വോട്ടുയന്ത്രത്തിൽനിന്ന് പിന്മാറില്ല -തെരഞ്ഞെടുപ്പ് കമീഷൻ

ന്യൂ​ഡ​ൽ​ഹി: പ്ര​തി​പ​ക്ഷ ക​ക്ഷി​ക​ൾ സം​ശ​യ​വും വി​മ​ർ​ശ​ന​വും തു​ട​രു​ക​യാ​ണെ​ങ്കി​ലും വോ​ട്ടു​യ​ന്ത്ര​ത്തി​ൽ​നി​ന്ന് പി​ന്മാ​റു​ന്ന പ്ര​ശ്ന​മി​ല്ലെ​ന്ന് മു​ഖ്യ​തെ​ര​ഞ്ഞെ​ടു​പ്പ് ക​മീ​ഷ​ണ​ർ രാ​ജീ​വ് കു​മാ​ർ വ്യ​ക്ത​മാ​ക്കി. വോ​ട്ടു​യ​ന്ത്ര​ത്തെ കു​റി​ച്ചു​ള്ള പ​രാ​തി​ക​ൾ കോ​ട​തി​ക​ൾ 40 പ്രാ​വ​ശ്യം ത​ള്ളി​യ​താ​ണ്. ജ​ന​പ്രാ​തി​നി​ധ്യ നി​യ​മ​ത്തി​ലെ 61(എ) ​വ​കു​പ്പ് ക​മീ​ഷ​ന് ന​ൽ​കി​യ അ​ധി​കാ​രം നി​ല​നി​ൽ​ക്കു​ന്നേ​ട​ത്തോ​ളം കാ​ലം വോ​ട്ടു​യ​ന്ത്ര​ത്തി​നെ​തി​രാ​യ വി​ഷ​യം ഉ​ന്ന​യി​ക്കാ​നാ​വി​ല്ലെ​ന്നും ക​മീ​ഷ​ണ​ർ കൂ​ട്ടി​ച്ചേ​ർ​ത്തു. തെ​ര​ഞ്ഞെ​ടു​പ്പ് പ്ര​ഖ്യാ​പ​ന​ത്തി​നാ​യി വി​ളി​ച്ചു​ചേ​ർ​ത്ത വാ​ർ​ത്ത​സ​മ്മേ​ള​ന​ത്തി​ൽ വോ​ട്ടു​യ​ന്ത്ര​ത്തി​നെ​തി​രാ​യ പ്ര​തി​പ​ക്ഷ പാ​ർ​ട്ടി​ക​ളു​ടെ ആ​ക്ഷേ​പ​ങ്ങ​ളോ​ട് പ്ര​തി​ക​രി​ക്കു​ക​യാ​യി​രു​ന്നു രാ​ജീ​വ് കു​മാ​ർ. രാ​ജ്യ​ത്തെ ഹൈ​കോ​ട​തി​ക​ളും സു​പ്രീം​കോ​ട​തി​ക​ളും വോ​ട്ടു​യ​ന്ത്ര​ത്തി​നെ​തി​രാ​യ പ​രാ​തി​ക​ൾ പ​രി​ശോ​ധി​ച്ച​താ​ണ്.

വോ​ട്ടു​യ​ന്ത്രം ഹാ​ക് ചെ​യ്യു​മെ​ന്നും മോ​ഷ​ണം പോ​കു​ന്നു​ണ്ടെ​ന്നും 19 ല​ക്ഷം യ​ന്ത്ര​ങ്ങ​ൾ കേ​ടാ​ണെ​ന്നും ക​മ്പ്യൂ​ട്ട​ർ വ​ഴി പ്ര​വ​ർ​ത്ത​നം ത​ക​രാ​റി​ലാ​ക്കാം, ഫ​ലം മാ​റ്റാം, കൃ​ത്രി​മം കാ​ണി​ക്കാം തു​ട​ങ്ങി​യ പ​രാ​തി​ക​ളെ​ല്ലാം ഓ​രോ പ്രാ​വ​ശ്യ​വും കോ​ട​തി​ക​ൾ ത​ള്ളി​ക്ക​ള​ഞ്ഞ​താ​ണ്. വോ​ട്ട് കൃ​ത്രി​മം സാ​ധ്യ​മ​ല്ലെ​ന്നും യ​ന്ത്ര​ത്തി​ൽ വൈ​റ​സ് ക​യ​റ്റാ​നാ​കി​ല്ലെ​ന്നും യ​ന്ത്ര​ങ്ങ​ൾ കു​റ്റ​മ​റ്റ​താ​ണെ​ന്നും കോ​ട​തി​ക​ൾ വ്യ​ക്ത​മാ​ക്കി​യ​താ​ണ്. ഇ​പ്പോ​ൾ വോ​ട്ടു​യ​ന്ത്ര​ത്തി​നെ​തി​രാ​യ പ​രാ​തി​ക​ൾ​ക്ക് കോ​ട​തി​ക​ൾ പി​ഴ ചു​മ​ത്തി തു​ട​ങ്ങി​യി​ട്ടു​ണ്ടെ​ന്ന് ക​മീ​ഷ​ണ​ർ തു​ട​ർ​ന്നു. വോ​ട്ടു​യ​ന്ത്ര​ത്തി​നെ​തി​രാ​യ പ​രാ​തി​ക്ക് ഡ​ൽ​ഹി ഹൈ​കോ​ട​തി 10,000 രൂ​പ പി​ഴ​യി​ട്ടു. സു​പ്രീം​കോ​ട​തി 50,000 രൂ​പ​യും പി​ഴ​യി​ട്ടു. ഈ​യി​ടെ​യാ​ണ് സു​പ്രീം​കോ​ട​തി വോ​ട്ടു​യ​ന്ത്ര​ത്തി​നെ​തി​രാ​യ അ​വ​സാ​ന പ​രാ​തി ത​ള്ളി​യ​ത്. എ​ന്നി​ട്ടും സ​മൂ​ഹ മാ​ധ്യ​മ​ങ്ങ​ളി​ൽ പ​ല​രും രം​ഗ​ത്തു​വ​രു​ക​യാ​ണ്. വി​ദ​ഗ്ധ​രാ​യി വേ​ഷം കെ​ട്ടു​ന്ന​വ​രു​ണ്ട്. ബാ​ല​റ്റ് പേ​പ്പ​റു​ക​ളു​ടെ കാ​ല​ത്തേ​ക്കാ​ൾ ചെ​റു രാ​ഷ്​​ട്രീ​യ പാ​ർ​ട്ടി​ക​ൾ കൂ​ടു​ത​ലു​ണ്ടാ​യ​ത് വോ​ട്ടു​യ​ന്ത്ര​ങ്ങ​ളു​ടെ കാ​ല​ത്താ​ണ്. ഇ​ത് സം​ബ​ന്ധി​ച്ച് നി​ര​ന്ത​രം ആ​വ​ർ​ത്തി​ച്ച ചോ​ദ്യ​ങ്ങ​ൾ​ക്കു​ള്ള ഉ​ത്ത​ര​ങ്ങ​ൾ ക​മീ​ഷ​ൻ പ്ര​സി​ദ്ധീ​ക​രി​ച്ചി​ട്ടു​ണ്ട്. തെ​ര​ഞ്ഞെ​ടു​പ്പ് ജ​യി​ക്കു​മ്പോ​ൾ പ്ര​ശ്ന​മു​ന്ന​യി​ക്കാ​ത്ത​വ​ർ തോ​ൽ​ക്കു​മ്പോ​ഴാ​ണി​ത് വി​ഷ​യ​മാ​ക്കു​ന്ന​തെ​ന്ന് മു​ഖ്യ തെ​ര​ഞ്ഞെ​ടു​പ്പ് ക​മീ​ഷ​ണ​ർ പ​രി​ഹ​സി​ക്കു​ക​യും ചെ​യ്തു.

വോ​ട്ടെ​ണ്ണ​ൽ കേ​ന്ദ്ര​ങ്ങ​ളി​ലെ വി​വി​ധ ടേ​ബി​ളു​ക​ളി​ലെ വോ​ട്ടു​ക​ളെ​ണ്ണു​മ്പോ​ൾ വി​വി​ധ ബൂ​ത്തു​ക​ളി​ലെ ഫ​ല​മ​റി​യാ​ത്ത ത​ര​ത്തി​ൽ ടോ​ട്ട​ലൈ​സ​ർ ഉ​പ​യോ​ഗി​ക്കാ​ൻ ഇ​പ്പോ​ൾ ക​മീ​ഷ​ന് പ​ദ്ധ​തി​യി​ല്ലെ​ന്നും അ​തി​ന് പാ​ർ​ട്ടി​ക​ൾ പാ​ക​പ്പെ​ട്ടി​ട്ടി​ല്ലെ​ന്നും അ​ദ്ദേ​ഹം മ​റു​പ​ടി ന​ൽ​കി.