ജിന്നുകോട്ടയുടെ രാത്രിവാതിൽ തുറക്കു​േമ്പാൾ

പോ​യ​കാ​ല​ത്തി​​െ​ൻ​റ രേ​ഖ​പ്പെ​ടു​ത്ത​ലു​ക​ളാ​ണ്‌ ച​രി​ത്രസ്മാ​ര​ക​ങ്ങ​ൾ. ഒ​രു ജ​ന​ത ജീ​വി​ച്ചുമ​രി​ച്ച​തി​െ​ൻ​റ​യോ ആ​ധു​നി​ക സൗ​ക​ര്യ​ങ്ങ​ൾ തി​ര​ഞ്ഞ് ഒ​രി​ട​ത്തു​നി​ന്ന് മ​റ്റൊ​രി​ട​ത്തേ​ക്ക് കൂ​ട്ട​പ്പ​ലാ​യ​നം ചെ​യ്ത​തി​​െ​ൻ​റ​യോ ശേ​ഷി​പ്പു​ക​ൾ ഇ​ന്നും കോ​ട്ടം​ത​ട്ടാ​തെ സൂ​ക്ഷി​ക്കു​മ്പോ​ഴാ​ണ്‌ ആ​ധു​നി​ക​ർ എ​ന്ന​വ​കാ​ശ​പ്പെ​ടു​ന്ന​വ​രൊ​ക്കെ ച​രി​ത്ര​ത്തോ​ട് പ്ര​തി​ബ​ദ്ധ​ത​യു​ള്ള​വ​രാ​കു​ന്ന​ത്.

സൗ​ദി​യി​ലെ മ​ധ്യപ്ര​വി​ശ്യ​യാ​യ പ​ഴ​യ​കാ​ല ന​ജ്ദി​ലെ അ​ൽ സു​ദൈ​ർ പ്ര​ദേ​ശ​ത്തി​​െ​ൻ​റ ത​ല​സ്ഥാ​ന​മാ​യ അ​ൽ മ​ജ്മ എ​ന്ന ഉ​ൾ​നാ​ട​ൻ ഗ്രാ​മ​ത്തി​ലു​ള്ള, 18ാം നൂ​റ്റാ​ണ്ടി​ലെ അ​ൽ മു​നീ​ഖ് കോ​ട്ട​യും അ​തി​നോ​ടു​ചേ​ർ​ന്ന് പ​ണ്ടു​ണ്ടാ​യി​രു​ന്ന ഒ​രു ജ​ന​വാ​സ​കേ​ന്ദ്ര​വും കാ​ണു​ക​യെ​ന്ന ല​ക്ഷ്യ​ത്തി​ലാ​ണ് ബ​ലി​പെ​രു​ന്നാൾ​ അവ​ധി​ക്കാ​ല​ത്ത് ഞ​ങ്ങ​ൾ അ​ഞ്ചം​ഗ സം​ഘം പു​റ​പ്പെ​ട്ട​ത്. ദീ​ര ഗ​ദീം എ​ന്ന​റി​യ​പ്പെ​ടു​ന്ന ആ ​പ്ര​ദേ​ശം വി​ദൂ​ര​ങ്ങ​ളി​ൽ​നി​ന്ന് ഹ​ജ്ജി​നു​പോ​കു​ന്ന കാ​ഫി​ല​ക​ളെ നി​രീ​ക്ഷി​ക്കു​ക​യും സം​ര​ക്ഷി​ക്കു​ക​യും ചെ​യ്യു​ന്ന ഒ​രി​ട​ത്താ​വ​ള​മാ​യി​രു​ന്നു.

പ​ഴ​ക്കം​ചെ​ന്ന ആ ​കോ​ട്ട​യു​ടെ വ​ലി​യ ഇ​രു​മ്പു​വാ​തി​ൽ തു​റ​ന്ന് അ​ക​ത്തേ​ക്കു പ്ര​വേ​ശി​ക്കു​മ്പോ​ൾ, നി​ഴ​ലു​ക​ൾ നീ​ളം​െ​വ​ക്കു​ന്ന സാ​യ​ന്ത​ന സൂ​ര്യ​കി​ര​ണ​ങ്ങ​ൾ ആ ​പ്രാ​ചീ​ന കൊ​ട്ടാ​ര​ത്തി​​െ​ൻ​റ ത​വി​ട്ടു മ​ൺ​ഭി​ത്തി​ക​ളി​ൽ കു​ങ്കു​മ​വെ​ളി​ച്ച​ത്തി​​െ​ൻ​റ കാ​ക​ളി​യെ​ഴു​തി​ത്തു​ട​ങ്ങി​യി​രു​ന്നു. പ്രാ​പ​ഞ്ചി​ക​മാ​യ അ​റി​വു​പ്ര​കാ​രം, പ്രാ​ദേ​ശി​ക​മാ​യി ല​ഭി​ച്ചി​രു​ന്ന അ​സം​സ്കൃ​ത വ​സ്തു​ക്ക​ളാ​യ ചു​വ​ന്ന ക​ളി​മ​ണ്ണും ഈ​ത്ത​പ്പ​ന നാ​രു​ക​ളും കൊ​ണ്ടാ​യി​രു​ന്നു കൊ​ട്ടാ​ര​ച്ചു​മ​രു​ക​ളും കോ​ട്ട​മ​തി​ലു​ക​ളും പ​ടു​ത്തു​യ​ർ​ത്തി​യി​രു​ന്ന​ത്.

ഈ​ത്ത​പ്പ​ന​ത്ത​ടി​ക​ളും മ​റ്റു മ​ര​ത്ത​ടി​ക​ളും നെ​ടു​കെ​യും കു​റു​കെ​യും പാ​കി അ​വ​ക്കൊ​പ്പം കു​ഴ​ച്ച ക​ളി​മ​ണ്ണു​കൊ​ണ്ട് നി​ർ​മി​ച്ച മ​ട്ടു​പ്പാ​വി​ലേ​ക്ക് ക​യ​റാ​ൻ പ്ര​ത്യേ​ക മ​ൺ​പ​ട​വു​ക​ൾ. ഞ​ങ്ങ​ൾ അ​തു​വ​ഴി നേ​രേ മു​ക​ളി​ലേ​ക്കു ക​യ​റി. അ​വി​ടെ​നി​ന്ന് നോ​ക്കി​യാ​ൽ ആ​ധു​നി​ക ന​ഗ​ര​ത്തി​ൽ​നി​ന്ന് വേ​റി​ട്ട്, മ​ജ്മ​യു​ടെ പൗ​രാ​ണി​ക സൗ​ന്ദ​ര്യ​ം ദൃ​ശ്യ​മാ​കും. കോ​ട്ട​ക്കു​ള്ളി​ൽ​ത്ത​ന്നെ, പു​രാ​ത​ന മാ​തൃ​ക​യി​ൽ നി​ർ​മി​ച്ച ഒ​രു പ​ള്ളി​യു​ണ്ട്. മി​മ്പ​റും ഹൗ​ളു​ക​ളും തു​റ​ന്ന ജാ​ല​ക​ങ്ങ​ളോ​ടു​കൂ​ടി​യ ന​മ​സ്കാ​ര​പ്പു​ര​യും അ​തി​​െ​ൻ​റ പ​ര​മ്പ​രാ​ഗ​ത നി​ർ​മാ​ണ​ശൈ​ലി​കൊ​ണ്ട് വ്യ​ത്യ​സ്ത​മാ​യി തോ​ന്നി.

തു​റ​സ്സാ​യ ച​ത്വ​ര​ത്തി​ൽ​നി​ന്നു​കൊ​ണ്ട് ഒ​രു വി​ഹ​ഗവീ​ക്ഷ​ണം ന​ട​ത്തി​യാ​ൽ, ക​ഴി​ഞ്ഞ കാ​ല​ങ്ങ​ളെ ഓ​ർ​ത്തെ​ടു​ക്ക​ത്ത​ക്ക സം​യോ​ജി​ത നി​ർ​മി​തി​ക​ളു​ടെ എ​ടു​പ്പു​കളും ആ​ധു​നി​ക ത​ച്ചു​ശാ​സ്ത്ര​ത്തെ വെ​ല്ലു​ന്ന രീ​തി​യി​ലു​ള്ള പു​രാ​ത​ന ഇ​സ്​​ലാ​മി​ക വാ​സ്തു​വി​ദ്യ​യു​ടെ ചാ​രു​ത​യും ക​ണ്ണു​ക​ൾകൊ​ണ്ട് ഒ​പ്പി​യെ​ടു​ക്കാം. ക്ഷ​യോ​ന്മു​ഖ​മാ​യ കോ​ട്ട​യു​ടെ ഗ​ത​കാ​ല പ്രൗ​ഢി അ​തേ​പ​ടി നി​ല​നി​ർ​ത്താ​നാ​യി​ല്ലെ​ങ്കി​ലും, പ​ഴ​മ​യും പു​തു​മ​യും സ​മ്മേ​ളി​ക്ക​ത്ത​ക്ക​രീ​തി​യി​ൽ സ​ർ​ക്കാ​ർ അ​വ​യെ പൈ​തൃ​ക​ഗ്രാ​മ​ങ്ങ​ളാ​യി സം​ര​ക്ഷി​ച്ചു​പോ​രു​ന്നു. ഈ​യ​ടു​ത്ത കാ​ല​ത്താ​ണ്‌ യു​നെ​സ്കോ​യു​ടെ ലോ​ക പൈ​തൃ​ക​പ്പ​ട്ടി​ക​യി​ൽ ഇ​ടം​നേ​ടു​ക എ​ന്ന ല​ക്ഷ്യ​ത്തോ​ടെ ഈ ​സൂ​ക്ഷി​പ്പു​ക​ളും പു​ന​രു​ദ്ധ​രി​ക്കാ​ൻ തു​ട​ങ്ങി​യ​ത്.

മ​ൺ​കു​ടി​ക​ളി​ലുറ​ങ്ങുന്ന ജി​ന്നു​ക​ൾ​

കോ​ട്ട​യെ​യും പു​രാ​ത​ന ജ​ന​വാ​സ​കേ​ന്ദ്ര​ത്തെ​യും വേ​ർ​തി​രി​ച്ചു​കൊ​ണ്ട്, ടാ​റി​ട്ട റോ​ഡ് നി​ല​വി​ൽവ​ന്നി​ട്ടു​ണ്ട്. സൂ​ര്യ​ൻ അ​സ്ത​മ​യ യാ​മ​ത്തോ​ട​ടു​ക്കു​ന്നു. കോ​ട്ട​യി​ൽനി​ന്നി​റ​ങ്ങി വാ​ഹ​ന​ത്തി​ൽ ക​യ​റി​യ ഞ​ങ്ങ​ൾ ആ ​മ​ൺ​നി​ർ​മി​തി​ക​ൾ​ക്കു​ള്ളി​ലേ​ക്ക്​ പ്ര​വേ​ശി​ക്കാൻ അ​ൽ​പം മു​ന്നോ​ട്ടു​പോ​യി യു ​ടേ​ൺ എ​ടു​ത്തു. മ​ൺ​സൗ​ധ​ങ്ങ​ൾ​ക്കി​ട​യി​ൽ വാ​ഹ​ന​ങ്ങ​ൾ​ക്ക് പ്ര​വേ​ശി​ക്ക​ത്ത​ക്ക രീ​തി​യി​ൽ ഒ​രു ഗ​ല്ലി ക​ണ്ട​പ്പോ​ൾ ന​സീ​ർ അ​തി​​െ​ൻ​റ ഓ​ര​ത്ത് പാ​ർ​ക്ക് ചെ​യ്ത് കാ​മ​റ​യു​മാ​യി പു​റ​ത്തി​റ​ങ്ങി. അ​പ്പോ​ഴേ​ക്കും സ​ന്ധ്യ​യു​ടെ ചോ​പ്പ് പ​തി​യെ കാ​ർ​വ​ർ​ണ​മാ​യി​ത്തു​ട​ങ്ങി​യി​രു​ന്നു.

പൗ​രാ​ണി​ക​ത​യു​ടെ പ്രൗ​ഢി​യോ​ടെ ത​ല​യു​യ​ർ​ത്തി നി​ൽ​ക്കു​ന്ന ആ ​മ​ൺ​കു​ടീ​ര​ങ്ങ​ളി​ൽ അ​ങ്ങി​ങ്ങാ​യി വൈ​ദ്യു​ത​ിവി​ള​ക്കു​ക​ൾ മ​ങ്ങി​ക്ക​ത്തു​ന്നു​. അ​ക​ത്തേ​ക്ക് ന​ട​ന്നു​ക​യ​റും​തോ​റും, ഇ​രു​വ​ശ​ത്തും ഒ​രേ മാ​തൃ​ക​യി​ൽ തൊ​ട്ടു​തൊ​ട്ട് അ​നേ​കം മ​ൺ​വീ​ടു​ക​ൾ. അ​ന​സ, ഷ​മ്മാ​ർ തു​ട​ങ്ങി​യ ഗോ​ത്ര​വ​ർ​ഗ​ക്കാ​രി​ലാ​രോ പു​രാ​ത​ന​കാ​ല​ത്ത് പ​ണി​ക​ഴി​പ്പി​ച്ച ച​രി​ത്രനി​ർ​മി​തി​ക​ളാ​യ മ​ൺ​സൗ​ധ​ങ്ങ​ൾ. അ​വ​യി​ൽ ചി​ല​തെ​ല്ലാം വാ​തി​ലു​ക​ള​ട​ഞ്ഞ് ഭ​ദ്ര​മാ​യ നി​ല​യി​ൽ. മ​റ്റു ചി​ല​ത് വാ​തി​ലു​ക​ൾ പാ​തി തു​റ​ന്നു​കി​ട​ക്കു​ന്ന നി​ല​യി​ൽ.

അ​വ​യി​ലേ​ക്കൊ​ന്ന് എ​ത്തി​നോ​ക്കി​യാ​ൽ ക​ട്ട​പി​ടി​ച്ച ഇ​രു​ട്ടു മാ​ത്രം. ത​ല​ങ്ങും വി​ല​ങ്ങും അ​നേ​കം ഇ​ടു​ങ്ങി​യ ഗ​ല്ലി​ക​ൾ. ഒ​രു വീ​ടി​​െ​ൻ​റ മ​ട്ടു​പ്പാ​വി​ൽ​നി​ന്ന് ഗ​ല്ലി​ക്ക​പ്പു​റ​മു​ള്ള വീ​ട്ടി​ലേ​ക്ക് പ​ണി​ത പു​രാ​ത​ന ഫ്ലൈഓ​വ​റു​ക​ൾ. ആ​ധു​നി​ക അ​റ​ബ് സ​മൂ​ഹ​ത്തി​​െ​ൻ​റ പ്ര​പി​താ​ക്ക​ന്മാ​ർ, കൊ​ടു​ത്തും വാ​ങ്ങി​യും സ​മൂ​ഹ​മാ​യി ജീ​വി​ച്ചു​പോ​ന്ന​തി​​െ​ൻ​റ വ്യ​ക്ത​മാ​യ തെ​ളി​വു​ക​ൾ. ആ ​സ​മ​യം പു​റ​ത്തു​നി​ന്ന് വ​ന്ന ഞ​ങ്ങ​ൾ അ​ഞ്ചു പേ​ര​ല്ലാ​തെ മ​റ്റൊ​രു ജീ​വി​യും അ​തി​ന​ക​ത്തി​ല്ല, ക​ടു​ത്ത ഭ​യ​വും വി​ഹ്വ​ല​ത​ക​ളും ജ​നി​പ്പി​ക്കു​ന്ന ഒ​ര​ന്ത​രീ​ക്ഷ​മാ​യി​രു​ന്നു അ​ത്. ഭ​ർ​ത്താ​വു​ൾ​പ്പെ​ടെ നാ​ലു പു​രു​ഷ​ന്മാ​രോ​ടൊ​പ്പം ഞാ​നൊ​രു സ്ത്രീ ​ഒ​റ്റ​ക്ക്​ എ​ന്നൊ​രു നീ​ലി​ച്ച സ​ങ്ക​ടം എ​​െ​ൻ​റ​യു​ള്ളി​ലു​ണ്ടാ​യി​രു​ന്നു. ചാ​ഞ്ഞും ച​രി​ഞ്ഞും ഒ​റ്റ​യ്ക്കും കൂ​ടി​നി​ന്നും ഫോ​ട്ടോ​യെ​ടു​ത്തും ത​മാ​ശ​ക​ൾ പ​റ​ഞ്ഞും ആ ​ഇ​രു​ണ്ട ഗ​ല്ലി​ക​ളി​ലൂ​ടെ ന​ട​ക്കു​മ്പോ​ൾ ആ​ൾ​പ്പാ​ർ​പ്പി​ല്ലാ​ത്ത മ​ൺ​കു​ടി​ക​ളി​ൽ അ​ന്തി​യു​റ​ങ്ങാ​നെ​ത്തു​ന്ന ജി​ന്നു​ക​ളെ​പ്പ​റ്റി​യാ​യി​രു​ന്നു എ​​െ​ൻ​റ ചി​ന്ത മു​ഴു​വ​ൻ. ഏ​റ്റ​വും പി​ന്നി​ൽ ന​ട​ന്നി​രു​ന്ന ഞാ​ൻ ആ ​ചി​ന്ത​ക​ളെ കൂ​ടെ ന​ട​ന്ന സു​ഹൃ​ത്ത് ന​സീ​റു​മാ​യി പ​ങ്കു​െ​വ​ച്ചു.

അ​തേ​യ​തേ... ക​ഥ​യെ​ഴു​താ​ൻ പ​റ്റി​യ വി​ഷ​യം ത​ന്നെ. അ​ദൃ​ശ്യ​രാ​യ ജി​ന്നു​ക​ളെ കാ​ണാ​ൻ​ ക​ഴി​യു​ന്ന പ്ര​ത്യേ​ക ത​രം ലെ​ൻ​സോ​ടു​കൂ​ടി​യ ഒ​രു കാ​മ​റ കൈ​വ​ശ​മു​ണ്ടെ​ന്നു ക​രു​തു​ക. പി​ന്നീ​ട് അ​തി​ലൂ​ടെ കാ​ണു​ന്ന ദൃ​ശ്യ​ങ്ങ​ൾ ഫാ​ൻ​റ​സി​ക്ക് സ​മാ​ന​മാ​യി എ​ഴു​തി​യാ​ൽ ന​ന്നാ​യി​രി​ക്കും. പു​ള്ളി, ഒ​രു നി​ഗൂ​ഢ ക​ഥ​യു​ടെ ത്രെ​ഡ് മ​ന​സ്സി​ലിട്ടു​ത​ന്ന​തോ​ടെ, എ​​െ​ൻ​റ​യു​ള്ളി​ൽ അ​തി​സ​ങ്കീ​ർ​ണ​മാ​യ ഒ​രു ഭ​യം ചേ​ക്കേ​റു​ന്ന​തു​പോ​ലെ. ന​സീ​ർ ലെ​ൻ​സു​ക​ളെ​പ്പ​റ്റി പ​റ​ഞ്ഞ​പ്പോ​ൾ ആ ​മ​ര​ണ​ര​ശ്മി​ക​ളെ​പ്പ​റ്റി​യാ​ണ്‌ പൊ​ടു​ന്ന​നെ ഞാ​നോ​ർ​ത്ത​ത്.

അ​ദൃ​ശ്യ​രാ​യ ജി​ന്നു​ക​ളി​ലാ​രൊ​ക്കെ​യോ തൊ​ട്ടുപി​ന്നി​ലാ​യി എ​ന്നെ പി​ന്തു​ട​രു​ന്നു എ​ന്നൊ​രു ദു​രൂ​ഹ ചി​ന്ത ഉ​ൾ​വി​ളി​യാ​യ​പ്പോ​ൾ, പി​ന്നി​ൽ ന​ട​ന്ന ഞാ​ൻ മു​ന്നി​ലേ​ക്കു ക​യ​റി ന​ട​പ്പ് തു​ട​ങ്ങി. ക​ണ്ടുമ​റ​ഞ്ഞ​തു​ത​ന്നെ വീ​ണ്ടും വീ​ണ്ടും കാ​ണു​ന്ന​തു​കൊ​ണ്ടോ എ​ന്തോ, മെ​ക്സി​ക്കോ​യി​ലെ മാ​യ​ൻ സം​സ്കാ​ര​ത്തി​​െ​ൻ​റ നി​ർ​മി​തി​ക​ൾപോ​ലെ ഇ​വി​ടെ​യും മ​ൺ​കു​ടീ​ര​ങ്ങ​ളു​ടെ നി​ർ​മി​തി​യി​ൽ, ചി​ല ജ്യാ​മി​തീ​യ നി​ഗൂ​ഢ​ത​ക​ൾ ഒ​ളി​ഞ്ഞി​രി​പ്പു​ണ്ടെ​ന്ന് എ​നി​ക്കു തോ​ന്നി.

ഇ​രു​മ്പു​വാ​തി​ൽ കടന്നെത്തിയ വൃദ്ധൻ

സന്ധ്യ കഴിഞ്ഞ നേ​ര​ത്ത് ആ ​നി​ഗൂ​ഢ നി​ർ​മി​തി​ക​ളു​ടെ അ​ജ്ഞാ​ത കാ​ന്തി​ക​ശ​ക്തി​ക്കു​ള്ളി​ലൂ​ടെ ന​ട​ക്കു​മ്പോ​ൾ അ​വി​ചാ​രി​ത​മാ​യി ഞ​ങ്ങ​ൾ​ക്കു മു​ന്നി​ലെ ഇ​രു​മ്പു​വാ​തി​ൽ ഭീ​മാ​കാ​രശ​ബ്​​ദ​ത്തോ​ടെ തു​റ​ക്ക​പ്പെ​ട്ടു. തോ​ബും ഷി​മാ​ഗും ധ​രി​ച്ച വൃ​ദ്ധ​നാ​യ ഒ​ര​റ​ബി, പ​രു​ക്ക​ൻ സ്വ​ര​ത്തി​ൽ അ​ഭി​വാ​ദ്യ​ങ്ങ​ളോ​ടെ ഞ​ങ്ങ​ൾ​ക്കു മു​ന്നി​ൽ പ്ര​ത്യ​ക്ഷ​പ്പെ​ട്ടു. എ​​െ​ൻ​റ കൂ​ടെ​യു​ണ്ടാ​യി​രു​ന്ന​വ​ർ പ്ര​ത്യ​ഭി​വാ​ദ്യം ചെ​യ്തു​കൊ​ണ്ട് ആ ​വൃ​ദ്ധ​ന്‌ ഹ​സ്ത​ദാ​നം ചെ​യ്ത് അ​യാ​ൾ​ക്കു പി​ന്നാ​ലെ, തു​റ​ക്ക​പ്പെ​ട്ട ആ ​ഇ​രു​മ്പുവാ​തി​ലി​ലൂ​ടെ അ​ക​ത്തേ​ക്കു പ്ര​വേ​ശി​ച്ചു. ഒ​രു ഇ​ന്ദ്ര​ജാ​ല​ത്തി​ലെ​ന്ന​പോ​ലെ അ​തെ​ല്ലാം ക​ണ്ടു​നി​ന്ന ഞാ​ൻ പൊ​ടു​ന്ന​നെ സ്ഥ​ല​കാ​ല​ബോ​ധം വീ​ണ്ടെ​ടു​ത്ത് അ​വ​രോ​ടൊ​പ്പം അ​ക​ത്തേ​ക്കു പ്ര​വേ​ശി​ച്ചു.

പു​റ​ത്തു​ക​ണ്ട പ്ര​തീ​തി​യൊ​ന്നു​മ​ല്ല അ​ക​ത്ത്. പൗ​രാ​ണി​ക ഗ്രാ​മ​ത്തി​​െ​ൻ​റ സം​സ്കൃ​തി​യു​ടെ തി​രു​ശേ​ഷി​പ്പു​ക​ൾ ഭം​ഗി​യോ​ടും സൂ​ക്ഷ്മ​ത​യോ​ടുംകൂടി സൂ​ക്ഷി​ക്കു​ന്ന ഇ​ട​മാ​യി​രു​ന്നു അ​ത്. വൃ​ദ്ധ​ൻ ഞ​ങ്ങ​ളോ​ടൊ​പ്പം ചു​റ്റി​ന​ട​ന്ന് ഓ​രോ​ന്നും വി​ശ​ദീ​ക​രി​ച്ചു​ത​ന്നു. കു​ല​ച്ചു​നി​ൽ​ക്കു​ന്ന ഈ​ന്ത​പ്പ​ന​ക​ളി​ൽ​നി​ന്ന് പാ​തി പ​ഴു​ത്ത ഈ​ത്ത​പ്പ​ഴ​ങ്ങ​ൾ കൈ​യെ​ത്തി​ച്ച് ഞ​ങ്ങ​ൾ അ​ട​ർ​ത്തി​യെ​ടു​ത്തു. തൊ​ട്ട​ടു​ത്തു​ത​ന്നെ പാ​ക​മാ​യ അ​ത്തി​പ്പ​ഴ​ങ്ങ​ളു​മു​ണ്ടാ​യി​രു​ന്നു. കോ​ഴി​ക​ളെയും ചെ​മ്മ​രി​യാ​ടു​ക​ളെയും പ​രി​പാ​ലി​ക്കു​ന്ന​തി​നാ​യി ബം​ഗാ​ളി​ക​ളാ​യ ആ​മി​ലു​ക​ൾ. വൃ​ദ്ധ​നാ​യ അ​റ​ബി ഞ​ങ്ങ​ളെ ഒ​രു വ​ലി​യ കി​ണ​റ്റി​ന​ടു​ത്തേ​ക്ക് കൂ​ട്ടി​ക്കൊ​ണ്ടു​പോ​യി.

ഒ​ട്ട​കം, ക​ഴു​ത തു​ട​ങ്ങി​യ ഉ​രു​ക്ക​ളെ വ​ട​ത്തി​ൽ ബ​ന്ധി​ച്ച്, ഒ​ര​റ്റ​ത്ത് വ​ലി​യ തൊ​ട്ടി കെ​ട്ടി​യി​റ​ക്കി​യാ​ണ്‌, കി​ണ​റ്റിലെ വെ​ള്ളം മുകളിൽ എ​ത്തി​ച്ചി​രു​ന്ന​ത്. ഉ​രു​ക്ക​ൾ​ക്ക് പ​ക​രം ആ​മി​ലു​ക​ളെ​ക്കൊ​ണ്ട്, വ​ടം വ​ലി​പ്പി​ച്ച് വെ​ള്ളം​കോ​രു​ന്ന വി​ദ്യ വി​വ​രി​ച്ചു. കാ​ൽ​പ​നി​ക​ത​യി​ലൂ​ടെ​യു​ള്ള അ​പ​ഥ​സ​ഞ്ചാ​ര​ങ്ങ​ൾ അ​ൽ​പം കൂ​ടു​ത​ലു​ള്ള​തു​കൊ​ണ്ടോ മ​നോ​ദൗ​ർ​ബ​ല്യ​ങ്ങ​ളു​ടെ പ​രി​ക​ൽ​പ​ന​ക​ൾകൊ​ണ്ടോ എ​ന്തോ, വ​ർ​ത്ത​മാ​ന​ങ്ങ​ളി​ൽ നി​ന്നു​കൊ​ണ്ടു​ത​ന്നെ മ​ന​സ്സ് ഭൂ​ത​കാ​ല​ത്തി​​െ​ൻ​റ ചി​റ​കു​ക​ളെ​ടു​ത്ത​ണി​ഞ്ഞു. ഋ​തു​ഭേ​ദ​ങ്ങ​ൾ വ​ക​വെ​ക്കാ​തെ, അ​ത് കാ​ലാ​ന്ത​ര​ങ്ങ​ളി​ലേ​ക്ക് സ​ഞ്ച​രി​ക്കാ​ൻ തു​ട​ങ്ങി.

വെ​ള്ള​മൊ​ഴു​കി​യ വ​ഴി​ക​ളൊ​ക്കെ പൊ​ടു​ന്ന​നെ ഉർ​വ​ര​മാ​യി. ഒ​ഴു​ക്കു നി​ല​ച്ച് പ​ണ്ടെ​ങ്ങോ മ​ൺ​മ​റ​ഞ്ഞു​പോ​യ ന​ദി​ക​ളൊ​ക്കെ ഞൊ​ടി​യി​ട​യി​ൽ സ​ജ​ല​ങ്ങ​ളാ​യി. നി​ശ്ച​ല​മാ​യ​തെ​ല്ലാം ച​ടു​ല​മാ​യി. ഉർ​വ​ര​മാ​യ ഇ​ട​ങ്ങ​ളി​ലേ​ക്ക് ഒ​ട്ട​ക​പ്പു​റ​ത്ത് സാ​ർ​ഥ​വാ​ഹ​ക​സം​ഘ​ങ്ങ​ൾ വ​ന്നി​റ​ങ്ങി. അ​വ​രു​ടെ കൈ​ക​ളി​ൽ ഉ​ഴ​വു​ക​ല​പ്പ​യും വാ​ൾ, ക​ത്തി തു​ട​ങ്ങി​യ ആ​യു​ധ​ങ്ങ​ളു​മു​ണ്ടാ​യി​രു​ന്നു. അ​വ​ർ മ​രു​ഭൂ​മി​യു​ടെ മാ​സ്മ​രി​ക​ത​യി​ൽ ആ​ട്ടി​ൻ​പ​റ്റ​ങ്ങ​െ​ള​യും ഒ​ട്ട​ക​ക്കൂ​ട്ട​ങ്ങ​െ​ള​യും മേ​ച്ചു​ന​ട​ന്നു. ഈ​ന്ത​പ്പ​ന​ക​ളും ഒ​ലി​വും അ​ത്തി​യും സി​ദ്‌​ർ മ​ര​ങ്ങ​ളും ഫ​ലം കാ​യ്ച്ചു​നി​ന്നു. ഗോ​ത​മ്പുപാ​ട​ങ്ങ​ൾ വെ​ള്ളം തേ​വി ന​ന​ച്ച് അ​വ​ർ ധാ​ന്യ​ങ്ങ​ൾ ശേ​ഖ​രി​ച്ചു. മോ​ഹി​പ്പി​ക്കു​ന്ന നി​ർ​മാ​ണശൈ​ലി​യി​ൽ, അ​ൽ ബൈ​ത്തു​ൽ തി​മാ​ഹി എ​ന്ന​റി​യ​പ്പെ​ടു​ന്ന മ​ൺ​സൗ​ധ​ങ്ങ​ൾ പ​ണി​തു​ണ്ടാ​ക്കി. സൂ​ഖു​ക​ൾ എ​ന്ന​റി​യ​പ്പെ​ടു​ന്ന ക​ച്ച​വ​ട​കേ​ന്ദ്ര​ങ്ങ​ൾ സ്ഥാ​പി​ക്ക​പ്പെ​ട്ടു. നി​ര​ത്തി​െ​വ​ച്ചി​രി​ക്കു​ന്ന സു​ഗ​ന്ധ​ദ്ര​വ്യ​ങ്ങ​ൾ, നാ​ട​ൻ ഔ​ഷ​ധ​ങ്ങ​ൾ, ഗോ​ത്ര​വ​ർ​ഗ​ക്കാ​രു​ടേ​തെ​ന്ന് തോ​ന്നി​ക്കു​ന്ന ഉ​ട​യാ​ട​ക​ൾ, ആ​ഭ​ര​ണ​ങ്ങ​ൾ, മ​ൺ​പാ​ത്ര​ങ്ങ​ൾ തു​ട​ങ്ങി​യ ക​ച്ച​വ​ട​സാ​മ​ഗ്രി​ക​ൾ​ക്കി​ട​യി​ൽ വാ​ണി​ഭ​ക്കാ​രു​ടെ ക​ല​പി​ല​ക​ൾ.

അ​ത്ത​റും കു​ന്തി​രി​ക്ക​വും മ​ണ​ക്കു​ന്ന തെ​രു​വു​ക​ളി​ലൊ​ക്കെ​യും ത​ല​യി​ൽ ഇ​ല​യും പൂ​വു​മ​ണി​ഞ്ഞ് ന​ട​ക്കു​ന്ന സ്ത്രീ​പു​രു​ഷ​ന്മാ​ർ സാ​ധ​ന​ങ്ങ​ൾ വി​ല​പേ​ശി വാ​ങ്ങു​ന്നു. അ​വ​ർ അ​വ​രു​ടെ മ​ൺ​കു​ടി​ക​ളി​ൽ, ഭൂ​മി​ക്ക​ടി​യി​ലേ​ക്ക് ഗു​ഹ​ക​ൾപോ​ലെ ഗ​ർ​ത്ത​ങ്ങ​ൾ പ​ണി​തു​ണ്ടാ​ക്കി, വ​റു​തി​ക്കാ​ല​ത്തേ​ക്കു​ള്ള ധാ​ന്യ​ങ്ങ​ളും ഈ​ത്ത​പ്പ​ഴ​വും ശേ​ഖ​രി​ച്ചു. കൂ​ടാ​തെ, ഈ​ത്ത​പ്പ​ഴം ഉ​ണ​ക്കാ​നു​ള്ള വി​ശാ​ല​മാ​യ ത​ള​ങ്ങ​ൾ, ആ​ടി​െ​ന​യും ഒ​ട്ട​ക​െ​ത്ത​യും അ​റു​ത്ത്​ കെ​ട്ടി​ത്തൂ​ക്കാ​നു​ള്ള മ​ര​ക്കാ​ലു​ക​ൾ, ചോ​ര​യു​ണ​ങ്ങി​യ ബ​ലി​ക്ക​ല്ല്. വൈ​ദ്യ​വും മ​ന്ത്ര​വാ​ദ​വും ഒ​രു​മി​ച്ചുചേ​ർ​ന്നു​ള്ള ചി​കി​ത്സ​ാരീ​തി​യാ​യ​തി​നാ​ലാ​വാം, ഗോ​ത്ര​സം​സ്കൃ​തി​യോ​ളം പ​ഴ​ക്ക​മു​ള്ള ആ​ഭി​ചാ​ര​ക്രി​യ​ക​ളു​െ​ട​യും പ്ര​വ​ച​ന​ങ്ങ​ളു​െ​ട​യും പ്ര​തീ​ക​മാ​യ കൂ​ടോ​ത്ര​വെ​ള്ള​രി​പോ​ലെ, വ​ലി​യ ഉ​ണ​ക്ക​ച്ചു​ര​ങ്ങ​ക​ൾ റാ​ന്ത​ലു​ക​ൾ​ക്കൊ​പ്പം കെ​ട്ടി​ത്തൂ​ക്കി​യി​രു​ന്നു.

എ​ണ്ണവ​റ്റി മു​നി​ഞ്ഞു​ക​ത്തു​ന്ന ശ​ര​റാ​ന്ത​ലു​ക​ൾ​ക്ക​രി​കി​ൽ ആ​ട്ടി​ൻ​തോ​ൽ നി​ല​ത്തു വി​രി​ച്ച് അ​തി​ന്മേ​ൽ മ​ന്ത്ര​വ​ടി​യും പി​ടി​ച്ചി​രി​ക്കു​ന്ന വൃ​ദ്ധ​ക​ളാ​യ ആ​ഭി​ചാ​രി​ണി​ക​ൾ. പ​ക​ർ​ച്ച​വ്യാ​ധി​ക​ളെ ഉ​ന്മൂ​ല​നം ചെ​യ്യാ​നോ ജി​ന്നുബാ​ധ​യൊ​ഴി​പ്പി​ക്കാ​നോ ആ​യി​രി​ക്ക​ണം അ​വ​രി​ലൊ​രാ​ൾ ആ​കാ​ശ​ത്തേ​ക്ക് കൈ​ക​ൾ ചു​ഴ​റ്റി എ​ന്തൊ​ക്കെ​യോ മ​ന്ത്ര​ങ്ങ​ളാ​വാ​ഹി​ച്ചെ​ടു​ത്ത്, മു​ന്നി​ലി​രി​ക്കു​ന്ന​യാ​ളു​ടെ ക​ണ്ണു​ക​ളി​ലേ​ക്കെ​റി​യു​ന്നു. മോ​ഹ​നി​ദ്ര വി​ട്ടി​ട്ടെ​ന്ന​പോ​ലെ ക​ണ്ണുതു​റ​ന്നു അ​യാ​ൾ, ഗ്രാ​മ​ഫോ​ൺ റെ​േ​ക്കാ​ഡി​ൽ​നി​ന്ന് ഏ​തോ പൗ​രാ​ണി​ക ഗാ​ന​ത്തി​​െ​ൻ​റ പ​തി​ഞ്ഞ ശ്രു​തി.

താ​ള​ത്തി​നൊ​പ്പം വ​ള​രെ സാ​വ​ധാ​ന​ത്തി​ൽ വാ​ളു​യ​ർ​ത്തി നൃ​ത്ത​ച്ചു​വ​ടു​വെ​ക്കു​ന്ന പു​രു​ഷ​ന്മാ​ർ. വ​ര​ണ്ട മൗ​നം പി​ട​ഞ്ഞു​വീ​ഴു​ന്ന ഇ​ല​യ​ന​ക്ക​ങ്ങ​ൾ​ക്ക​രി​കി​ൽ ചി​ല​ർ സ​ങ്ക​ൽ​പ​ര​ഥ്യ​യി​ലെ​ന്ന​വ​ണ്ണം ആ​ത്മീ​യ​ത​യി​ൽ ല​യി​ച്ചി​രി​ക്കു​ന്നു. അ​വ​രു​ടെ ത​ള്ള​വി​ര​ലു​ക​ൾ​ക്കി​ട​യി​ൽ ജ​പ​മ​ണി​ക​ൾ ഉ​രു​ളു​ന്നു.​ ചു​ണ്ടു​ക​ൾ നി​ശ്ശ​ബ്​​ദ കീ​ർ​ത്ത​ന​ങ്ങ​ൾ ഉ​രു​വി​ടു​ന്നു. ദൈ​വ​സ​ന്നി​ധി​യി​ലേ​ക്ക് സ്വ​യം സ​മ​ർ​പ്പി​ച്ച ചി​ല​രൊ​ക്കെ ദു​ർ​ഘ​ട​പാ​ത​ക​ൾ താ​ണ്ടി ഒ​ട്ട​ക​പ്പു​റ​ത്തും ക​ഴു​ത​പ്പു​റ​ത്തും കാ​ൽന​ട​യാ​യു​മൊ​ക്കെ ദൈ​വ​ഗേ​ഹ​ത്തി​ലേ​ക്ക് സ​ഞ്ച​രി​ക്കു​ന്നു. ല​ബ്ബൈ​ക്ക​ല്ലാ​ഹ് വി​ളി​ക​ൾ വാ​യു​വി​ല​ലി​യു​ന്നു.

പ​രി​ഷ്കൃ​ത സ​മൂ​ഹ​ത്തി​​െ​ൻ​റ പൂ​ർ​വി​ക​രാ​യി​രു​ന്നു അ​വ​രെ​ല്ലാം. ആ​ധു​നി​ക മ​നു​ഷ്യ​രെ​ന്ന​വ​കാ​ശ​പ്പെ​ടു​ന്ന ഞ​ങ്ങ​ൾ തൊ​ട്ട​ടു​ത്ത് നി​ന്നി​ട്ടും ഞ​ങ്ങ​ളെ കാ​ണാ​ത്ത ഭാ​വ​മാ​യി​രു​ന്നു അ​വ​രു​ടെ മു​ഖ​ങ്ങ​ളി​ൽ. ഇ​ട​നാ​ഴി​യി​ലൂ​ടെ പാ​ഞ്ഞു​വ​ന്ന കാ​റ്റ് ഇ​ശാ ബാ​ങ്കി​​െ​ൻ​റ ഈ​ണ​വും കൊ​ണ്ടുവ​ന്ന​പ്പോ​ഴാ​ണ്‌, കൂ​ടെ​യു​ള്ള​വ​ർ സ​മ​യ​ത്തെ​പ്പ​റ്റി ബോ​ധ​വാ​ന്മാ​രാ​യ​തും തി​രി​ച്ചു​പോ​കാം എ​ന്ന് ധിറുതി കൂ​ട്ടി​യ​തും. പ്ര​തീ​തി​യാ​ഥാ​ർ​ഥ്യംപോ​ലെ മു​ന്നി​ൽ​ക്ക​ണ്ട ഭാ​വ​ന​ക​ളി​ൽനി​ന്നൊ​ക്കെ മ​ന​സ്സ് പൂ​ർ​ണ​മാ​യും മു​ക്ത​മാ​യി, തി​രി​കെ വീ​ണ്ടും ആ ​ഇ​രു​മ്പുവാ​തി​ൽ ല​ക്ഷ്യ​മാ​ക്കി ഞ​ങ്ങ​ൾ തി​രി​ച്ചു​ന​ട​ന്നു.

ഭ​യ​ത്തി​​െ​ൻ​റ മ​ൺ​ത​രി​ക​ൾ

ഇ​ടു​ങ്ങി​യ ഗ​ല്ലി​യി​ലേ​ക്കി​റ​ങ്ങു​മ്പോ​ൾ, അ​വി​ടം മു​ഴു​വ​ൻ നി​ഗൂ​ഢ​വും വി​ശു​ദ്ധ​വു​മാ​യ ഒ​രു വെ​ളി​ച്ചം ത​ങ്ങി​നി​ൽ​ക്കു​ന്ന​തു​പോ​ലെ. ഏ​തു വ​ഴി​യി​ലൂ​ടെ​യാ​ണ്‌ ഞ​ങ്ങ​ള​വി​ടെ എ​ത്തി​ച്ചേ​ർ​ന്ന​തെ​ന്ന​റി​യാ​തെ കു​ഴ​ങ്ങി. എ​ല്ലാ വ​ഴി​ക​ളും ഒ​രു​പോ​ലെ. വ​ണ്ടി പാ​ർ​ക്ക് ചെ​യ്ത ഗ​ല്ലി അ​ന്വേ​ഷി​ച്ച് ഞ​ങ്ങ​ൾ ന​ട​പ്പു തു​ട​ങ്ങി. ഓ​രോ ഗ​ല്ലി​യി​ലേ​ക്കു ക​ട​ക്കു​മ്പോ​ഴും ഇ​തി​ലേത​ന്നെ​യാ​ണ​ല്ലോ മു​മ്പും ന​ട​ന്ന​ത് എ​ന്ന​വി​ധ​ത്തി​ലു​ള്ള ദി​ഗ്ഭ്ര​മം പി​ടി​കൂ​ടി. എ​ത്ര ന​ട​ന്നി​ട്ടും വ​ണ്ടി പാ​ർ​ക്ക് ചെ​യ്ത ഗ​ല്ലി മാ​ത്രം ക​ണ്ടി​ല്ല. ഒ​ന്നി​ച്ചു ന​ട​ന്ന് വ​ഴിതെ​റ്റു​ന്ന​തി​െ​ന​ക്കാ​ൾ ഭേ​ദം ര​ണ്ടു വ​ഴി​ക​ളാ​യി പി​രി​ഞ്ഞ് അ​ന്വേ​ഷി​ക്കാം എ​ന്ന ആ​ശ​യം മു​ന്നോ​ട്ട​ു​െ​വ​ച്ച​ത് ല​ത്തീ​ഫും അ​ൻ​വ​റു​മാ​ണ്‌. ഇ​രു​വ​ഴി​ക​ളി​ലാ​യി വീ​ണ്ടും ഞ​ങ്ങ​ൾ തി​ര​ച്ചി​ലാ​രം​ഭി​ച്ചു.

രാ​ത്രി​യു​ടെ മ​ല​ർ​ക്കെ​ത്തു​റ​ന്ന വാ​തി​ലി​ലൂ​ടെ ന​ട​ക്കു​മ്പോ​ൾ ചി​ല അ​സാ​ധാ​ര​ണ മു​ഴ​ക്ക​ങ്ങ​ൾ, മ​ൺ​പൊ​ത്തു​ക​ളി​ൽനി​ന്ന് മ​ര​ത​ക​പ്രാ​വു​ക​ളു​ടെ കു​റു​ക​ൽ. കു​െ​റ മു​ന്നോ​ട്ടു​ചെ​ന്ന​പ്പോ​ൾ എ​തി​െ​ര വ​രു​ന്ന ര​ണ്ടു യു​വാ​ക്ക​ളെ ക​ണ്ടു. ആ​ധു​നി​ക രീ​തി​യി​ൽ വ​സ്ത്ര​ധാ​ര​ണം ചെ​യ്ത്, യൂ​റോ​പ്യ​ൻ ഛായ​യു​ള്ള അ​വ​രോ​ട് ഞ​ങ്ങ​ൾ പു​റ​ത്തുക​ട​ക്കാ​നു​ള്ള വ​ഴി ചോ​ദി​ച്ചു. ഇ​ട​ത് വ​ശ​ത്തേ​ക്ക് ചൂ​ണ്ടി അ​റ​ബി​യി​ൽ അ​വ​ർ വ​ഴി പ​റ​ഞ്ഞുത​ന്നു. ഒ​ടു​വി​ൽ ക​റ​ങ്ങി​ത്തി​രി​ഞ്ഞ്, എ​ങ്ങ​നെ​യോ ആ ​മ​ൺ​സാ​മ്രാ​ജ്യ​ത്തി​ൽനി​ന്ന് പു​റ​ത്തുക​ട​ന്ന് ഞ​ങ്ങ​ൾ ടാ​റി​ട്ട റോ​ഡി​ലെ​ത്തി, അ​പ്പോ​ഴാ​ണ്‌ ശ്വാ​സം നേ​െ​ര വീ​ണ​ത്.

അ​ൽ​പ​സ​മ​യ​ത്തി​നു​ള്ളി​ൽ മ​റ്റു ര​ണ്ടു പേ​രും ക​റ​ങ്ങി​ത്തി​രി​ഞ്ഞ് പു​റ​ത്തു​ക​ട​ന്നു. പി​ന്നെ, വാ​ഹ​ന​ങ്ങ​ൾ പോ​കു​ന്ന റോ​ഡി​ലൂ​ടെ ഏ​റെ ദൂ​രം ന​ട​ന്ന് കാ​ർ പാ​ർ​ക്ക് ചെ​യ്ത ഗ​ല്ലി ക​ണ്ടെ​ത്തി. ഹോ, ​എ​ന്തൊ​രാ​ശ്വാ​സം. വ​ണ്ടി അ​താ കി​ട​ക്കു​ന്നു. ഭ​യ​ത്തി​​െ​ൻ​റ മ​ൺ​ത​രി​ക​ൾ കു​ട​ഞ്ഞുക​ള​ഞ്ഞ് എ​ല്ലാ​വ​രും വ​ണ്ടി​യി​ൽ ക​യ​റി. അ​പ്പോ​ഴേ​ക്ക്, ക​ഴി​ച്ച ഉ​ച്ച ബി​രി​യാ​ണി​യൊ​ക്കെ ദ​ഹി​ച്ച്, അ​ഞ്ചു വ​യ​റു​ക​ളി​ൽ വി​ശ​പ്പി​​െ​ൻ​റ കൂ​ട്ട​വി​ളി തു​ട​ങ്ങി​യി​രു​ന്നു...

(മാധ്യമം കുടുംബം മാഗസിനിൽ പ്രസിദ്ധീകരിച്ചത്​)