ക​പ്പ​ഡോ​ക്കി​യ​യും അ​ന്റാ​ലി​യ​യും

ജീ​വി​ത​ത്തി​ൽ ഒ​രി​ക്ക​ലെ​ങ്കി​ലും യാ​ത്ര​ചെ​യ്യാ​ന്‍ ആ​ഗ്ര​ഹി​ച്ച ഒ​ന്നാ​യി​രു​ന്നു ഹോ​ട്ട് എ​യ​ർ ബ​`ലൂ​ണും പാ​രാ​ഗ്ലൈ​ഡി​ങ്ങും. തു​ർ​ക്കി​യ യാ​ത്ര​യി​ൽ ത​ന്നെ ആ ​സ്വ​പ്ന​വും സാ​ക്ഷാ​ത്ക​രി​ക്കാ​ൻ അ​വ​സ​ര​മൊ​രു​ങ്ങി. ക​പ്പ​ഡോ​ക്കി​യ​യി​ലെ ഹോ​ട്ട് എ​യ​ർ ബ​ലൂ​ണി​ൽ ക​യ​റി ആ​ദ്യ​മാ​യി സീ​റ്റ്‌ ബെ​ൽ​റ്റും ജ​നാ​ല​യും മ​റ്റു ത​ട​സ്സ​ങ്ങ​ളി​ലാ​തെ ഭൂ​മി​യി​ൽ നി​ന്നും ആ​കാ​ശ​ത്തേ​ക്ക് ഒ​രു യാ​ത്ര.

ഒ​രു​പാ​ട് വ​ര്‍ഷ​ങ്ങ​ള്‍ക്ക് മു​മ്പ് അ​ഗ്നി​പ​ർ​വ​തം പൊ​ട്ടി​യ​തി​നെ തു​ട​ർ​ന്നു​ണ്ടാ​യ മ​ഴ​യി​ലും വെ​ള്ളം കെ​ട്ടി​ക്കി​ട​ക്കു​ക​യും, അ​ങ്ങ​നെ ഇ​ട​ക്ക് കൂ​റ്റ​ൻ പാ​റ​ക​ളും ഇ​ട​ക്ക് ച​തു​പ്പും പ​ച്ച​പ്പും മ​ണ്ണും കൂ​ടി​ക​ല​ർ​ന്ന ഭൂ​പ്ര​കൃ​തി​യു​ള്ള ക​പ്പ​ഡോ​ക്കി​യ​യു​ടെ വ്യ​ത്യ​സ്ത കാ​ഴ്ച​ക​ൾ ന​ൽ​കി​യ യാ​ത്ര​യാ​യി​രു​ന്നു അ​ത്.

അ​വി​ട​ത്തെ മ​റ്റൊ​രു മ​റ​ക്കാ​നാ​വാ​ത്ത കാ​ഴ്ച പാ​റ​ക്ക​ല്ലി​ൽ കൊ​ത്തി​യു​ണ്ടാ​ക്കി​യ വീ​ടു​ക​ളും മ​ണ്ണി​ന​ടി​യി​ല്‍ തീ​ര്‍ത്ത ട​ണ​ലു​ക​ളു​മാ​ണ്. ബൈ​സാ​ന്റി​യ​ൻ കാ​ല​ത്ത് ആ​ളു​ക​ൾ നി​ർ​മി​ച്ച ഭൂ​മി​ക്ക​ടി​യി​ലെ എ​ട്ടു നി​ല​ക​ളു​ള്ള ഒ​രു നി​ർ​മി​തി. പു​റ​ത്തെ ഭീ​ക​ര​ജീ​വി​ക​ളി​ൽ​നി​ന്നും കാ​ലാ​വ​സ്ഥാ വ്യ​തി​യാ​ന​ങ്ങ​ളി​ൽ​നി​ന്നും ര​ക്ഷ​പ്പെ​ടാ​ൻ അ​വ​ർ നി​ർ​മി​ച്ച ഈ ​ഭൂ​ഗ​ർ​ഭ കെ​ട്ടി​ടം വ​ല്ലാ​തെ ആ​ശ്ച​ര്യ​പ്പെ​ടു​ത്തി. അ​വ​യെ​ല്ലാം ടൂ​റി​സ്റ്റു​ക​ൾ​ക്ക് ക​ട​ന്നു​പോ​കാ​ൻ പ​റ്റു​ന്ന രീ​തി​യി​ൽ ത​യാ​റാ​ക്കി​യ​തും വ​ള​രെ പ്ര​ശം​സ​നീ​യ​മാ​ണ്.

ഇ​രു​വ​ശ​വും മ​ഞ്ഞ​പൂ​ക്ക​ളാ​ൽ വ​ര​വേ​ൽ​ക്കു​ന്ന കാ​ഴ്ച​ക​ളാ​ണ് ക​പ്പ​ഡോ​ക്കി​യ​യി​ൽ​നി​ന്നും കോ​നി​യ​യി​ലേ​ക്കു​ള്ള യാ​ത്ര സ​മ്മാ​നി​ച്ച​ത്. റൂ​മി​യെ തി​ര​ഞ്ഞു​ള്ള യാ​ത്ര എ​ന്നെ മൗ​ലാ​ന ജ​ലാ​ലു​ദീ​ന്‍ മു​ഹ​മ്മ​ദ്‌ ബ​ല്ഖി പ​ള്ളി​ക്ക് മു​ന്നി​ലെ​ത്തി​ച്ചു. അ​തി​നോ​ട് ചേ​ർ​ന്നു​നി​ൽ​ക്കു​ന്ന ഒ​രു കെ​ട്ടി​ട​ത്തി​ൽ റൂ​മി​യു​ടെ (മൗ​ലാ​ന എ​ന്നാ​ണ​വ​ർ സൂ​ഫി​ക​ളെ വി​ളി​ക്കു​ന്ന​ത്) ഖ​ബ​ർ കാ​ണു​ക​യു​ണ്ടാ​യി. അ​ടു​ത്തു​ള്ള മ്യൂ​സി​യ​ത്തി​ൽ ഒ​രു​പാ​ട് സൂ​ഫി​ക​ളു​ടെ മെ​ഴു​കു രൂ​പ​ങ്ങ​ളും, അ​വ​രു​ടെ ദൈ​നം​ദി​ന കാ​ഴ്ച​ക​ളും അ​വ​ര്‍ ഉ​പ​യോ​ഗി​ച്ച മ​റ്റു സാ​മ​ഗ്രി​ക​ളും കാ​ഴ്ച​ക്കാ​യി ഒ​രു​ക്കി ​വെ​ച്ചി​ട്ടു​ണ്ട്.

യാ​ത്ര​യു​ടെ അ​വ​സാ​ന​ദി​ന​ങ്ങ​ള്‍ അ​ന്റാ​ലി​യ​യി​ലെ ഒ​രു വാ​ട്ട​ര്‍ തീം ​പാ​ര്‍ക്കാ​യ ലാ​ന്‍ഡ്‌ ഓ​ഫ് ലെ​ൻ​ഡ്സി​ല്‍ അ​ല്പം സാ​ഹ​സി​ക​ത​ക​ള്‍ നി​റ​ഞ്ഞ അ​നു​ഭ​വ​ങ്ങ​ള്‍ക്കു​ശേ​ഷം മെ​ഡി​റ്റ​റേ​നി​യ​ൻ ക​ട​ലി​നെ ക​ൺ​നി​റ​യെ കാ​ണാ​നെ​ത്തി. ഉ​യ​ർ​ന്നു നി​ൽ​ക്കു​ന്ന ക​ട​ൽ​ക്ക​ര​യാ​ണ് അ​ന്റാ​ലി​യ. നി​റ​യെ കെ​ട്ടി​ട​ങ്ങ​ളും വ​ലി​യ പാ​റ​കെ​ട്ടു​ക​ള്‍ മു​ത​ല്‍ കു​ഞ്ഞു ക​ല്ലു​ക​ള്‍കൊ​ണ്ട് നി​റ​ഞ്ഞ ക​ട​ല്‍ത്തീ​രം വ്യ​ത്യ​സ്ത​മാ​യി തോ​ന്നി.

പി​റ്റേ ദി​നം പാ​മു​കാ​ലേ എ​ന്ന സ്ഥ​ല​ത്തേ​ക്കാ​യി​രു​ന്നു യാ​ത്ര. ഹോ​ട്ട് സ്പ്രി​ങ്സ് എ​ന്ന​റി​യ​പ്പെ​ടു​ന്ന പ്ര​കൃ​തി​യാ ചൂ​ടു​വെ​ള്ളം ല​ഭി​ക്കു​ന്ന വെ​ള്ള​ക്കെ​ട്ടു​ക​ളാ​ണ് അ​വി​ട​ത്തെ പ്ര​ത്യേ​ക​ത. മ​ഞ്ഞു​പോ​ലെ വെ​ള്ള​നി​റ​ത്തി​ൽ മ​ണ്ണു​ക​ളു​ള്ള ആ ​കു​ന്നി​ല്‍ നീ​ല​നി​റ​ത്തി​ല്‍ വെ​ള്ളം കെ​ട്ടി​നി​ൽ​ക്കു​ന്ന​ത് മ​നോ​ഹ​ര​മാ​യ കാ​ഴ്ച​യാ​ണ്. റോ​മ​ന്‍ ഭ​ര​ണ​കാ​ല​ത്തി​ന്‍റെ അ​വ​ശേ​ഷി​പ്പു​ക​ളാ​യ ക​രി​ങ്ക​ല്‍ നി​ര്‍മി​തി​ക​ളും കൂ​റ്റ​ന്‍ ക​രി​ങ്ക​ല്‍ ശി​ല്പ​ങ്ങ​ളു​മു​ള്ള ഒ​രു മ്യൂ​സി​യം(Hierapolis Archaeology Museum) അ​വി​ടെ കാ​ണാ​ന്‍ സാ​ധി​ച്ചു.

യാ​ത്രാ​മ​ധ്യേ തു​ര്‍കി​യ​യെ കൂ​ടു​ത​ല്‍ ഹൃ​ദ്യ​മാ​ക്കി​യ​ത് മ​നം​ക​വ​രു​ന്ന വൈ​വി​ധ്യ​മാ​ര്‍ന്ന ഭ​ക്ഷ​ണ​ങ്ങ​ള്‍ ത​ന്നെ​യാ​ണ്. ഇ​സ്ക​ന്ദ​ര്‍, ഡോ​ണെ​ര്‍, ക​ബാ​ബ്, കു​നാ​ഫ, അ​റി​യു​ന്ന​തും അ​റി​യാ​ത്ത​തു​മാ​യ രു​ചി​ക​ള​റി​യാ​ന്‍ സാ​ധി​ച്ചു.

ഒ​മ്പ​തു ദി​ന​ങ്ങ​ള്‍ ചെ​ല​വ​ഴി​ച്ച്, തു​ര്‍കി​യ​യോ​ട് വി​ട​പ​റ​യു​മ്പോ​ള്‍ മ​ന​സ്സി​ല്‍ ഒ​ര്‍ഹാ​ന്‍ പാ​മു​ക്കി​ന്റെ ക​ഥ​ക​ളി​ലെ മ​ഞ്ഞു​പെ​യ്യു​ന്ന ഇ​സ്തം​ബൂ​ളി​നെ ഒ​ന്നു​കൂ​ടി ക​ണ്ണു​നി​റ​യെ കാ​ണാ​ന്‍ ഇ​നി​യും വ​ര​ണ​മെ​ന്നൊ​രു ആ​ഗ്ര​ഹ​ത്തോ​ടെ യാ​ത്ര​പ​റ​ഞ്ഞു ഓ​ര്‍മ​ക​ളു​ടെ ചി​ത്ര​ങ്ങ​ളോ​ട് ക​ല​പി​ല​കൂ​ട്ടി വി​മാ​ന​ത്തി​ലേ​ക്ക് ന​ട​ന്നു.