ബംഗളൂരു അപാര്‍ട്ട്‌മെന്റില്‍ കാമുകിയെ കൊലപ്പെടുത്തിയ കേസ്; കീഴടങ്ങാൻ തയാറെന്ന് മലയാളി യുവാവ്

ബംഗളൂരു: ബംഗളൂരു അപാര്‍ട്ട്‌മെന്റില്‍ കാമുകിയായ യുവതിയെ കൊലപ്പെടുത്തിയ കേസിലെ പ്രതിയായ മലയാളി യുവാവ് കീഴടങ്ങാൻ തയാറാണെന്ന് കർണാടക പൊലീസിനെ അറിയിച്ചു. കണ്ണൂര്‍ സ്വദേശിയായ ആരവ് ആണ് താൻ കീഴടങ്ങാൻ തയാറാണെന്ന് പൊലീസിനെ അറിയിച്ചത്. എന്നാൽ പ്രതി നിലവിൽ ഉത്തരേന്ത്യയിൽ ആണെന്നും പെലീസ് സംഘം അ​ങ്ങോട്ട് പുറപ്പെട്ടതായും കർണാടക പൊലീസ് അറിയിച്ചു.

രാത്രിയോടെ പ്രതിയെ ബംഗളൂരുവിലേക്ക് എത്തിക്കുമെന്നാണ് അറിയുന്നത്. കീഴടങ്ങാനുള്ള സന്നദ്ധത ഫോണിൽ വിളിച്ചാണ് ആരവ് പൊലീസിനെ അറിയിച്ചത്. ഇക്കഴിഞ്ഞ ചൊവ്വാഴ്ചയാണ് ക്രൂരമായ കൊലപാതകം നടന്നത്. അ​സം സ്വ​ദേ​ശി​നി മാ​യ ഗൊ​ഗോ​യാ​ണ് (26) കൊ​ല്ല​പ്പെ​ട്ട​ത്.

ബം​ഗ​ളൂ​രു ഇ​ന്ദി​ര ന​ഗ​റി​ലെ റോ​യ​ല്‍ ലി​വി​ങ്സ് അ​പ്പാ​ർ​ട്​​മെ​ന്‍റി​ലാ​ണ് കൊ​ല ന​ട​ന്ന​ത്. ശനിയാഴ്ചയാണ് രണ്ടുപേരും ചേർന്ന് സ​ർ​വി​സ് അ​പാ​ർ​ട്​​മെ​ന്‍റി​ല്‍ മു​റി​യെ​ടു​ത്ത​ത്. അ​ന്ന് രാ​ത്രി ആരവ് യുവതിയെ കുത്തിക്കൊലപ്പെടുത്തുകയായിരുന്നു. കൊ​ല ന​ട​ത്തി​യ ശേ​ഷം ആ​ര​വ് ദി​വ​സം മു​ഴു​വ​ൻ ആ മു​റി​യി​ല്‍ ത​ന്നെ ക​ഴി​ഞ്ഞു. പിറ്റേന്ന് ഞാ​യ​റാ​ഴ്ച വൈ​കീ​ട്ടോ​ടെ അ​പ്പാ​ർ​ട്​​മെ​ന്‍റി​ന് പു​റ​ത്തു​പോ​യ ഇ​യാ​ൾ പി​ന്നീ​ട് മ​ട​ങ്ങി വ​ന്നി​ല്ല. രണ്ടു സംഘങ്ങളായി തിരിഞ്ഞ് അന്വേഷണ സംഘം പ്രതിയെ പിടിക്കാനുള്ള തീവ്ര ശ്രമത്തിലായിരുന്നു. കേരളത്തിലടക്കം സംഘം തിരച്ചിൽ നടത്തിയിരുന്നു.