ഇ​ന്നും നാ​ളെ​യും തി​ര​ക്ക്​ കൂ​ടും; ഇടുക്കിയിലേക്ക്​ ഇടിച്ചുകയറി സഞ്ചാരികൾ

തൊ​ടു​പു​ഴ: ​​ക്രി​സ്മ​സും പു​തു​വ​ർ​ഷ​വും ആ​ഘോ​ഷി​ക്കാ​ൻ ഇ​ടു​ക്കി ജി​ല്ല​യു​ടെ ത​ണു​പ്പ്​ തേ​ടി​യെ​ത്തി​യ​വ​ർ നാ​ലു​ല​ക്ഷ​ത്തി​ലേ​റെ. ഔ​ദ്യോ​ഗി​ക​മാ​യ ക​ണ​ക്കു​ക​ളാ​ണ്​ ഇ​ത്. എ​ന്നാ​ൽ, അ​തി​ലു​മേ​റെ വ​രു​മെ​ന്നാ​ണ്​ ജി​ല്ല​യി​ലെ പ്ര​ധാ​ന ടൂ​റി​സം കേ​ന്ദ്ര​ങ്ങ​ളി​ലെ അ​ഭൂ​ത​പൂ​ർ​വ​മാ​യ തി​ര​ക്കു​ക​ൾ സൂ​ചി​പ്പി​ക്കു​ന്ന​ത്. പു​തു​വ​ർ​ഷം പി​റ​ന്നി​ട്ടും ജി​ല്ല​യി​ലേ​ക്ക്​ സ​ഞ്ചാ​രി​ക​ൾ ഒ​ഴു​കു​ക​യാ​ണ്. ശ​നി, ഞാ​യ​ർ ദി​ന​ങ്ങ​ളി​ൽ വ​ൻ ജ​ന​ത്തി​ര​ക്കാ​ണ്​ പ്ര​തീ​ക്ഷി​ക്കു​ന്ന​ത്.

ഇ​ടു​ക്കി, കോ​ട്ട​യം ജി​ല്ല​ക​ളി​ലാ​യി വ്യാ​പി​ച്ചു​കി​ട​ക്കു​ന്ന പ്ര​ധാ​ന ടൂ​റി​സം കേ​ന്ദ്ര​മാ​യ വാ​ഗ​മ​ണ്ണി​ലാ​ണ്​ ഏ​റ്റ​വും കൂ​ടു​ത​ൽ സ​ഞ്ചാ​രി​ക​ൾ എ​ത്തി​യ​ത്. വാ​ഗ​മ​ണ്ണി​ലെ അ​ഡ്വ​ഞ്ച​ർ പാ​ർ​ക്കി​ലും മൊ​ട്ട​ക്കു​ന്നു​ക​ളി​ലും ​പൈ​ൻ​മ​ര കാ​ട്ടി​ലും ത​ങ്ങ​ൾ​പാ​റ​യി​ലു​മെ​ല്ലാം വ​ൻ തി​ര​ക്കാ​യി​രു​ന്നു. വാ​ഗ​മ​ൺ ക​ഴി​ഞ്ഞാ​ൽ ഏ​റ്റ​വും കൂ​ടു​ത​ൽ സ​ഞ്ചാ​രി​ക​ൾ എ​ത്തി​യ​ത്​ മൂ​ന്നാ​റി​ലാ​ണ്. തേ​ക്ക​ടി​യി​ലും സ​ഞ്ചാ​രി​ക​ളു​ടെ ഒ​ഴു​ക്കാ​യി​രു​ന്നു. മൂ​ന്നാ​ർ ന​ഗ​ര​ത്തി​ന്‍റെ ത​ണു​പ്പും രാ​ത്രി​കാ​ല ​വൈ​ബും ആ​സ്വ​ദി​ക്കാ​നാ​ണ്​ സ​ഞ്ചാ​രി​ക​ൾ താ​ൽ​പ​ര്യ​പ്പെ​ട്ട​ത്. രാ​ജ​മ​ല​യി​ലും വ​ൻ തി​ര​ക്കാ​യി​രു​ന്നു. കു​മ​ളി ടൗ​ൺ, വാ​ഗ​മ​ൺ, മൂ​ന്നാ​ർ ടൗ​ണു​ക​ളി​ൽ മ​ണി​ക്കൂ​റു​ക​ൾ നീ​ണ്ട ഗ​താ​ഗ​ത​ക്കു​രു​ക്കാ​ണ്​ സ​ഞ്ചാ​രി​ക​ളു​ടെ വാ​ഹ​ന​ങ്ങ​ൾ സൃ​ഷ്​​ടി​ച്ച​ത്. ജി​ല്ല ടൂ​റി​സം പ്ര​മോ​ഷ​ൻ കൗ​ൺ​സി​ലി​ന്‍റെ നി​യ​ന്ത്ര​ണ​ത്തി​ലു​ള്ള കേ​ന്ദ്ര​ങ്ങ​ളി​ലെ മാ​ത്രം ക​ണ​ക്കാ​ണ്​ നാ​ലു​ല​ക്ഷം. ജി​ല്ല​യി​ൽ അ​തി​വേ​ഗം വ​ള​ർ​ച്ച പ്രാ​പി​ക്കു​ന്ന ഗ്രാ​മീ​ണ ടൂ​റി​സം മേ​ഖ​ല​യി​ലെ സ​ഞ്ചാ​രി​ക​ളു​ടെ ക​ണ​ക്കു​കൂ​ടി നോ​ക്കു​മ്പോ​ൾ ആ​റു​ ല​ക്ഷ​മെ​ങ്കി​ലും ക​ട​ക്കു​മെ​ന്നാ​ണ്​ സൂ​ച​ന. സ​മീ​പ​കാ​ല​ത്ത്​ ഇ​ത്ര​യും സ​ഞ്ചാ​രി​ക​ൾ വ​രു​ന്ന​ത്​ ആ​ദ്യ​മാ​യാ​ണ്. വ​ട്ട​വ​ട, ചി​ന്ന​ക്ക​നാ​ൽ, മ​റ​യൂ​ർ, കാ​ന്ത​ല്ലൂ​ർ, അ​ടി​മാ​ലി പ്ര​ദേ​ശ​ങ്ങ​ളി​ലെ റി​സോ​ർ​ട്ടു​ക​ളും ഹോ​ട്ട​ലു​ക​ളു​മെ​ല്ലാം നേ​ര​ത്തേ ബു​ക്കി​ങ്​ ക​ഴി​ഞ്ഞ​തി​നാ​ൽ താ​മ​സ​സൗ​ക​ര്യം തേ​ടി സ​ഞ്ചാ​രി​ക​ൾ​ക്ക്​ സ​മീ​പ ടൗ​ണു​ക​ളി​ലേ​ക്ക്​ പോ​കേ​ണ്ടി​വ​ന്നു.

തൊ​ടു​പു​ഴ​ക്ക​ടു​ത്ത മ​ല​ങ്ക​ര ഡാ​മി​ലും തൊ​മ്മ​ൻ​കു​ത്തി​ലു​മൊ​ക്കെ പ​തി​വി​ലു​മേ​റെ സ​ഞ്ചാ​രി​ക​ളു​ടെ തി​ര​ക്കാ​യി​രു​ന്നു. വ​ട​ക്ക​ൻ കേ​ര​ള​ത്തി​ൽ​നി​ന്നും ക​ർ​ണാ​ട​ക, ത​മി​ഴ്​​നാ​ട്​ എ​ന്നി​വി​ട​ങ്ങ​ളി​ൽ​നി​ന്നു​മാ​ണ്​ കൂ​ടു​ത​ലും സ​ഞ്ചാ​രി​ക​ൾ എ​ത്തി​യ​ത്. സ​ഞ്ചാ​രി​ക​ൾ​ക്ക്​ മൂ​ന്നാ​ർ ആ​സ്വ​ദി​ക്കാ​ൻ ഡ​ബി​ൾ ഡെ​ക്ക​ർ ബ​സും പി.​ഡ​ബ്ല്യു.​ഡി അ​തി​ഥി മ​ന്ദി​ര​ത്തി​ന്‍റെ പു​തി​യ ബ്ലോ​ക്കും ഒ​രു​ങ്ങു​ന്നു​ണ്ട്.

പൊ​ളി​ഞ്ഞ റോ​ഡു​ക​ൾ; ന​ടു​വൊ​ടി​ഞ്ഞ്​ സ​ഞ്ചാ​രി​ക​ൾ

വാ​ഗ​മ​ൺ: ഈ ​സീ​സ​ണി​ൽ ഏ​റ്റ​വും കൂ​ടു​ത​ൽ സ​ഞ്ചാ​രി​ക​ൾ വ​ന്നി​റ​ങ്ങി​യ​ത്​ വാ​ഗ​മ​ണ്ണി​ലാ​ണ്. ഏ​ല​പ്പാ​റ ക​ഴി​ഞ്ഞ്​ വാ​ഗ​മ​ൺ ടൗ​ണി​ലേ​ക്ക്​ ക​ട​ക്കു​മ്പോ​ൾ ത​ന്നെ സ​ഞ്ചാ​രി​ക​ളു​ടെ ന​ട്ടെ​ല്ലി​ന്‍റെ ബ​ലം​പ​രീ​ക്ഷി​ച്ച്​ തു​ട​ങ്ങും. ടൗ​ണി​ന്‍റെ തു​ട​ക്കം മു​ത​ൽ മൊ​ട്ട​ക്കു​ന്നു​ക​ളി​ലേ​ക്കും പൈ​ൻ​മ​ര കാ​ടു​ക​ളി​ലേ​ക്കും അ​ഡ്വ​ഞ്ച​ർ പാ​ർ​ക്കി​ലേ​ക്കും പോ​കു​ന്ന റോ​ഡെ​ല്ലാം ത​ക​ർ​ന്നി​ട്ട്​ തു​ട​ങ്ങി​യി​ട്ട്​ മാ​സ​ങ്ങ​ളാ​യി.

ഏ​ല​പ്പാ​റ, കൂ​ട്ടി​ക്ക​ൽ പ​ഞ്ചാ​യ​ത്തു​ക​ളി​ലാ​യി വ്യാ​പി​ച്ചു​കി​ട​ക്കു​ന്ന വാ​ഗ​മ​ണ്ണി​ന്‍റെ ഇ​ടു​ക്കി ജി​ല്ല​യി​ൽ​പെ​ട്ട ഭാ​ഗ​ങ്ങ​ളാ​ണ്​ ഏ​റ്റ​വും ത​ക​ർ​ന്ന നി​ല​യി​ൽ. കു​ഴി​ക​ളി​ൽ വീ​ണ്​ മു​ന്നോ​ട്ടു​പോ​കാ​ൻ വി​ഷ​മി​ക്കു​ന്ന വാ​ഹ​ന​ങ്ങ​ൾ സൃ​ഷ്​​ടി​ക്കു​ന്ന ഗ​താ​ഗ​ത​ക്കു​രു​ക്ക്​ ഒ​ഴി​ക്കാ​ൻ പൊ​ലീ​സു​കാ​ർ​ക്ക്​ മ​ണി​ക്കൂ​റു​ക​ളോ​ളം പ​ണി​പ്പെ​ടേ​ണ്ടി​വ​രു​ന്നു.

മൂ​ന്നാ​ർ ടൗ​ണി​ന്‍റെ കാ​ര്യ​വും ഏ​താ​ണ്ട്​ ഇ​തേ അ​വ​സ്ഥ​യി​ലാ​ണ്. ഗ​താ​ഗ​ത​ക്കു​രു​ക്കി​ൽ ന​ട്ടം​തി​രി​യു​ക​യാ​ണ്​ മൂ​ന്നാ​ർ. മൂ​ന്നാ​ർ-​ക​മ്പം​മെ​ട്ട്​ റോ​ഡ്​ വി​ശാ​ല​മാ​യും ഉ​ന്ന​ത നി​ല​വാ​ര​ത്തി​ലും പ​ണി​ത​തി​ന്‍റെ മേ​ന്മ ആ​വ​ർ​ത്തി​ക്കു​ന്ന മ​ന്ത്രി ത​ന്നെ​യാ​ണ്​ പൊ​തു​മ​രാ​മ​ത്തും ടൂ​റി​സ​വും ഒ​ന്നി​ച്ചു കൈ​കാ​ര്യം ചെ​യ്യു​ന്ന​ത്. എ​ന്നി​ട്ടും കേ​ര​ള​ത്തി​ൽ ഏ​റ്റ​വും കൂ​ടു​ത​ൽ സ​ഞ്ചാ​രി​ക​ൾ വ​ന്നി​റ​ങ്ങു​ന്ന ഇ​ടു​ക്കി​യി​ലെ ടൂ​റി​സ്റ്റ്​ കേ​ന്ദ്ര​ങ്ങ​ളു​ടെ അ​വ​സ്ഥ അ​ത്യ​ന്തം ശോ​ച്യ​മാ​ണ്.

വാ​ഗ​മ​ണ്ണി​ലെ ​പൈ​ൻ​മ​ര കാ​ട്ടി​ൽ ടി​ക്ക​റ്റെ​ടു​ത്ത്​ ക​യ​റു​ന്ന​വ​ർ​ക്ക്​ പ്രാ​ഥ​മി​കാ​വ​ശ്യ​ങ്ങ​ൾ നി​ർ​വ​ഹി​ക്കാ​ൻ​പോ​ലും സൗ​ക​ര്യ​മി​ല്ലെ​ന്ന്​ പ​രാ​തി ഉ​യ​ർ​ന്നി​രു​ന്നു. ഇ​ത്​ പ​രി​ഹ​രി​ക്കാ​ൻ നി​ർ​മി​ച്ച ടോ​യ്​​ല​റ്റു​ക​ളാ​വ​ട്ടെ ഇ​പ്പോ​ൾ അ​ട​ച്ചി​ട്ടി​രി​ക്കു​ക​യു​മാ​ണ്.