു​ര​ത്തെ പ​ട്ടി​ക​യി​ൽ മു​ൻ​നി​ര​യി​ൽ എ​ത്തി​ച്ചു.

തി​രു​വ​ന​ന്ത​പു​ര​ത്തെ​യും കേ​ര​ള​ത്തെ​യും സം​ബ​ന്ധി​ച്ച്‌ സ​ന്തോ​ഷ​ക​ര​മാ​യ അം​ഗീ​കാ​ര​മാ​ണി​തെ​ന്ന്‌ മ​ന്ത്രി പി.​എ. മു​ഹ​മ്മ​ദ്‌ റി​യാ​സ്‌ പ​റ​ഞ്ഞു. പു​തി​യ കാ​ല​ത്ത് ഹെ​ൽ​ത്ത്-​വെ​ൽ​നെ​സ് ടൂ​റി​സ​ത്തി​ന് വ​ലി​യ പ്രാ​ധാ​ന്യ​മാ​ണു​ള്ള​ത്.

ലോ​ക​പ്ര​ശ​സ്‌​ത​മാ​യ അ​നേ​കം കാ​ഴ്‌​ച​ക​ളു​ള്ള തി​രു​വ​ന​ന്ത​പു​ര​ത്തെ പൈ​തൃ​ക​ന​ഗ​ര​മാ​ക്കാ​നു​ള്ള പ്ര​വൃ​ത്തി പൂ​ർ​ത്തി​യാ​കു​ന്നു. മാ​ന​വീ​യം​വീ​ഥി വ​ലി​യ ശ്ര​ദ്ധ നേ​ടി. പ്ര​തി​മ​ക​ളു​ടെ ച​രി​ത്രം പ​റ​യു​ന്ന പ​ദ്ധ​തി അ​വ​സാ​ന​ഘ​ട്ട​ത്തി​ലാ​ണ്‌. ച​ന്ദ്ര​ശേ​ഖ​ർ നാ​യ​ർ സ്റ്റേ​ഡി​യം ഓ​വ​ർ​ബ്രി​ഡ്‌​ജും ചാ​ക്ക ഓ​വ​ർ​ബ്രി​ഡ്‌​ജും ദീ​പാ​ലം​കൃ​ത​മാ​ക്കാ​നു​ള്ള പ്ര​വ​ർ​ത്ത​നം പു​രോ​ഗ​മി​ക്കു​ക​യാ​ണെ​ന്നും മ​ന്ത്രി പ​റ​ഞ്ഞു.