വ​രൂ, പെ​രി​ങ്ങ​ൽ​ക്കു​ത്തി​ൽ ട്ര​ക്കി​ങ് ന​ട​ത്താം

അ​തി​ര​പ്പി​ള്ളി: അ​തി​ര​പ്പി​ള്ളി വി​നോ​ദ​സ​ഞ്ചാ​ര മേ​ഖ​ല​ക്ക് സാ​ഹ​സി​ക പ​രി​വേ​ഷം ന​ൽ​കി ട്ര​ക്കി​ങ് ആ​രം​ഭി​ക്കു​ന്നു. വാ​ഴ​ച്ചാ​ൽ എ​ഫ്.​ഡി.​എ​ക്ക് കീ​ഴി​ൽ ഇ​ക്കോ​ടൂ​റി​സം പ​ദ്ധ​തി​യു​ടെ ഭാ​ഗ​മാ​യാ​ണ് ട്ര​ക്കി​ങ്.

വ​നം​വ​കു​പ്പ് നേ​തൃ​ത്വ​ത്തി​ൽ പെ​രി​ങ്ങ​ൽ​കു​ത്ത് മേ​ഖ​ല​യി​ലെ കാ​രാം​തോ​ട് ഉ​ൾ​വ​ന​ത്തി​ലൂ​ടെ​യാ​ണ് സാ​ഹ​സി​ക യാ​ത്ര. അ​ടു​ത്ത​യാ​ഴ്ച​യോ​ടെ ആ​രം​ഭി​ക്കും. രാ​വി​ലെ എ​ട്ടി​ന് ആ​രം​ഭി​ച്ച് ഉ​ച്ച​ക്ക് ര​ണ്ടോ​ടെ തി​രി​ച്ചെ​ത്തു​ന്ന രീ​തി​യി​ലാ​ണ് യാ​ത്ര.

പൊ​ക​ല​പ്പാ​റ ഫോ​റ​സ്റ്റ് സ്റ്റേ​ഷ​നി​ൽ നി​ന്നാ​ണ് യാ​ത്ര ആ​രം​ഭി​ക്കു​ക. പെ​രി​ങ്ങ​ൽ​കു​ത്ത് ഡാം ​വ​രെ വ​നം​വ​കു​പ്പി​ന്റെ വാ​ഹ​ന​ത്തി​ലും ഡാ​മി​ൽ​നി​ന്ന് കാ​രം​തോ​ട് വ​രെ 4.5 കി​ലോ​മീ​റ്റ​ർ കാ​ന​ന​പാ​ത​യി​ലൂ​ടെ കാ​ൽ​ന​ട​യാ​യു​മാ​ണ് പോ​കേ​ണ്ട​ത്.

വാ​ഴ​ച്ചാ​ൽ വ​ന​മേ​ഖ​ല​യു​ടെ വ​ന്യ​ത​യും സൗ​ന്ദ​ര്യ​വും ആ​സ്വ​ദി​ക്കാം. വേ​ഴാ​മ്പ​ൽ അ​ട​ക്കം വി​വി​ധ പ​ക്ഷി​ക​ളെ​യും സ​സ്യ​ജാ​ല​ങ്ങ​ളെ​യും കാ​ണാം. കാ​ടി​നെ​ക്കു​റി​ച്ച അ​റി​വു​ക​ളും നി​ർ​ദേ​ശ​ങ്ങ​ളും പ​ക​ർ​ന്നു ന​ൽ​കാ​നും സു​ര​ക്ഷി​ത​ത്വം ഉ​റ​പ്പാ​ക്കാ​നും ഓ​രോ സം​ഘ​ത്തി​ലും ര​ണ്ട് ഗൈ​ഡു​മാ​രും ഒ​രു വ​നം​വ​കു​പ്പ് ജീ​വ​ന​ക്കാ​ര​നും ഉ​ണ്ടാ​കും.

വാ​ഴ​ച്ചാ​ൽ റേ​ഞ്ചി​ന് കീ​ഴിലെ പൊ​ക​ല​പ്പാ​റ, പെ​രി​ങ്ങ​ൽ​കു​ത്ത് ആ​ദി​വാ​സി ഊ​രു​ക​ളി​ൽ​നി​ന്ന് പു​ളി​യി​ല​പ്പാ​റ വി.​എ​സ്.​എ​സ്സി​ൽ​നി​ന്ന് തെ​ര​ഞ്ഞെ​ടു​ക്ക​പ്പെ​ട്ട് പ​രി​ശീ​ല​നം പൂ​ർ​ത്തി​യാ​ക്കി​യ 13 ഗൈ​ഡു​ക​ളു​ടെ സേ​വ​ന​വും പ​ദ്ധ​തി​യു​ടെ ഭാ​ഗ​മാ​യി ഒ​രു​ക്കി​യി​ട്ടു​ണ്ട്. തി​രു​വ​ന​ന്ത​പു​ര​ത്തെ കേ​ര​ള ഇ​ൻ​സ്റ്റി​റ്റ്യൂ​ട്ട് ഓ​ഫ് ടൂ​റി​സം ആ​ൻ​ഡ് ട്രാ​വ​ൽ സ്റ്റ​ഡീ​സി​ലാ​ണ് ഗൈ​ഡു​ക​ൾ​ക്ക് പ​രി​ശീ​ല​നം ന​ൽ​കി​യ​ത്.

കാ​രം​തോ​ടു​ള്ള വ​നം​വ​കു​പ്പ് ഔ​ട്ട് പോ​സ്റ്റി​ൽ​നി​ന്ന് ല​ഘു​ഭ​ക്ഷ​ണം ക​ഴി​ച്ച ശേ​ഷം ആ​യി​രി​ക്കും മ​ട​ക്ക​യാ​ത്ര. പ​ര​മാ​വ​ധി എ​ട്ട് പേ​ർ​ക്കാ​ണ് ഒ​രു സം​ഘ​ത്തി​ൽ യാ​ത്ര ചെ​യ്യാ​നാ​കു​ക. 1000 രൂ​പ​യാ​ണ് ഒ​രാ​ളു​ടെ നി​ര​ക്ക്. എ​ട്ടു പേ​ര​ട​ങ്ങു​ന്ന മൂ​ന്നു സം​ഘ​ങ്ങ​ൾ​ക്കാ​ണ് ഒ​രു ദി​വ​സം പോ​വാ​നാ​കു​ക. താ​ൽ​പ​ര്യ​മു​ള്ള​വ​ർ​ക്ക് 8547601991 ന​മ്പ​റി​ൽ ബ​ന്ധ​പ്പെ​ടാം.