ഇവിടം സ്വർഗമാണ്

ഭൂ​മി​യി​ലെ സ്വ​ർ​ഗം എ​ന്ന​റി​യ​പ്പെ​ടു​ന്ന ക​ശ്മീ​രി​ൽ ഇ​ത് മ​ഞ്ഞു പൂ​ക്കും കാ​ല​മാ​ണ്. ര​ണ്ടു സീ​സ​ണി​ലാ​ണ് കശ്മീ​രി​ൽ സ​ന്ദ​ർ​ശ​ക​ർ ഏ​റെ​യെ​ത്തു​ന്ന​ത്. മ​ഞ്ഞും കു​ളി​രും ആ​സ്വ​ദി​ക്കാ​ൻ ഡി​സം​ബ​ർ, ജ​നു​വ​രി മാ​സ​ങ്ങ​ളി​ലും പൂ​ക്ക​ളും ഫ​ല​ങ്ങ​ളും മ​ധു​വും മ​ണ​വും പ​ര​ന്ന ജൂ​ൺ, ജൂ​ലൈ വ​സ​ന്ത​കാ​ല​ത്തും. എ​ന്നാ​ൽ, ക​ശ്മീ​രി​ലെ കാ​ലാ​വ​സ്ഥ ക​ണ​ക്കു​കൂ​ട്ടി​യ​തു​പോ​ലെ​യാ​യി​ക്കൊ​ള്ള​ണ​മെ​ന്നി​ല്ല. പ്ര​ത്യേ​കി​ച്ച് മ​ഞ്ഞി​ന്റെ കാ​ര്യം. ഞ​ങ്ങ​ൾ ആ​റു​പേ​രാ​യി​രു​ന്നു യാ​ത്രാ​സം​ഘ​ത്തി​ൽ.

ഗു​ൽ​മ​ാർ​ഗി​ലേ​ക്കാ​യി​രു​ന്നു ആ​ദ്യ ദി​വ​സ​ത്തെ പ്ലാ​ൻ. എ​ന്നാ​ൽ, നേ​രം പു​ല​ർ​ന്ന​പ്പോ​ൾ ആ​ശ​ങ്ക​യെ​ല്ലാം അ​സ്ഥാ​ന​ത്താ​യി. മ​ഞ്ഞി​ൽ പൊ​തി​ഞ്ഞ ക​ശ്മീ​രാ​യി​രു​ന്നു ഞ​ങ്ങ​ളു​ടെ മു​ന്നിൽ. അ​ക്ഷ​രാ​ർ​ഥ​ത്തി​ൽ വി​സ്മ​യ കാ​ഴ്ച. ക​ട്ട​പി​ടി​ച്ച മ​ഞ്ഞി​ൽ ശു​ഭ്രവ​സ്ത്ര​ധാ​രി​യാ​യ ക​ശ്മീ​രെ​ത്ര മ​നോ​ഹ​രം.

വീ​ടു​ക​ൾ,റോ​ഡു​ക​ൾ, ക​ട​ക​ൾ, മ​ര​ങ്ങ​ൾ, മൈ​താ​ന​ങ്ങ​ൾ എ​ല്ലാ​യി​ട​വും ഒ​റ്റ രാ​ത്രികൊ​ണ്ട് മ​ഞ്ഞി​ലാ​ണ്ടു. ശി​ഖ​ര​ങ്ങ​ളും ചി​ല്ല​ക​ളു​മ​ട​ക്കം ഒ​രി​ഞ്ചും വി​ടാ​തെ മ​ഞ്ഞു പൂ​ത്ത മ​ര​ങ്ങ​ൾ. പ്ര​കൃ​തി​യാ​കെ മ​ഞ്ഞി​ന്റെ മേ​ലാ​പ്പ്. ആ​കാ​ശം നി​ല​ക്കാ​തെ മ​ഞ്ഞുപെ​യ്തു​കൊ​ണ്ടി​രി​ക്കു​ക​യാ​ണ്.

അ​പ്പോ​ഴാ​ണ് ഞ​ങ്ങ​ളു​ടെ ഡ്രൈ​വ​റാ​യി​രു​ന്ന സ​ഹൂ​ർ​ബാ​യ്, ത​മാ​ശ​മ​ട്ടി​ൽ ഇ​വി​ട​ത്തെ ഒ​രു പ​ഴ​ഞ്ചൊ​ല്ല് പ​റ​ഞ്ഞു​ത​ന്ന​ത്. ‘മും​ബൈ​യി​ലെ ഫാ​ഷ​ൻ, ക​ശ്മീ​രി​ലെ കാ​ലാ​വ​സ്ഥ ഇ​വ​യൊ​ന്നും മു​ൻ​കൂ​ട്ടി പ്ര​വ​ചി​ക്കാ​ൻ ക​ഴി​യി​ല്ല’. ശ​രി​യാ​ണ്, മ​ഞ്ഞി​നാ​യി കാ​ത്തും കൊ​തി​ച്ചും വ​ന്ന് നി​രാ​ശ​രാ​യ എ​ത്ര​യെ​ത്ര സ​ഞ്ചാ​രി​ക​ൾ.

ഗുൽമാർഗ്

കു​ന്നും മ​ല​യും വ​ള​വും തി​രി​വു​മു​ള്ള ചു​രം ക​യ​റി​യു​ള്ള ഗു​ൽ​മ​ാർ​ഗ് യാ​ത്ര, ക​ശ്മീ​ർ സ​ന്ദ​ർ​ശ​ന​ത്തി​ന്റെ അ​വി​സ്മ​ര​ണീ​യ അ​നു​ഭ​വ​വും അ​നു​ഭൂ​തി​യു​മാ​ണ്. റോ​ഡാ​കെ ക​ട്ടി​യു​ള്ള മ​ഞ്ഞാ​കും. സാ​ധാ​ര​ണ വാ​ഹ​ന​ങ്ങ​ൾ​ക്ക് ക​യ​റി​പ്പോ​കാ​ൻ ക​ഴി​യാ​ത്ത മ​ഞ്ഞു​പാ​ത. അ​തി​നാ​ൽ ചു​രം ആ​രം​ഭി​ക്കു​ന്ന​തി​നു മു​മ്പേ, ട​യ​റു​ക​ളി​ൽ ച​ങ്ങ​ല ഘ​ടി​പ്പി​ച്ച വാ​ഹ​ന​ങ്ങ​ളി​ലേ​ക്ക് മാ​റും. വാ​ഹ​ന​ത്തി​നു മാ​ത്ര​മ​ല്ല, സ​ഞ്ചാ​രി​ക​ൾ​ക്കും വേ​ണം മ​ഞ്ഞി​നെ പ്ര​തി​രോ​ധി​ക്കാ​നു​ള്ള മു​ന്നൊ​രു​ക്കം.

മ​ഞ്ഞി​ലേ​ക്ക് പ​റ്റി​യ കോ​ട്ടും ഷൂ​വും ക​ണ്ണ​ട​യും നി​ർ​ബ​ന്ധം. ഇ​ത് വാ​ട​ക​ക്ക് എ​ടു​ക്കാ​റാ​ണ് പ​തി​വ്. ഇ​തി​നാ​യി ധാ​രാ​ളം ക​ട​ക​ളു​ണ്ടി​വി​ടെ. ക​ച്ച​വ​ട​ക്കാ​രു​ടെ കെ​ണി​യി​ൽ പെ​ടാ​തി​രി​ക്കാ​ൻ പ്ര​ത്യേ​കം ശ്ര​ദ്ധി​ക്ക​ണം. ഭ​ക്ഷ​ണം, ടോ​യ് ല​റ്റ് തു​ട​ങ്ങി​യ സൗ​ക​ര്യ​ങ്ങ​ളെ​ല്ലാം അ​വി​ടെ​യു​ണ്ട്.

മ​ഞ്ഞി​ന്റെ തോ​ത​നു​സ​രി​ച്ച് ഗു​ൽ​മ​ാർ​ഗി​നെ ര​ണ്ടാ​ക്കി തി​രി​ച്ചി​ട്ടു​ണ്ട്. ഓ​രോ ഘട്ടത്തിലേക്കും എ​ത്തു​ന്ന​ത് കേ​ബ്​ൾ കാ​ർ സ​ർ​വിസി​ലൂ​ടെ​യാ​ണ്. എ​ട്ടു മി​നി​റ്റോ​ളം യാ​ത്ര ചെ​യ്താ​ണ് ആദ്യ ഫെ​യ്സി​ൽ എ​ത്തു​ന്ന​ത്.

ആദ്യ ഫെ​യ്സി​ലെ ആ​സ്വാ​ദ​ന​ത്തി​നുശേ​ഷം വീ​ണ്ടും കേ​ബ്ൾ കാ​റി​ലാ​ണ് ര​ണ്ടാ​മ​ത്തെ ഫെ​യ്സി​ൽ എ​ത്തു​ക. ആ​ദ്യ ഫെ​യ്സി​ൽ മ​ഞ്ഞി​ന്റെ പൂ​തി തീ​രാ​ത്ത​വ​ർ​ക്ക് സെ​ക്ക​ൻഡ് ഫെ​യ്സി​ൽ പോ​കാം. ഇ​വ ര​ണ്ടി​നും നേ​ര​ത്തേ ഓ​ൺ​ലൈ​നി​ൽ ബു​ക്കി​ങ് സൗ​ക​ര്യ​മു​ണ്ട്.

മ​ഞ്ഞ് ക​ണ​ക്കി​ലേ​റെ​യാ​യാ​ൽ ഇ​വി​ടേ​ക്കു​ള്ള പ്ര​വേ​ശ​നം ത​ട​യു​ക​യും ചെ​യ്യും. എ​ല്ലാ​യി​ട​വും മ​ഞ്ഞാ​യാ​ൽ പി​ന്നെ​യെ​ന്തി​ന് പ്ര​ത്യേ​കം മ​ഞ്ഞു​മ​ല? മ​ഞ്ഞി​ന്റെ ആ​ധി​ക്യം കാ​ര​ണം സെ​ക്ക​ൻഡ് ഫെ​യ്സ് അ​ന്ന് അ​ട​ച്ചി​ട്ടി​രി​ക്കു​ക​യാ​യി​രു​ന്നു. ഒ​ന്നി​ൽ​ത​ന്നെ അ​ഞ്ച​ടി​യോ​ളം ഘ​ന​ത്തി​ൽ മ​ഞ്ഞാ​യി​രു​ന്നു. ഇ​തി​നു പു​റ​മെ കാ​റ്റി​ൽ തൂ​വ​ൽ പ​റ​ക്കു​ന്ന​േപാലെ നി​ല​ക്കാതെ രാ​പ്പ​ക​ൽ മ​ഞ്ഞു പെ​യ്തുകൊ​ണ്ടു​മി​രു​ന്നു.

പ​ഹ​ൽ​ഗാം

ഞ​ങ്ങ​ളു​ടെ അ​ടു​ത്ത ല​ക്ഷ്യം ക​ശ്മീ​രി​ലെ മ​റ്റൊ​രു പ്ര​ധാ​ന സ​ഞ്ചാ​ര കേ​ന്ദ്ര​മാ​യ ‘ഇ​ട​യ​ന്മാ​രു​ടെ താ​​ഴ് വ​ര’ എ​ന്ന​റി​യ​പ്പെ​ടു​ന്ന പ​ഹ​ൽ​ഗാ​മാ​യി​രു​ന്നു.

പ​ഹ​ൽ​ഗാ​മി​ലേ​ക്കു പു​റ​പ്പെ​ട്ട ര​ണ്ടാം ദി​വ​സം മ​ഞ്ഞ് പി​ന്നെ​യും കൂ​ടി​യി​രു​ന്നു. താ​മ​സി​ക്കു​ന്ന ഹോ​ട്ട​ലി​നു മു​ന്നിൽ നി​ർ​ത്തി​യി​ട്ട വാ​ഹ​ന​ങ്ങ​ളെ​ല്ലാം മ​ഞ്ഞി​ൽ പൊ​തി​ഞ്ഞി​രി​ക്കു​ക​യാ​ണ്. റോ​ഡി​ലൂ​ടെ വാ​ഹ​ന​ങ്ങ​ൾ​ക്ക് നീ​ങ്ങാ​ൻ ക​ഴി​യു​ന്നി​ല്ല. ആ​റ​ടി​യോ​ളം ഘ​ന​ത്തി​ലാ​ണ് മ​ഞ്ഞ് പ​ര​ന്നുകി​ട​ക്കു​ന്ന​ത്.

വാ​ഹ​ന​ങ്ങ​ളു​ടെ മു​ക​ളി​ൽനി​ന്ന് മ​ഞ്ഞു​ക​ട്ട​ക​ൾ ഉ​രു​ണ്ടുവീ​ഴു​ന്നു. മ​ഞ്ഞു​കാ​ര​ണം നി​ന്നു​പോ​വു​ക​യും തെ​ന്നു​ക​യും ചെ​യ്യു​ന്ന വാ​ഹ​ന​ങ്ങ​ൾ പൊ​ലീ​സു​കാ​ർ ത​ള്ളി​നീ​ക്കി സ​ഹാ​യി​ച്ചു​കൊ​ണ്ടി​രി​ക്കു​ന്നു​ണ്ടാ​യി​രു​ന്നു.

പ​ഹ​ൽ​ഗാ​മും ഗു​ൽ​മ​ാർ​ഗ് പോ​ലെ മ​ഞ്ഞി​ന്റെ തോ​ത​നു​സ​രി​ച്ച് വി​വി​ധ ഫെ​യ്സാ​ക്കി തി​രി​ച്ചി​ട്ടു​ണ്ട്. മ​ഞ്ഞ് കൂ​ടി​യാ​ൽ അ​പ​ക​ട സാ​ധ്യ​ത​യു​ണ്ട്. അ​തി​നാ​ൽ ഇ​വി​ടേ​ക്കു​ള്ള റോ​ഡും ഇ​ത്ത​രം ഘ​ട്ട​ത്തി​ൽ അ​ട​ച്ചി​ടും. പ​ഹ​ൽ​ഗാ​മി​ൽ മ​നോ​ഹ​ര​മാ​യ ബേ​താ​ബ്, ആ​റു, ബൈ​സ​ര​ൺ, ച​ന്ദ​ൻ തു​ട​ങ്ങി​യ താ​ഴ്വ​ര​ക​ളും കാ​ണാ​നു​ണ്ട്.

തോ​ക്കേ​ന്തി​യ പ​ട്ടാ​ള​ക്കാ​ർ എ​ല്ലാ​യി​ട​ത്തും നി​ല​യു​റ​പ്പി​ച്ച​തു കാ​ണാം. ക​ശ്മീ​രി​ന്റെ അ​ശാ​ന്തി ഓ​ർ​മിപ്പി​ക്കു​ന്ന കാ​ഴ്ച. സ​ഞ്ചാ​രി​ക​ൾ​ക്ക് ഇ​തി​ൽ ഭ​യ​പ്പെ​ടാ​നൊ​ന്നു​മി​ല്ല. പ​ഹ​ൽ​ഗാ​മി​ലേ​ക്കു​ള്ള വ​ഴി നീ​ളെ ആ​പ്പി​ൾ തോ​ട്ട​ങ്ങ​ളും വാ​ൾ​ന​ട്ട് മ​ര​ങ്ങ​ളും വി​ല്ലോ​മ​ര​ങ്ങ​ളും കാ​ണാ​മാ​യി​രു​ന്നു. വ​സ​ന്ത​കാ​ല​ത്തെ അ​ഴ​കു​ള്ള കാ​ഴ്ച​യാ​യ ആ​പ്പി​ൾ​തോ​ട്ട​ങ്ങ​ളും കു​ങ്കു​മം, ക​ട​ുക് വ​യ​ലു​ക​ളും ഇ​പ്പോ​ൾ വെ​ള്ള​പ്പ​ര​വ​താ​നി വി​രി​ച്ചി​രി​ക്കു​ക​യാ​ണ്.

യാ​ത്രാ സം​ഘ​ത്തി​ലെ ഖ​മ​ർ ബാ​നു​വും അ​സീ​ലും ന​സീ​ലും രോ​ഷ്ന​യും ര​ണ്ടു വ​യ​സ്സു ക​ഴി​ഞ്ഞ റൂ​ഹാ​നു​മെ​ല്ലാം അ​ഞ്ച​ടി മ​ഞ്ഞി​ന്റെ പ​ര​വ​താ​നി​യി​ൽ ആ​റാ​ടി. ചാ​റ്റ​ൽ മ​ഴ​പോ​ലെ വ​ർ​ഷി​ച്ചു​കൊ​ണ്ടി​രി​ക്കു​ന്ന മ​ഞ്ഞി​ൽ ന​ന​യു​മെ​ന്ന് ഒ​ട്ടും പേ​ടി​ക്കേ​ണ്ട. മ​ണ​ൽ​പോ​ലെ കൈ​കൊ​ണ്ട് ത​ട്ടി​ക്ക​ള​യാം. പാ​റി​പ്പോ​കും.

വി​വി​ധ ആ​കൃ​തി​യി​ലാ​ണ് മ​ഞ്ഞ് പ​റ​ന്നു​വീ​ഴു​ന്ന​ത്. മ​ഞ്ഞു വാ​രി ക​ളി​ക്കാം. രൂ​പ​ങ്ങ​ളു​ണ്ടാ​ക്കാം.​നി​ല​ത്ത് വീ​ണ് ക​ട്ടി​യാ​യ മ​ഞ്ഞി​ലൂ​ടെ ന​ട​ക്കാം, ഓ​ടി​ക്ക​ളി​ക്കാം. ചു​രു​ട്ടാ​നും മ​ട​ക്കാ​നു​മെ​ല്ലാം പ​റ്റു​ന്ന മ​ഞ്ഞി​ന്റെ കാ​ര്യം അ​ത്ഭു​തം​ത​ന്നെ​യ​ല്ലേ. ക​ശ്മീ​ർ പാ​ത​യോ​ര​ത്ത് നി​റ​ഞ്ഞുനി​ൽ​ക്കു​ന്ന വി​ല്ലോ​മ​രം​കൊ​ണ്ടാ​ണ് ക്രി​ക്ക​റ്റ് ബാ​റ്റു​ണ്ടാ​ക്കു​ന്ന​ത്. ബാ​റ്റു​ക​ളു​ടെ ഒ​രു നി​ർ​മാ​ണ ഫാ​ക്ട​റി ഞ​ങ്ങ​ൾ സ​ന്ദ​ർ​ശി​ച്ചു. ത​ടി​ക്ക​ഷണങ്ങ​ൾ ബാ​റ്റു​ക​ളാ​യി മാ​റു​ന്ന​തു​വ​രെ​യു​ള്ള ഓ​രോ ഘ​ട്ട​വും അ​വ​ർ കാ​ണി​ച്ചു​ത​ന്നു.

ശ്രീ​ന​ഗ​റി​ൽ​നി​ന്ന് പ​ഹ​ൽ​ഗാ​മി​ലേ​ക്കു​ള്ള യാ​ത്ര​ക്കി​ടെ സ​ഹൂ​ർ​ബാ​യി ചൂ​ണ്ടി​ക്കാ​ട്ടി, ചോ​ര​പ്പാ​ടു​ക​ൾ മാ​യാ​ത്ത പു​ൽ​വാ​മ​യി​ലേ​ക്ക്. രാ​ജ്യ​ത്തെ ന​ടു​ക്കി​യ പു​ൽ​വാ​മ സ്ഫോ​ട​ന​ത്തെ​പ്പ​റ്റി സ​ഹൂ​ർ​ബാ​യി​ക്ക് ഒ​രു​പാ​ട് പ​റ​യാ​നു​ണ്ടാ​യി​രു​ന്നു.

ശിക്കാ​ര

‘ശ്രീ​ന​ഗ​റി​ന്റെ ര​ത്‌​നം’ എ​ന്ന​റി​യ​പ്പെ​ടു​ന്ന ദാ​ല്‍ ത​ടാ​ക​ത്തി​ലെ ശിക്കാ​ര (ചെ​റു​തോ​ണി) വ​ഞ്ചിയാ​ത്ര​യാ​യി​രു​ന്നു പി​റ്റേ ദി​വ​സ​ത്തെ ല​ക്ഷ്യം. ത​ടി​യി​ല്‍ നി​ർമി​ച്ച ബോ​ട്ടു​ക​ളാ​ണ് ശിക്കാ​ര എ​ന്ന​റി​യ​പ്പെ​ടു​ന്ന​ത്.

മൂ​ന്നാം ദി​വ​സ​മാ​യ​പ്പോ​ഴേ​ക്ക് മ​ഞ്ഞു പെ​യ്ത്തി​ന്റെ തീ​വ്ര​ത പി​ന്നെ​യും​കൂ​ടി, ത​ണു​പ്പും. അ​ന്ന​ത്തെ പ​രി​പാ​ടി ശിക്കാരയാ​യ​തി​നാ​ൽ റോ​ഡി​ലെ ഗ​താ​ഗ​ത​ക്കു​രു​ക്കും മ​ഞ്ഞു പെ​യ്ത്തും ത​ടസ്സമാ​യി​ല്ല. വി​ശാ​ല​മാ​യ ജ​ലാ​ശ​യ​ത്തി​ലൂ​ടെ​യു​ള്ള മൂ​ന്നു മ​ണി​ക്കൂ​ർ നീ​ണ്ട യാ​ത്ര​ക്ക് അ​ര​ മ​ണി​ക്കൂ​റി​ന്റെ ദൈ​ർ​ഘ്യം​പോ​ലും തോ​ന്നി​യി​ല്ല. അ​ത്ര​ക്ക് ആ​സ്വാ​ദ്യ​മാ​യ യാ​ത്ര​യാ​യി​രു​ന്നു. തോ​ണി​ക​ളി​ൽ എ​ന്തെ​ല്ലാം ക​ച്ച​വ​ട​ങ്ങ​ളാ​ണ് ഒ​ഴു​കി​ക്കൊ​ണ്ടി​രി​ക്കു​ന്ന​ത്.

മ​ത്സ്യ, മാം​സ വി​ഭ​വ​ങ്ങ​ളും ക​ശ്മീ​രി ക​ഹ്‍വ​യു​മൊ​ക്കെ​യാ​യി ഒ​രു റ​സ്റ്റാ​റ​ന്റാ​യി​രു​ന്നു ആ​ദ്യം വ​ന്ന തോ​ണി. പി​ന്നെ​യ​താ നാ​നാ​ത​രം ക​ളി​ക്കോ​പ്പു​ക​ളു​മാ​യി മ​റ്റൊ​രു തോ​ണി​ക്കാ​ര​ൻ. ഓ​രോ തോ​ണി​യും ഞ​ങ്ങ​ളു​ടെ ശിക്കാരയോ​ട് ചേ​ർ​ത്തുനി​ർ​ത്തും. ജ​ല​പ്പ​ര​പ്പി​ൽ ക​ട​ക​ളും മാ​ർ​ക്ക​റ്റും (ഫ്ലോ​ട്ടി​ങ് മാ​ർ​ക്ക​റ്റ്) കൃ​ഷി​യി​ട​ങ്ങ​ളു​മു​ണ്ട്.

എ​ല്ലാ ദി​വ​സ​വും പു​ല​ർ​ച്ചെ ഇ​വി​ടെ പ​ച്ച​ക്ക​റി മാ​ർ​ക്ക​റ്റും പ്ര​വ​ർ​ത്തി​ക്കാ​റു​ണ്ടെ​ന്ന് തോ​ണി​ക്കാ​ര​ൻ പ​റ​ഞ്ഞു. ജ​ലാ​ശ​യ തു​രു​ത്തു​ക​ളി​ൽ ക​ഴി​യു​ന്ന കു​ടും​ബ​ങ്ങ​ളെ​യും ക​ണ്ടു. ഇ​വ​ർ​ക്ക് സ്വ​ന്തം തോ​ണി​യു​ണ്ടാ​കും. ഇ​തി​ലാ​ണ് പു​റ​ത്തേ​ക്കു പോ​കു​ന്ന​തും തി​രി​ച്ചു വ​രു​ന്ന​തും.

ഹോ​ട്ട​ലി​ലും കാ​റി​ലു​മെ​ല്ലാം ത​ണു​പ്പി​നെ ത​ടു​ക്കാ​ൻ ഹീ​റ്റ​ർ പ്ര​വ​ർ​ത്തി​ക്കു​ന്നു​ണ്ട്. പ​ക്ഷേ, ശിക്കാര​യി​ൽ ഈ ​സം​വി​ധാ​നം പ്രാ​യോ​ഗി​ക​മ​ല്ല. അ​തി​നാ​ൽ ത​ണു​പ്പ് കൂ​ടി​യ ദി​വ​സ​ങ്ങ​ളി​ൽ ഇ​ത​ത്ര സു​ഖ​ക​ര​മാ​വി​ല്ല. മ​ഞ്ഞ് വ​ല്ലാ​തെ കൂ​ടി​യാ​ൽ ശിക്കാ​ര സ​ർ​വിസ് ഉ​ണ്ടാ​വി​ല്ല. തൊ​ട്ട​ടു​ത്ത ദി​വ​സം മ​ഞ്ഞി​ന്റെ ആ​ധി​ക്യ​ത്തി​ൽ റോ​ഡു​ക​ളി​ലൂ​ടെ വാ​ഹ​ന​ങ്ങ​ൾ നീ​ങ്ങാ​തെ​യാ​യി. വി​മാ​ന​ങ്ങ​ൾ​ക്ക് ലാ​ൻ​ഡ് ചെ​യ്യാ​നോ പ​റ​ന്നു​യ​രാ​നോ പ​റ്റു​ന്നി​ല്ല. വി​മാ​ന സ​ർ​വി​സു​ക​ളെ​ല്ലാം നി​ന്നു. ക​ശ്മീ​രി​ലേ​ക്കും തി​രി​ച്ചു​മു​ള്ള യാ​ത്ര​യെ​ല്ലാം നി​ന്നു.

ക​ശ്മീ​രാ​കെ മ​ഞ്ഞി​ൽ മു​ങ്ങി​യി​രു​ന്നു. ഫെ​ബ്രു​വ​രി ആ​റോ​ടെ മ​ഞ്ഞു പെ​യ്ത്ത് തെ​ല്ലൊ​ന്ന് കു​റ​ഞ്ഞെ​ങ്കി​ലും ആ​വോ​ളം ആ​സ്വ​ദി​ക്കാ​ൻ ക​ശ്മീ​രി​ന്റെ മ​ഞ്ഞും കു​ളി​രും അ​വ​ശേ​ഷി​ക്കു​ന്നു​ണ്ടാ​യി​രു​ന്നു.

ക​ശ്മീ​രി ക​ഹ്വയും വ​സ്‍വാ​നും

കു​ങ്കു​മ​വും ബ​ദാ​മും അ​വി​ട​ത്തെ മ​റ്റു പ​ല ചേ​രു​വ​ക​ളും ചേ​ർ​ത്തു​ണ്ടാ​ക്കു​ന്ന ഇ​ളം മ​ഞ്ഞനി​റ​ത്തി​ലു​ള്ള പ്ര​ത്യേ​ക രു​ചി​യും ഔ​ഷ​ധഗു​ണ​വു​ള്ള​താ​ണ് ക​ശ്മീ​രി ക​ഹ​്വ (കോ​ഫി). ബി​രി​യാ​ണി മോ​ഡ​ലി​ൽ പ്ര​ത്യേ​ക​ത​രം ഭ​ക്ഷ​ണ​മാ​ണ് ക​ശ്മീ​രി വ​സ്‍വാ​ൻ.

പ്ര​കൃ​തി​യു​ടെ മ​നോ​ഹാ​രി​ത മാ​ത്ര​മ​ല്ല, പ്ര​ശസ്ത​മാ​യ ഹ​സ്റ​ത് ബാ​ൽ, മു​ഗ​ൾ, ജാ​മി​അ പ​ള്ളി​ക​ൾ, മു​ഗ​ള്‍ ഗാ​ര്‍ഡ​ന്‍, പാ​രി മ​ഹ​ല്‍, ഇ​ന്ദി​ര ​ഗാ​ന്ധി മെ​മ്മോ​റി​യ​ല്‍ ട്യൂ​ലി​പ് ഗാ​ര്‍ഡ​ന്‍, ഹ​സ്റ​ത്​ ബാല്‍ ഷ്രൈ​ന്‍ തു​ട​ങ്ങി​യ ച​രി​ത്ര സ്മാ​ര​ക​ങ്ങ​ളും ക​ശ്മീ​രി​ൽ കാ​ണാ​നും പ​ഠി​ക്കാ​നു​മു​ണ്ട്. ക​ശ്മീ​രി​നോ​ളം സു​ന്ദ​രി​യാ​യ മ​റ്റൊ​രു ന​ഗ​ര​വും ന​മ്മു​ടെ രാ​ജ്യ​ത്തു​ണ്ടോ, സം​ശ​യ​മാ​ണ്.