വട്ടവട പച്ചക്കറി ഗ്രാമം; സഞ്ചാരികളെ ആകർഷിക്കുന്ന കുളിര്​...

വ​ട്ട​വ​ട: ശീ​ത​കാ​ല പ​ച്ച​ക്ക​റി കൃ​ഷി​യു​ടെ കേ​ന്ദ്ര​മാ​യ വ​ട്ട​വ​ട വി​നോ​ദ​സ​ഞ്ചാ​രി​ക​ളു​ടെ കേ​ന്ദ്ര​വു​മാ​ണ്. കോ​ട​മ​ഞ്ഞും ത​ണു​ത്ത കാ​ലാ​വ​സ്ഥ​യും ഭൂ​പ്ര​കൃ​തി​യും വ​ന്യ​മൃ​ഗ​ങ്ങ​ളു​ടെ സാ​ന്നി​ധ്യ​വും വ​ട്ട​വ​ട​യു​ടെ പ്രാ​ധാ​ന്യം വ​ർ​ധി​പ്പി​ക്കു​ന്നു. ത​മി​ഴ്‌​നാ​ടു​മാ​യി അ​തി​ർ​ത്തി പ​ങ്കി​ടു​ന്ന വ​ട്ട​വ​ട​യി​ല്‍ ത​മി​ഴ്‌​നാ​ടി​ന്റെ ഭാ​ഗ​മാ​യ ടോ​പ് സ്റ്റേ​ഷ​നാ​ണ് പ്ര​ധാ​ന ആ​ക​ർ​ഷ​ണ കേ​ന്ദ്രം. വ​ന്യ​ജീ​വി​ക​ളു​ടെ ആ​വാ​സ കേ​ന്ദ്ര​മാ​യ ഷോ​ല നാ​ഷ​ന​ല്‍ പാ​ർ​ക്ക്​ സ്ഥി​തി ചെ​യ്യു​ന്ന​തും വ​ട്ട​വ​ട​യി​ൽ. ആ​ദി​വാ​സി​ക​ളും ത​മി​ഴ് വം​ശ​ജ​രും കൂ​ടു​ത​ലു​ള്ള ഇ​വി​ടെ മൂ​ന്നാ​ര്‍ വി​നോ​ദ​സ​ഞ്ചാ​ര കേ​ന്ദ്ര​ത്തി​ന്റെ പ്ര​ധാ​ന ടൂ​റി​സ്റ്റ് കേ​ന്ദ്ര​മാ​യി മാ​റി.

ടോ​പ് സ്റ്റേ​ഷ​നും കു​ണ്ട​ള, മാ​ട്ടു​പ്പെ​ട്ടി അ​ണ​ക്കെ​ട്ടു​ക​ളും കാ​ണാ​ന്‍ എ​ത്തു​ന്ന​വ​ര്‍ വ​ട്ട​വ​ട​യെ കാ​ണാ​തെ പോ​കാ​റി​ല്ല. പ​ച്ച​ക്ക​റി കൃ​ഷി​യാ​ണ് വ​ട്ട​വ​ട​യി​ലെ പ്ര​ധാ​ന ആ​ക​ര്‍ഷ​ണം. നോ​ക്കെ​ത്താ ദൂ​ര​ത്തോ​ളം പ​ര​ന്നു​കി​ട​ക്കു​ന്ന പ​ച്ച​ക്ക​റി പാ​ട​ങ്ങ​ള്‍, കേ​ര​ള​ത്തി​ല്‍ തോ​ട്ട​വി​ള​പോ​ലെ കൃ​ഷി​യി​റ​ക്കു​ന്ന വെ​ളു​ത്തു​ള്ളി പാ​ടം, പ്ലം​സ്, ആ​പ്പി​ള്‍, ഓ​റ​ഞ്ച്, സ്​​ട്രോ​ബ​റി തു​ട​ങ്ങി​യ പ​ഴ​വ​ർ​ഗ​ങ്ങ​ൾ വി​രി​യു​ന്ന നാ​ട്, മ​ണ്ണി​നെ സ്‌​നേ​ഹി​ക്കു​ന്ന ക​ര്‍ഷ​ക​ർ... ഇ​തി​നെ​ല്ലാം പു​റ​മെ നീ​ല​ക്കു​റി​ഞ്ഞി​യെ​യും അ​വ​യു​ടെ ആ​വാ​സ​വ്യ​വ​സ്ഥ​യാ​യ ചോ​ല​ക്കാ​ടു​ക​ളെ​യും ഇ​വി​ടെ കാ​ണാ​ൻ സാ​ധി​ക്കും.

ഇ​തി​ന്റെ പ്രാ​ധാ​ന്യം ഉ​ൾ​ക്കൊ​ണ്ടാ​ണ് 2006 ഒ​ക്ടോ​ബ​ർ ആ​റി​ന് കൊ​ട്ട​ക്കാ​മ്പൂ​ർ, വ​ട്ട​വ​ട വി​ല്ലേ​ജു​ക​ളി​ലു​ൾ​പ്പെ​ട്ട 58, 62 ബ്ലോ​ക്കു​ക​ളി​ലെ 3200 ഹെ​ക്ട​ർ കു​റി​ഞ്ഞി​കു​റി​ഞ്ഞി​മ​ല സാ​ങ്ച്വ​റി​യാ​യി സം​സ്ഥാ​ന സ​ർ​ക്കാ​ർ പ്ര​ഖ്യാ​പി​ച്ച​ത്. ഈ ​ബ്ലോ​ക്കു​ക​ളി​ൽ പ​ട്ട​യം ല​ഭി​ച്ചി​ട്ടു​ള്ള നി​ര​വ​ധി വീ​ടു​ക​ളും വ്യാ​പാ​ര​സ്ഥാ​പ​ന​ങ്ങ​ളും റി​സോ​ർ​ട്ടു​ക​ളും സ​ർ​ക്കാ​ര്‍ സ്ഥാ​പ​ന​ങ്ങ​ളും ഉ​ൾ​പ്പെ​ടു​ന്നു​ണ്ട്. ഗ്രാ​മ​പ​ഞ്ചാ​യ​ത്ത് കാ​ര്യാ​ല​യ​വും കു​ടും​ബാ​രോ​ഗ്യ​കേ​ന്ദ്ര​വും കു​റി​ഞ്ഞി​മ​ല സാ​ങ്ച്വ​റി​യി​ൽ ഉ​ൾ​പ്പെ​ടു​ന്ന സ​ർ​ക്കാ​ർ സ്ഥാ​പ​ന​ങ്ങ​ളാ​ണ്. കു​റി​ഞ്ഞി​മ​ല സാ​ങ്ച്വ​റി​യു​ടെ പേ​രി​ൽ വ​നം​വ​കു​പ്പ് പ്ര​ദേ​ശ​ങ്ങ​ളി​ലെ വി​ക​സ​നം ത​ട​സ്സ​പ്പെ​ടു​ത്തു​ന്ന​താ​യി പ​രാ​തി​യു​ണ്ട്. ഈ ​പ​രി​ധി​യി​ലെ കൈ​യേ​റ്റ ഭൂ​മി ഒ​ഴി​പ്പി​ക്കാ​നു​ള്ള ന​ട​പ​ടി​ക​ൾ 17 വ​ർ​ഷ​മാ​യി ഇ​ഴ​ഞ്ഞു നീ​ങ്ങു​ക​യാ​ണ്.

മ​ഞ്ഞം​പ​ട്ടി താ​ഴ്വ​ര, വ​ട​ക്ക് കി​ഴ​ക്ക് ഇ​ന്ദി​രാ​ഗാ​ന്ധി വ​ന്യ​ജീ​വി സ​ങ്കേ​ത​ത്തി​ലെ അ​മ​രാ​വ​തി റി​സ​ർ​വ്​ വ​നം, ഇ​ര​വി​കു​ളം ദേ​ശീ​യോ​ദ്യാ​നം എ​ന്നി​വ​യു​ൾ​പ്പെ​ടെ സ​മീ​പ​ത്തെ നി​ര​വ​ധി സം​ര​ക്ഷി​ത പ്ര​ദേ​ശ​ങ്ങ​ളി​ൽ ചി​ല സ്പീ​ഷി​സു​ക​ൾ അ​തി​ജീ​വി​ക്കു​ക​യും വ​ള​രു​ക​യും ചെ​യ്യു​ന്നു. കൂ​ടാ​തെ വ​ട​ക്ക് ആ​ന​മു​ടി ഷോ​ല നാ​ഷ​ന​ൽ പാ​ർ​ക്ക്, തെ​ക്ക് പാ​മ്പാ​ടും ഷോ​ല നാ​ഷ​ന​ൽ പാ​ർ​ക്ക്, കി​ഴ​ക്ക് നി​ർ​ദി​ഷ്ട പ​ഴ​നി ഹി​ൽ​സ്​ നാ​ഷ​ന​ൽ പാ​ർ​ക്ക്. ഈ ​സം​ര​ക്ഷി​ത പ്ര​ദേ​ശ​ങ്ങ​ൾ പ്ര​ത്യേ​കി​ച്ച് നീ​ല​ഗി​രി​താ​ർ, ചാ​മ്പ​ൽ അ​ണ്ണാ​ൻ, നീ​ല​ഗി​രി മ​ര​പ്രാ​വ്, ആ​ന, കാ​ട്ടു​പോ​ത്ത്, നീ​ല​ഗി​രി ക​രി​ങ്കു​ര​ങ്ങ്, മ്ലാ​വ് തു​ട​ങ്ങി​യ​വ​യു​ടെ ആ​വാ​സ​കേ​ന്ദ്രം കൂ​ടി​യാ​ണ്.

മു​തു​വാ​ൻ ഗോ​ത്ര​ത്തി​​െന്‍റ ഈ​റ്റി​ല്ലം

സ്വാ​മി​യാ​റ​ള, കൂ​ട​ല്ല​ർ, കീ​ഴ്വ​ത്സ​പ്പെ​ട്ടി, മേ​ൽ​വ​ത്സ​പ്പെ​ട്ടി, വ​യ​ൽ​ത്ത​റ എ​ന്നി​ങ്ങ​നെ അ​ഞ്ച് ആ​ദി​വാ​സി​കു​ടി​ക​ളാ​ണ് വ​ട്ട​വ​ട​യി​ലു​ള്ള​ത്. മു​തു​വാ​ൻ വി​ഭാ​ഗ​ത്തി​ൽ​പെ​ട്ട ആ​ദി​വാ​സി​ക​ൾ മാ​ത്ര​മാ​ണ് ഈ ​പ​ഞ്ചാ​യ​ത്തി​ലു​ള്ള​ത്. കൃ​ഷി​യോ​ടൊ​പ്പം വ​ന​വി​ഭ​വ​ങ്ങ​ൾ ശേ​ഖ​രി​ച്ചു​മാ​ണ് ഇ​വ​ർ ജീ​വി​ക്കു​ന്ന​ത്. കു​റു​മ്പു​ല്ല്, റാ​ഗി എ​ന്നി​വ​യു​ടെ കൃ​ഷി ചെ​റി​യ​തോ​തി​ൽ കു​ടി​ക​ളി​ൽ ന​ട​ക്കു​ന്നു​ണ്ട്.

വ​ട്ട​വ​ട​യി​ലെ കു​ടി​ക​ളി​ല്‍ ഏ​ലം കൃ​ഷി​യും കാ​ണ​പ്പെ​ടു​ന്നു​ണ്ട്. ഉ​ൽ​പാ​ദ​ന​ശേ​ഷി കു​റ​ഞ്ഞ നാ​ട​ൻ, മൈ​സൂ​ർ വ​ഴു​ക്ക എ​ന്നീ​യി​ന​ങ്ങ​ളാ​ണ് ഇ​വ​ർ കൃ​ഷി​ചെ​യ്യു​ന്ന​ത്. വ​ട്ട​വ​ട​യി​ലെ ആ​ദി​വാ​സി​കു​ടി​ക​ളി​ലേ​ക്ക്​ ഗ​താ​ഗ​ത​സൗ​ക​ര്യം പ​രി​മി​ത​മാ​ണ്. കോ​ള​നി​ക​ളി​ൽ സ്‌​കൂ​ളു​ക​ൾ ഇ​ല്ലാ​ത്ത​തി​നാ​ൽ കു​ട്ടി​ക​ൾ മൂ​ന്നാ​റി​ലോ മ​റ​യൂ​രി​ലോ ഹോ​സ്റ്റ​ലി​ല്‍നി​ന്നു പ​ഠി​ക്കേ​ണ്ട സ്ഥി​തി​യാ​ണു​ള്ള​ത്. എ​ല്ലാ കു​ടി​ക​ളി​ലും അം​ഗ​ൻ​വാ​ടി​ക​ൾ പ്ര​വ​ർ​ത്തി​ക്കു​ന്നു.

സൂ​ചി ഗോ​ത​മ്പ്​ വി​ള​യു​ന്നി​ടം

ത​മി​ഴ്‌​നാ​ടു​മാ​യി അ​തി​ർ​ത്തി പ​ങ്കി​ടു​ന്ന ഗ്രാ​മ​ത്തി​ലെ ബ​ഹു​ഭൂ​രി​പ​ക്ഷ​വും ത​മി​ഴ് സം​സാ​രി​ക്കു​ന്ന​വ​രാ​ണ്. സം​സ്ഥാ​ന​ത്തെ പ​ച്ച​ക്ക​റി​ഗ്രാ​മം എ​ന്ന​റി​യ​പ്പെ​ടു​ന്ന വ​ട്ട​വ​ട​യി​ലെ പ്ര​ധാ​ന വ്യാ​പാ​ര​കേ​ന്ദ്ര​മാ​ണ് കോ​വി​ലൂ​ർ. ഇ​വി​ടെ വി​ള​യു​ന്ന പ​ച്ച​ക്ക​റി​ക​ൾ കേ​ര​ള​ത്തി​ലെ​യും ത​മി​ഴ്നാ​ട്ടി​ലെ​യും ച​ന്ത​ക​ളി​ൽ എ​ത്തി​പ്പെ​ടു​ന്നു. പ്ര​ധാ​ന​മാ​യും കാ​ര​റ്റ്, ബീ​റ്റ്റൂ​ട്ട്, ഉ​രു​ള​ക്കി​ഴ​ങ്ങ്, ബീ​ൻ​സ്, ബ​ട്ട​ർ​ബീ​ൻ​സ്, വെ​ളു​ത്തു​ള്ളി, കാ​ബേ​ജ്, അ​മ​ര​പ്പ​യ​ർ എ​ന്നി​വ​യാ​ണ് കൃ​ഷി. സ്‌​ട്രോ​ബ​റി, പാ​ഷ​ൻ ഫ്രൂ​ട്ട്, മ​ര​ത്ത​ക്കാ​ളി, പീ​ച്ച് തു​ട​ങ്ങി​യ പ​ഴ​വ​ർ​ഗ​ങ്ങ​ളും കൃ​ഷി​ചെ​യ്യു​ന്നു. പ​ച്ച​ക്ക​റി​കൃ​ഷി​യാ​ണ് പ്ര​ധാ​ന വ​രു​മാ​ന​മാ​ർ​ഗം.

കേ​ര​ള​ത്തി​ല്‍ സൂ​ചി ഗോ​ത​മ്പ് വി​ള​യു​ന്ന ഏ​ക​സ്ഥ​ലം വ​ട്ട​വ​ട​യു​ടെ ഭാ​ഗ​മാ​യ കോ​വി​ലൂ​രാ​ണ്. ക​ട​വ​രി​യി​ൽ വി​ള​യു​ന്ന പ​ച്ച​ക്ക​റി​ക​ൾ ത​മി​ഴ്നാ​ട്ടി​ലെ ക്ലാ​വ​ര എ​ന്ന സ്ഥ​ല​ത്ത് വാ​ഹ​ന​ത്തി​ലും ക​ഴു​ത​പ്പു​റ​ത്തും എ​ത്തി​ച്ച് വി​ൽ​പ​ന ന​ട​ത്തു​ന്നു. വ​ട്ട​വ​ട​യി​ലെ പ്ര​ധാ​ന വ്യാ​പാ​ര കേ​ന്ദ്ര​മാ​യ കോ​വി​ലൂ​രി​ലേ​ക്ക് എ​ത്തി​പ്പെ​ടാ​നു​ള്ള ബു​ദ്ധി​മു​ട്ടു​മൂ​ലം ഇ​വി​ടെ വി​ള​യു​ന്ന പ​ച്ച​ക്ക​റി​ക​ളു​ടെ ചെ​റി​യ​യൊ​രം​ശം മാ​ത്ര​മേ കേ​ര​ള​ത്തി​ൽ വി​റ്റ​ഴി​ക്കു​ന്നു​ള്ളൂ. യൂ​ക്കാ​ലി​പ്റ്റി​​സ് ഇ​വി​ടെ കൃ​ഷി​ചെ​യ്യു​ന്നു​ണ്ട്. ഇ​വ​യു​ടെ വ്യാ​പ​നം കൃ​ഷി​സ്ഥ​ല വി​സ്തൃ​തി കു​റ​യാ​നി​ട​യാ​ക്കി​യി​ട്ടു​ണ്ട്. വ​ന്യ​മൃ​ഗ​ശ​ല്യ​വും ഇ​വി​ടെ രൂ​ക്ഷ​മാ​ണ്.

യാത്ര ദു​ർ​ഘ​ടം

കു​ന്നും മ​ല​ക​ളും വ​ന​മേ​ഖ​ല​യും ഉ​ൾ​പ്പെ​ട്ട ഈ ​പ്ര​ദേ​ശം കു​റി​ഞ്ഞി വ​ന്യ​മൃ​ഗ സം​ര​ക്ഷി​ത പ്ര​ദേ​ശ​ത്തി​ന്റെ ഭാ​ഗ​മാ​ണ്. ഇ​വി​ടെ ഗ​താ​ഗ​ത​സൗ​ക​ര്യ​ങ്ങ​ൾ കു​റ​വാ​ണ്. കോ​വി​ലൂ​രി​ൽ​നി​ന്ന്​ 12 കി​ലോ​മീ​റ്റ​ർ ദു​ർ​ഘ​ട​മാ​യ വ​ഴി​ലൂ​ടെ സ​ഞ്ച​രി​ച്ചാ​ൽ ഇ​വി​ടെ​യെ​ത്താം. ഈ ​മ​ൺ​പാ​ത കു​റി​ഞ്ഞി സാ​ങ്ച്വ​റി​ക്കു​ള്ളി​ലൂ​ടെ​യാ​ണ് ക​ട​ന്നു​വ​രു​ന്ന​തെ​ന്ന​തി​നാ​ൽ യാ​ത്ര​ക്ക് വ​നം​വ​കു​പ്പ് നി​യ​ന്ത്ര​ണ​മു​ണ്ട്.

ക​ട​വ​രി​യി​ല്‍ പ്രൈ​മ​റി സ്‌​കൂ​ളി​ല്ല. ഇ​വി​ട​ത്തെ കു​ട്ടി​ക​ൾ ത​മി​ഴ്നാ​ട്ടി​ലെ ബ​ന്ധു​ഗൃ​ഹ​ങ്ങ​ളി​ൽ താ​മ​സി​ച്ചാ​ണ് പ​ഠി​ക്കു​ന്ന​ത്. ചി​കി​ത്സ​ക്കാ​യി ത​മി​ഴ്നാ​ട്ടി​ലെ ആ​ശു​പ​ത്രി​ക​ളെ​യാ​ണി​വ​ർ ആ​ശ്ര​യി​ക്കു​ന്ന​ത്. മു​മ്പ്​ ക​ഞ്ചാ​വ്​ കൃ​ഷി​ക്ക്​ കു​പ്ര​സി​ദ്ധി നേ​ടി​യ ഇ​വി​ടം ഇ​പ്പോ​ൾ ക​ഞ്ചാ​വ്​ മു​ക്തം.